يستحق التفآعل خذني في حضنك حبيبي واشبك ايدي بايدك وخلينانعيش بسعادةمعالبناءبيت سعيد

بسم الله الرحمن الرحيم
السلام عليكم ورحمة الله وبركاته
أخباركم جميعا؟؟
عندي أشياء كثيرة براسي ومحتارة ومش عارفة كيف أنسقها وارتبها
بحاول اتكلم عفوي وبسرد اللي بخاطري
أول شي منتدى الفراشة أعز منتدى عندي وهو اللي دايم أدخله وماأقطعه زي باقي المنتديات
دخلته من قبل خطوبتي وانخطبت وتزوجت واستفدت منه كثير
لكن...
بصراحة صار له سنة تقريبا قسم الحياة الزوجية كله نكد وخيانة وو و !!
والله يابنات الواحد صار مايحب يدخله والمصايب اللي يسمعها يخاف ويشك!!
تدرون انوا بنات كثير ومن المنتدى>>لي علاقة طيبة معهم ومتواصلة معهم
بنفسهم يقولوا من كثر الخيانات و الهموم والأشياء اللي تنكتب والسب واللي تنزل تبي راي البنات
ويكتبوا لها لو انا منك اسيبه أو اترك له البيت ويطق راسه بألف جدار و وو
يقولوا انهم صاروا يشكوا في أزواجهم حتى لو ماسووا شي!!
يعني المفروض الواحد قبل مايكتب يفكر
ويحاول قد الإمكان مايبالغ ويشوف المشكلة من جميع نواحيها صح ولا لا؟؟
المهم موضوعي اليوم
هو
احنا أحيانا نقصر في بيوتنا وأزواجنا
ليش دائما الغلط عالرجال وانه مايحس ومو رومنسي و وو
عني أنا بصراحة تغيرت كثير بعد ولادتي
وين الاهتمام بالشعر والجسم ولاكيلو زيادة!!
ووين الحركات والاستشورا والتجعيد وكل يوم حركة وكل يوم لبس
والعطر من قبل مايدخل الشقة يشمها
ووين الحركات الرومنسية ووين التنظيف اللي زي قبل ووين الفطور والكلمة الطيبة!!
تغيرت كثير
عصبية أبدا مااهتم إلا قليل بشعري وبشرتي وجسمي
الفطور ماأسويه لزوجي!!
لأني أكون سهرانة ومافيني حيل أقوم وهذا أكبر غلط
وو و أشياء كثيرة
لكني بإذن الله بتغير
بصير للأحسن
كل يوم بصحى الصبح وبسوي له الفطور الزين والرومنسي>>بنزل لكم صورة فطورين سويتهم له روعة ومن جد استانس عليهم زوجي
ومع بعض نقدر نعلم بعض طرق ونستفيد من وصفات وطرق تقديم رومنسية
حبيت أقول الحياة الزوجية مو كلها حركات رومنسية وبس!!
لا الكلمة الطيبة الريحة الحلوة الاهتمام بالبيت والعيال
نوفر له المسكن الحلو المريح بعيد عن الإزعاج والنكد
نغسل له رجلينه بماي دافي
ندلك له جسمه
يعني لازم لازم نحاول نسعد أنفسنا بأنفسنا
يعني أنا كنت أقول زوجي وزوجي وزوجي مايسوي لي و وو
لكنه ماقصر والله وسفري أحلى سفرة
سفرني تايلند وماقصر معاي
وحجز لي فنادق حلوة وحركات رومنسية قولوا ماشاء الله
منها قررت بس أرجع أغير حياتي كلها
أول شي بروح أسجل بمركز عشان تمارين أنزل وزني
بحاول أهتم بشعري وأغيره بين فترة وفترة مره غرة مره تقصير مره صبغ خصل خفيفة وهكذا
راح أبتكر حركات رومنسية خفيفة زي أيام الخطوبة وبوفر له البيت الهادي المريح النظيف والمرتب دايما
والحضن الدافي اللي يحط راسه ينسى همومه كلها
ومعا يد بيد ان شاء الله نقدر نتعاون
ماراح ننام يوم وحنا متزاعلين ولو زعلنا بحاول على طول نتراضى ومانشيل على بعض شي ^^
انتظركم يالحلوات