يستحق التفاعل اخطاء ارتكبتيها في تصميم او ديكور منزلك

اب

صراحة موضوعك جاء في وقته
يسلمو

بصراحة الخطاء الي ارتكبناه في بيتنا الجديد غرفة الغسيل صغيرة مرة
يسلمو يا عسل ع الموضوع الحلو
.. ..

خطأ في بيت احد اقربائي انو الفله سواها دورين غير منفصله
يعني بدرج من منتصف البيت
فلمن جا يبغا يزوج ولدو ويسكنه في الدور التاني كان صعب
لانو ماحيكون في استقلاليه
بالتالي الدور ماسار له
يعني لازم تعملو حساب لو تبغو تفصلو الدورين مستقبلا

اسقف الغرف راعي انها ماتكون مرتفعه مرا عشان التكييف حيسير بطئ
ومايكون مرا نازل عشان لو حبيتي تحطي نجف او تعملي الاسقف جبس بارز
لاتحطي ورق عازل على جزاز الشباك عشان الشمس لانه مع الوقت يثبت وماتقدري تطلعيه
ممكن تستبدليه بستاير بلاك اوت
لاتعملي فتحه في جدار المطبخ عالصاله كل الروايح حتفوح في البيت وممكن تسويها بس تحطي شتر

اتوقعت التفاعل اكتر بكتير
ياجماعه لاتبخلو
ترا المعلومات دي مرا مهمه
لانها حاجات في بيوتنا
ممكن نتورط بخطئ مايتصلح ونضطر نتقبله العمر كله
مو معقول ولا وحده فيكم ماسوت ديكور جديد بشقتها وندمت
او عملت ماشالله فله وندمت على تصميم معين او حجم معين
ولو معلومه صغيره صدقيني راح تفيد ...خلو عنكم الكسل وشاركو !!!

قبل

قبل ماتشتري الاثاث
بالزات الكنب وطاولة الاكل
اتاكدي انو المساحه الي عندك كفايه انو تحطي فيهم الاثاث
في بيت اهلي بعد مااشترو غرفه النوم
جو يركبوه واكتشفو انو السقف واطي
والدولاب يحتاج مسااحه عاليه مرا !!! غير السرير بعواميد من ورا طويله
فماكفت في الغرفه !!!!!
طاولة التلفزيون ......قبل ماتشتري اتاكدي كم ثقل تستحمل !!! لايطيح التلفزيون عليكي
دواليب غرفه النوم او دواليب المطبخ العلوية او دواليب المحزن اياكي يكون شفاف !!!!
تخيلي منظر الحاجات باين من برا بيكون شكلها مو حلو
بالزات في المطابخ نغلط الغلطه دي لمن نشوف مطبخ حلو ومانفكر انو الدواليب راح تعذبنا لانها شفافه
الدواليب لمن تصمميها خليها عاليه عشان تكفي العبايات وفساتين الافراح وتضطري تحني الفستان عشان يدخل بالدولاب
لاتشتري دواليب للتحزين في الحمام مصنوعه من خشب
راح يتأكل بسرعه من المويا والرطوبة
لمن تصممي بيتك خلي المطبخ قريب من غرفه الطعام عشان وانتي ترفعي الاكل او تحطيه ماتضطري تمشي مسافات طويله
احاولي ماتسوي صالونين مقابل بعض واذا اضطريتي لازم تحطي عازل ولا باب . وكل واحد له حمام منفصل
عشان لو كان عندك عزيمة رجال وحريم
الابواب خلي دائما لونها غامق لانها بتتعرض لتخبيط كتير ممكن يسبب اثار..زي لو مررتي اثاث او شي معين ممكن يحتك بالباب
غير انو الابواب تكون واسعه بشكل معقول عشان تكفي اي شي يعدي منها وتعطي وسع او منظر شرح
في المطابخ ممكن تسوي طاولة في النص وتحتها مصممه دواليب عشان تستغلي المساحه >>>اكتر المطابخ حاليا فيها دي الحركه