يلا خلونا نسجل مواقف مع ازواجنا

1. وش رايكم ابدي انا


2. بموقف طريف على الاقل بالنسبه لي

size=4]
السلام عليكم والرحمه
اخواتي اخواتي اخواتي............
فراشات المنتدى اشلونكم واخباركم وعلومكم
اليوم طرت على بالي فكره وان شاء الله تعجبكم وتحوز على رضاكم وتكون من المواضيع المميزه
ندخل في الموضوع
خلونا اخواتي نتذكر مواقف صارت لنا مع ازواجنا مع بعض
منها الطريفه او المسليه او موقف لاينسى مع زوجك يعني بالشين او الزين بس كثروا من الزين خلونا نصفي نفوسنا
او مقف ما ينسه من زوجك موقف طيب وقف وياج وساندج فيه وحابه تذكرينه ولا تنسينه
ومن خلال هل موضوع خلنا نقول كلمه لازواجنا ويمكن لحظه شكر ودج تعبرينها هنا::
واتمنى من كل فراشات المنتدى المتزوجات يشاركون فيها وطبيوا خاطري

وش رايكم ابدي انا

بموقف طريف على الاقل بالنسبه لي

بعد مررور شهرين على زواجنا قرر زوجي نغير جو ونروح البحرين رحنا واحنا في واحد من هل مجمعات وكنا نتمشى والا جات لنا ذيك المملوحه الحلوه وكانت مندوبه مبيعات لكرسي مساج وخذتنا على الكرسي وبدت تعرض مميزاته وشلون يكون صالح باي مكان وشلون له فايده وحمله خفيف ممكن توديه البحر وتتشمس وهو في نفس الوقت يدلكك المهم انا ماحبيت اكمل معها ما عطيتها وجه وكملت طريقي اشوف المعروض في البترينات واتمشي وزوجي مستحي يقول للبنت ابي اروح والبننت مستمره في المدح والهذره وانا كل ما امشي التفت اشوف زوجي وانا ميته من الضحك على منظره المتوهق خ المهم وانا امشي وواقفه يم بترينه واله واحد جه ووقف يمي يتفرج على المعروض ولا اشوف ذاك الطاير الهاد على وترك وراه الي تهذرههه وجاني وقالي من ذا وش قال لج قلت له والله ما قال شي خ وانا من داخل فرحانه غار علي ههه المهم قال لي اكيد غرتي من هل مندوبه قلت له من انا قال اي والديل انج ابتعتي وما تحملتي تشوفيني وياهاههه وانا رديت عليه قال اي كلما ابتعتي ناظرتني وجات عينج بعيني قلت في نفسي يلا يا بنت مرريها خليه يفرح اشوي وهو ما يدري اني كنت موالي خلق هذرت المندوبه:وضلينا طول الطريق يقولي اثريج طلعتي غيوره خ مصدق المسكين وقول والله لو الصبي الي كان واقف يمج قال شي كنت مستعد اذبحه بمكانه ههه
هذا الموقف مو قادره انساه وخاصه يوم شقته هاد علي
يلا يا بنات ورونا مواقف صارت لكم ما تنسه مع زوجكم او كل العيله
شاركو لا تفشلوني
ام بدور
]