يمكن الاقي عندكم نصيحه تشرح صدري او وحده تدعيلي وربي يستجاب منها ولها بالمثل يارب

السلام عليكم
حدخل في الموضوع على طول مالي في المقدمات
ماسجلت الا عشان افضفضلكم يمكن الاقي عندكم حل او وحده تدعيلي وربي يستجاب منها
بنات انا انسانة تائبة من ذنب كبير
وان شالله ربي يكون قابل توبتي .......... صلحت علاقتي مع ربي كثير مقارنه بنفسي سابقاً
عارفه اني برضوو مقصرة وما امدح في نفسي خصوصا العلاقه مع ربي .... خليني احكيلكم من البداية
انا السنة الي فاتت اتخرجت من الكلية و كل بنت تتخرج تتمنى انوو احد يطل عليها ترتبط بيه يعني تتزوج
و تستقر ... طبعا دا الشي كنت اتمناه بس مو شاغل بالي مرة .... الحمدلله لمن بدأت السنه الجديدة
قدمت على مدرسه و اتوظفت في مدرسه جنب بيتنا طبعا الشغل كان لا يمت لتخصصي بصله ما ارتحت
بتاتا و طلبت استقالتي ( استمريت بس شهرين ) الموضوع كان عادي عندي و برغبتي لأني
كنت ابغا اشغل وقتي بس و ارتحت في البيت اكثر
خليني اقولكم قبل لا تبدأ السنة يعني في العيد الي راح اتقدم واحد لخطبتي و أمو جات شافتني و عجبتها
مرة ومدحت فيا كثير <<<< على فكرة اتقدم قبل 4 سنين بس انا رفضت بحكم اني كنت صغيرة وهوا كمان
دحين اتقدم تاني وانا كإني رضيت بس ما بينت رضاي .. طبعا قلتلكم اني عجبتها ووصلني الكلام
و اي بنت يوصلها دا الكلام ايش حتتوقع اكيد انوو خلاص حيجي يتقدم و تصير مراسيم الخطوبه و الزواج
استنيت اسبوع اسبوعين ثلاثة ... شهر شهرين و الى الآن لا حياة لمن تنادي .. في كل دي الفترة انا بدعي
ربي انه ييسرلي اموري ييسر امري فهذا الولد .. اخباروو كانت توصلني خلاص الين ماقرب الملل يتملكني
بس برضي اتمناه و مؤمنة انه كل شي قسمه و نصيب بس ما اخفيكم اني اتعلقت فيه
بعدها اتقدملي واحد واثنين وثلاثه ...... كل مرة ما يحصل نصيب ولازم تطلع فيه مشكله
هنا مربط الفرس ........ ليش كل ما يتقدم لي احد يصير كدا اللهم لا اعتراض حتى شكيت في نفسي
الحمدلله اتمتع بجمال و طول و كل الي يشوفوني يمدحوني
طبعا الآن انا صرت عاطله ... و اكبر وحده في العيله ما تزوجت ولا حتى انخطبت و هيا فاضيه
الي اصغر مني بنخطب و يتزوج وانا قاعده ... الله يوفقهم و اتمنالهم كل خير
بس لابد لمن تشوفي الناس من حولك كذا ....... تحسي بشوية نقص فيكي
صار كل همي متى اتزوج متى افرح متى احد يدق بابنا متى و متى ؟؟؟؟؟؟
احيانا اخاف على نفسي اني انحرف او ادور فطريق ثاني الله لا يقولها
امسك نفسي بقوة .. الين ماصرت اقول لأمي ابغا اتزوج دوريلي على عريس
خلاص طفشت صار شغلي الشاغل ابغا افرح زي باقي البنات
ليش الأم دي الي خطبتني اكتر من مرة جات شافتني بعدين ماردت
ليش سارواا كدا يتفرجو و يمشو
مايعرفو انو البنات مساكين .... يستنو بصيص امل اي شي يتعلقوو فيه عشان يفرحوو
ادعولي ربي يفرجها ليا و ييسر امري و يرزقني و يرزق كل الفراشات
الازواج الصالحين الي يتمنوهم
و كل وحدة ترد عليا و تدخل موضوعي يارب ما تخلص دي السنة الا و هيا فبيت زوجها