يمممہ لا ضحكتي ينشرح صدر الزمان بعض طرق أمي بالتنظيف

السلام عليكم ورحمة الله وبركاته:-
,,
أزايكم ياحلوات عساكم دوم بخير ..
مالناغنئ عن تجارب ونصايح أمهاتنا اللي أستفدنا منها كثير..
واليوم لقطت لكم تجارب أمي بالتنظيف بما أنهاعندها هوس
نظافه تحب كل حاجه تكون مرتبه و بيرفكت ,,
..
وتنظيف أبومشي حالك مايمشي عندهاا << كنادايم نتهاوش ع هالشي
قبل زواجي <<فديتهاا..
المهم أنابحط طريقة تنظيفها وإن شاء الله تفيدكم واي سؤال أنا حاضره ,,
وطبعآ أساس النظاافه عندها الكلوركس ماتستغني عنه أبد
يمكن هي أكثر وحده مسببه أزمة كلوركس بالسعوديه
,,
نبدأ بالمطبخ :-
عيون الفرن تنقعها في ماي حار وكلوركس وفيري
و ملعقتين ملح الليمون و شطه سايله لمدة ساعه وبعدها
تفركها بسلك المواعين وتغسلها وترجع كانها جديده
هالطريقه أروع شي للعيون ترجعها ذهبيه تلق ,,
,,
باقي الفرن تشفطه من داخل بالمكنسه وتفركه وتفك
الزجاجه لأن فرنها فيه طبقتين زجاج وتنظف من داخل الزجاج
وتلمعه بالفيري والكلوركس وتفرك من داخل مكان ماتتراكم
الدهون وهذا مهم عشان لماتشغلي الفرن ماتطلع ريحة زي الحرق ..
,,
وفي رمضان تحط القصدير من فوق عشان ماينعدم
الفرن تعرفوا في رمضان مع كثر الطبخ يتناثر
الأكل أو نغفل ويفور ويعدم الدنيا ف القصدير أسهل حل ..
,,
الثلاجه أسبوعيآ تشوف وش الأشياء اللي خربت ترميها خصوصآ
الورقيات بسرعه تذبل وتمسح الثلاجه بديتول مخفف بالمويه ..
ننصيحه الورقيات حطوها بأكياس اللحم لأنه
اتحفظها أكثر وتنظم درجة البروده بحيث تطول أكثرر..
,,
الزنجبيل لماتهرسيه حطيه بالفريزر في كيس لحم
وراح يحافظ علئ طعمه واستخدمي منه للقهوه ..
في حركه للبصل عشان ماتدمعي ولاتطلع له ريحه قويه
وقت الطبخ حطووه بالثلاجه بعد ماتشيلوه من
الخيشه وتنظفونه وتفرزونه يعني الحبات الخربانه أرموها
وحطوه بكيس وبالثلاجه ولاتخافوا ماتطلع ريحه ولاشي..
,,
البن والدقيق خلوها بالثلاجه عشان تظل محافظه
علئ نكهتها ولاتسوس ,, والبهارات بعد ..حطي بعلب برا اللي تكفيك فتره
معينه والباقي خزنيه بعلب بالثلاجه..حتئ الخبز
ومشتقاته أذاخليتيه برا وقت طويل يصير حامض طلعيه وقت الحاجه
بس عشان ماتخسريه..
,,
أذاصرتوا مسافرين جيبوا فحم ووزعيه بالثلاجه
عشان ماتنكتم يسحب الريحه ..
الدجاج أول مايفك من الثلج تنقعه في مويه
وملح عشان يسحب الدم وتنظف الدجاجه
والليمون الباقي ماترميه تحطه في علبة الصابون تبع المواعين
عشان ينعم اليدين ويخفف من أثار الصابون..
,,
القدور لاتحتك كثير بالمجلئ مع الوقت يظهر بخوش
و يتغير شكله أنتبهوا لهالنقطه << ياما هاوشتني بسببها
الملاعق والسكاكين حطي بدروج قريبه
منك اللي للاستخدام اليومي واللي للضيوف شيليها في درج أعلئ عشان ماتتلخبط
وبعدفتره تكتشفي أنه نقصت خاصه ملاعق الحلئ هذي مدري كيف تختفي ..
,,
الليمون لا اتقربيه من الرخام يغير لونه ويبقع لأنه حمضي..
كل ليله كبي مويه ساخنه بالمجلئ عشان لوفي دهون
بالأنابيب تروح لأنها لوتراكمت تسد المجلئ و
تعرضك لمشاكل أنتي في غنئ عنها..
,,
الأشياء اللي تستخدميها يوميآ خليها بدروج قريبه منك
والأدوات اللي تحتاجيها وقت الضيافه خليها بدروج وحدها و
نظميها ونظفيها أول بأول ..
الشفاط ماما تفكه وتنظفه من ألئ ربي يحفظها كل شهر مره
وأوقات الغبار بعد تغسل المروحه وتنشفها والهيكل تمسحه
بمنشفه مبلوله وتمسح الجدار حوله لأنه أكثرمكان يتوسخ
بسرعه وتتركه ليله كامله ماتشغله حتئ تضمن أنه نشف ..
,,
وقت ماتحسوا بالحر لاتشغلوا المروحه بالمطبخ
أذا وجدت لانها تزيده وتنشره المكيف أفضل ..
نصيحه مطبخيه:- التنظيف أول بأول وتعزيله
جدآمهم لاتهملي مطبخك لأنه واجهتك ..
السسجأأأد:_-
الأيام العاديه تجيبي علبه كبيره وتحطي فيها مويه كثيير
وفيري وشوي كلوركس أذاالسجاد يتحمل الكلور وقطرات ديتول
ومقدار نص غطاء منعم أقمشه عشان يعطي ريحه خونفشاريه ..
وتجيبي المكنسه اللي تفرك مثل هالصوره
وتحطيها في الخلطه وتكنسي السجاد بأتجاه
الخيوط عشان تنفش وترجع كأنها جديده وركزي علئ الأماكن الوسخه
أفركيها بقوه ,,بعدما تفركي السجااد أو الموكيت أكنسيه بالمكنسه
اللمامه اليدويه زي الصوره..
تلقط الشعر والأوساخ ,,بعدين بخري ببخور قوي ويمسك لك بالمكان أيام ..
,,,
تنبيه : -ناس كثير أذا أنكب مويه علئ السجاد يمسحونه بمويه
وخلاص,,لا ماينفع كذا بس تطلعي الأوساخ ع سطح
السجاد أمسحي بأسفنجه وبعدين المنشفه..
والكنب بللي منشفه صغيره بمويه مخلوطه مع منعم الأقمشه وأمسحيه
من كل الجوانب ..
وأكنسيه من كل الجهات بالمكنسه الكهربائي ه والستاير بعد مرري عليها المكنسه ..
حطي في بخاخ شوي لينور ومويه وقبل تبخري رشي علئ الكنب
والسجاد واي قطعة قماش بالمكان وبخري لأن البخور مايمسك ألا في مكان رطب ..
السيراميك :-
أكنسوه بالمكنسه الكهربائيه بعدين هاتي وعاء فيه فيري
الاخضر وشوي بس كلوركس ومويه يعني تقريبآ لكل كوب مويه
ملعقتين فيري الأخضر وملأ غطأ الكلوركس بسس (ليش فيري الاخضر
لأن اللي بالليمون واللينور والكلور اذاكان زياده كلها تسبب زي الرطوبه
ع السراميك ماتنفع أبد ) رشي ع السيراميك كله بكميات قليله يعني لكل أربع
بلاطات رشي مقدار ملعقتين وجيبي المساحه الخيوط أو المساحه
العاديه ولفي حولها منشفه قطنيه وأمسحي السيرراميك كله ..
,,
ممكن تخففي د يتول بنده مع ماي وتمسحي اذا كان السيراميك
نظيف بس مجرد ريحه وتعقيم ..
يعني الأشياء الثقيله هي اللي تسبب طبقه مزعجه ع السيراميك
والكلوركس يغير لونه ويخليه هش مع الوقت ..
الجل الأخضرالعملاق روعه للحمامات
بعد ماتغسليها وتعقميها بالكلوركس حطي منه وأمسحي بالمساحه
وأغسلي الحمام يخلي ريحته واو ..
المفارش تغسلها بمنعم الأقمشه وتفرشها وعلئ طول
تبخر تصير ريحة الغرفه..
,,
نقطه هامه:- اذاتبغي الأقمشه والمناشف أذاغسلتيها بالكمفورت
ماتروح ريحته أبدآ لاتحطيه في النشافه الحراريه لأنها تطيرالريحه
ولاتطول بالتجفيف..
تعطير سريع للبيت : - حطي عطر ثقيل بالكيس تبع المكنسه ولماتبدي
تكنسي تنتشر الريحه تكون أخف عشان كذا
أقول عطر ثقيل ..
هذي بعض الطرق بالتنظيف أتمنئ أكون أفدتكم وأعذروني ع التقصير..
دمتم بود . .
اللي يعجبها الموضوع تضغط Like