يوم الأحد الاذاعه

حبيبتى وزعي معمول ، وحمص والحلاوة الملونه اللي تجي مع الحمص، انا عن نفسي حعمل ديكور خيمه صغير واحط طاولة ملبسه قماش الخيمه الأحمر واحط عليها سبت فيه معمول والثاني فيه الحمص في أكياس الشيفون الصغيره ، وحعمل عرض فلاش فيه تكبيرات الحج وبعدين اناشيد عن الحج ايش رايك ؟
واللي عندها افكار زياده تحطها علشان نستفيد من بعض

حلووه افكاركم انا عندي لكم
فكره تعرفين بيت الهديه او سوق الجمله
فيه اشياء مرره حلوه مثل الخياش الصغيره
والاكياس الشيفون الصغار حطي داخلها
شكولاطات او تمر سكري اللي يجيك
قاسي وخلي بنات يقدمونه مع قهوه
هذي بعض الافكار اللي اشوفهم بالمدرسه
اتمنى اكون افدتك

انا ماعندي افكاار بس اذا حصلت شي برسلك ع الموضوع
موفقه بالاذاعه

بمناسبه العيد عطي المديره اما بوكه ورد او مجموعه شكولاته
والمعلمات وزعي عليهم صوغه الحج (حناء وسواك واشرطه دينيه او مطويات ) الطلبه مادري ليش بتعطينهم واذا حبيتي جيبي مذكرات صغيره علي اللي يجاوبون علي اسئلتج
بس ماقلتي لي عن شنو برنامجج وشلون طريقته
واي مرحله
<<< معلمه جديده وعطوني اشراف الاذاعه
اتمني اكون افدتج
وانا ابي مقدمات حلوه لاذاعه افتتاحيه

احنا اذاعتنا عن السنه الهجريه الجديده
ومن افكاري فيها سوينا فيديو وركبنا عليه اناشيد مثل طلع البدر علينا
ومثل نور حياتك بالهدى
لانه هي عن السنه القديمه والمعاصي
وكيف انه النفس ندمت عليها وبتبدأ بالسنه الجديده حياه جديده
فحطينا من عند هذا المقطع نور حياتك بالهدى..
راح نوزع على كل فصل تقويم ونوزع منشورات مسوينها عن السنه الجديده
وتتضمن هالمنشورات
اهم الاحداث اللي حصلت في عام 2008م-1429ه محليه وعالميه..
ونصائح عن استقبال السنه الجديده بروح جديده
وكلام عن السنه الجديده
وتصاميم عن السنه الجديده طبعاً احنا اخذنا حقت السنه القديمه ومسحنا منها عام 1429ه
وبداية الإذاعه قرآن
بعدين قصيده
بعدين الفيديو بعرض البروجكتر والبنات يمشون على حسب كل وحده وتصميمها
وطبعاً بهالاثناء تتوزع المنشورات والتقاويم..
واللنبات تكون مسكره عشان يوضح العرض اكثر للبنات..
وبعدين شكر لمربية فصلنا وشكر مربية فصلنا للبنات اللي اقاموا الإذاعه
بعدين النشيد الوطني وانتهينا

مشكورة حبيباتي على التفاعل المميز ويليت بأفكار جديدة