يوم ميلاد زوجي من تقدر تساعدني

السلام عليكم
اشتري له قلم او بوك ماركة اصلية كنت ابي اقول لك ساعة لا النظارة ماانصحك فيها تخافين ماتجي على وجهه
او اشتري له شيء سبور لو هو يلبس سبورات بس يكون ماركه يعني ارماني او كالفن كلاين وسلامتك.
واذا كنتي تطلعين معه عادي روحي قبل لاي مطعم هو يحبه وتفقي معهم انكم بتتعشون عندهم وباخر العشاء يجيبون الكيك ومعاها الهدية وسلامتك

مشكورة أختي شموخ على الأفكار و أنا فعلاً فكرت في حركة المطعم بس يا ريت وحدة من الأخوات البحرينيات يساعدوني في هذا الشي لو وحدة جربت مرة
و حابة أسمع راي باقي الفراشات

انا
اقول بما انه اهو خطيبج
مو زوجك
ام
مدري والله
انا دايم اجيب له اشيه يستفيد منها
يعني شي محتاجه
روحي اي محل لملابس حلوه واشتري له كم تي شرت او بديات حلوه
وخاصه جو البحرين رطب وحر مثل الشرقيه عندنا
وغلفيهم بشكل حلو بس علشان يتذكرج كل مره يلبسهم
ومدري والله
اذا عجبتج فكرتي
ام بدور

عزيزتي الفراشة، يسعدني ان تكون أول مشاركة لي في هذا المنتدى هي الرد على سؤالك وأتمنى ان لا يكون ردي جاء متأخرا.
-----------------------------
نبدا الجد الحين
------------------------------
الهدية المقترحة: جوال
طريقة التقديم:
المكان: مجلس بيتكم لو ممكن
الوقت: المسا
الاشياء المطلوبة: 1- شموع. 2- موسيقى هادية. 3-اغنية عبد المجيد (غنو لحبيبي) 4-كيك. 5-كرت حلو
---------
أول ما يدخل المجلس لازم تكون الانوار مسكره والشموع منوره واغنية عبد المجيد مشغله. بعدين شغلي الموسيقى الهادية وعطيه الهديه والكرت ولازم تغليف الهدية يكون حلو. اخر شي كلو الكيك بالعافية
--------------------------------
انشالله تستانسون

السلام عليكم.....
اختي عقيق في افكار وايد بخصوص المناسبات ,, مثلا انا في مناسبة يوم زواجنا خشيت الهديه في المطبخ وتميت اصارخ بعد فتره وناديته وقلت له انه في حشره في الكبت وهو مسكين ياي يركض بي يذبحها وتفاجئ بالهديه ولين اليوم يتذكرها ,,, ويوم كنا في الخطوبه شريت بوكس كبير على شكل قلب وحطيت فيه قش وبعض الهدايا من بينهم بوك ماركه و الخ....
بالنسبه عن الاحتفال في المطعم جدام الناس مافضلها لانه مابيخلونه في حالنا مع انها فكره حلوه .... بس سوينها في الابراج ورى الستاره قدم لي هدييه طقم لولو هذا في اول اايام الخطوبه بس الصراحة تفاجئت
وإذا تبين اتسوين في البيت سوي اوردر كيك واحلى انه يكون فيه فراوله او يكون لونها احمر إذا تبين ادلج على مخابز حلوه انا حاظره واشتري روز احمر وشموع ,,وحطي يم الكيك عباره كاتبته
وعن الهديه الصراحة هدايا الريايل صعبه
انتي شوفي اهو ششنو محتاج عن النظاره صعبه ةيمكن ماتيي على ويهه
عندج في بودي شوب طقم حمام او كبكات او مسباح من الحواج تراهم روعه بس يبيلج ميزانيه في عطر دنهل اليديد الصراحه روعه حطيه مع شيئ ثاني يعني خليا مجموعه هدايا مب قادره اكمل لانه بنتي غربلتني ,, إذا محتاجه شيئ ارسيلي لي على الخاص او هني

واله افكار البنات مرة حلوة لكن انا ياعقيق لسا بكتب موضوع هنا عن الحفلة اللي قلت لكم اول تونا
امس سويت الحفلة لكن انا ان شاء اله بنزال لكم الموضوع وصورت لكم الحفلة بعد وان شاء اله بنزلها لكم عن قريب
باي

بصي انا عملت ايه في يوم ميلاد خطيبي
عزمت اهله يعني امه وابوه وده اسعده جدا لان حس اني مهتمه بيهم
وعملت تورته وصيت المخبز عليها وعليها صورتنا في حفلة الخطوبه
وطبعا الشموع والزينه وخلافه
موسيقى هادئه وقدميلي له الهديه وباركليه وياسلام لوطلبتي من امه او ابوه انك تتصوري معاهم بجد دي فرصه هايله انك تحسسيه بولائك لامه وابوه
خدي بالك
اي راجل بيحب البنت اللي بتكرم امه وابوه حتى امه وابوه هيفرحوا جدا وهيحسوا انك عملتلهم قيمه وعزمتيهم
وكانت الهديه
فكره جديده ومجنونه
نزلت انا وهو السوق واختار هو الهديه اللي يحبها يعني ده بيقرب اكتر بينا ويخلينا ناخد اكتر على بعض
بس خدي بالك عيد الميلاد حرام يعني خلي في نيتك انه مجرد احتفال بس لادخال السرور والفرحه وتوطيد العلاقات

أحب أخبركم أن المسلمين ما عندهم ألا عيدين:
( 1 ) عيد الفطر المبارك.
( 2 ) عيد الأضحى.
وغير هذا العيدين فهي حرا ا ام ( عيدالميلاد ، عيد الأم ، عيد رأس السنة ، عيد الحب ،.........إلخ )
وأنا ناصحة لوجه الله عشان يوفقك ربي ويصلح لك زوجك.....
وتقدرين تهدينه هدية بأي وقت ثاني كلامي صح ولا لا...
اتمنى ما تزعلين مني
.

مرحبا ** بعطيك بعض الافكار إن شاء الله تعجبك ** أنا عملت هذي الحركه لأخوي التوأم ** وهي ...** عملت له أوردر الكيك وطلبت من المخبز يتصلوا بيه في وقت أنا حدته ....** وهم عملت له بوكيه ورد بمحل للزهور وطلبت من المحل يتصلوا بيه .....** وشتريت له غطا لسريره وغسلته وكويته وعطرته وبخرته وفرشته له ... ** وهم شريت له مجموعة عطور وهم إتفقت مع المحل يتصلوا بيه .. ** وعلى فكره كثير تعب أخوي في ذا اليوم لأن كانت الأوقات متقاربه ( في الإستلام ) يعني أول ما إستلم الهديه الأولى يتصل بيه المحل الثاني ويبلغه توجد لك هديه للإستلام .....** ومع كل هديه بطاقه موقعه فيها إهداء من معجبه ..إهداء الى أغلى إنسان ... إهداء الى العزيز ... والبطاقه الأخيره وضعتها تحت مخدته ... وكتبت فيها ( عمر جديد ..... واحلى هدايا .... واحلى تعب في حياتك .... وطبعا كلام ثاني .... ** وعلى فكره أخوي كان في باله إن في معجبات هاديين له ذي الهدايا .... بس هو عرف إني شريت له غطاء السرير لأن كنت حاطه فوق سريرة كارت كبير من عندي وبئسمي .... ** ولما راح ينام حس إن في شئ تحت المخده وعرف إن الهدايا كلها مني أنا....** يا حليله كان على باله معجبات... وعلى فكره أمي ساعدتني بهذي الفكرة .... ** وعلى فكره هو كان ناسي يجبلي هديه ... بس في يوم الثاني سمعت دقات على باب غرفتي بس محد يجاوبني .... وفتحت الباب لا أشوف ( دبدوب كثير كبير) وهو كان مستختبي وراء الدبدوب ... ووقت العشاء لبسني عقد كثير بسيط على شكل قلوب ورديه مع الحلق ...*** وإن شاء الله تعجبك بعض من أفكاري .