يومياتي مع اعز صديقاتي العروس امس زواجها

1. المهم والبيت بدورينه قام يشيل ويحط والتشطيفات كثرت في ذيك الساعه


2. ما شاء الله


3. الفستان مره تحوفه فيونكات وبفات ودانتيل شي محترم ولله

بسم الله الرحمن الرحيم
:ق1:لا اله الا الله :ق1:
اليوميات ابتدت من ليله الزواج الصباح الساعه 2 الين الساعه 5 العصر يوم زواجها با الرسائل وهي ترسل ادعي لي ادعي لي << حشى السديس
يوم زواجها احنا كنا معزومين على زواج ثاني واهلي متقطعين الا نحضره وانا ما ابي
المهم اللى بيدوينا سلم الله راسه قال الزواج الاول لا مره بعيد قصره وماني فاضي لكم << كلمه يختص بها الشعب السعودي هع هع
المهم انا مت من الوناسه اله بروح لزواجها المهم قال بعد صلاه العشاء اللى مو جاهزه يا ويلها <<< مكرر تعريف كلمه ماني فاضي لكم هع هع

المهم والبيت بدورينه قام يشيل ويحط والتشطيفات كثرت في ذيك الساعه

اتجهنا نحو الزواج الساعه 9 واستقبلونا اهل المعرس احسن استقبال البخور ودهن العود والهدايا والمرشات والله كنا نحنا العروسه مب ضيوفهم شي يفتح النفس والله وتحسين ان اهل المعرس صدق حريم اصلا بكلامهم وبكشختهم وتحسين انهم يرحبون با الضيوف من قلب الوحده منهم ودها لو تشيلك وتحطك فوق راسها
:ق1: :ق1:لا اله الا الله ماشاء الله عليهم :ق1:
المهم ودخلنا وانتظرنا وبعد اتصالات مطوله واحاديث ورسائل << كنها تقول مالكم با الطويله
وصلت العروس
ودخلت من الباب الخلفي لان حنا ما عندنا زفه المهم من حسن حظي ان حنا كنا جالسين جنب غرفت العروس
ولمى شافوني اخواتها يسلمون ويهلون ويرحبون فينا والله انهم عسلل هم يعرفوني لان زرتهم با البيت ووصلت لها هديتها
المهم قالوا انتظري شوي هي تصور لمى تخلص بندخلك عليها
ولمى خلصت تصوير جت اختها الكبيره قالت تعالي هي تبيك
المهم ورحت معها ودخلت عليها وفجاه
الا اشوف قمر جالس
لا اله الا الله
وشوا كوشه وشوا مكياج وشوا فستان وشوا مسكه وشوا النفسيه اللى تهبل
تضحك ومستانسه وونستنا معها والله
وتسولف والله ان نفسيتها مرتاحه
ماشاء الله عليها
انا يوم دخلت عليها تسوي طرحتها من ورى انفكت يوم تصور مدري وش قصتها
المهم تسويها ويوم دخلت تساعد المصوره يوم تسوي الطرحه وماسكه بذا البنس حقت الطرحه وتساعدها وهي ميته ضحك
ماشاء الله عليها وسعت صدرها
المهم سلمت عليها بيدها علشان ما اخرب مكياجها وقامت تسولف معي وتقولي مغامراتها با المشغل هي ومعها عروس ثانيه
والله اني ميته ضحك على حركاتهم ههه
المهم اخرتها هزئتني وقالت رتبي الغرفه لانهم مزحفين الاثاث على شان يصور ويوم خلصت قالت لي رجعيه
ههه
عسل على قلبي والله وقمت ارتب مع المصوره الغرفه وضبطنا وضعها اللى يفتح النفس والله

ما شاء الله

الفستان مره تحوفه فيونكات وبفات ودانتيل شي محترم ولله

والمكياج ناعم ياخذ العقل يا عرايس انصحكم والله انكم كلكم تسون ناعم بعد اللى شفته والله مطلعها طفوليه ونعومه مره بعدين هي تقول انا مابي ثقيل علشان لا مسحت ما ينصدم ويشوف وحده ثانيه جنبه بعد القمر اللى شافها يوم زواجها علشان كذا يقولون الرجال لا تحكم على عروستك الا بعد المكياج ههه
وتسريحتها تاخذ العقل كيرلي كله وفيه تسريحه من ورى بس ماشفتها لان المصوره تشتعل با الطرحه بس نازله ومو مشدوده ومع الصبغه طال عه صاروخ
ما شاء الله عليها
المهم بعد ما سولفت وخلصت معه سلمت عليها لان لي ساعه عندها وخلاص فليتها رجالها بيدخل المهم خواتها كانوا عندها يوم دخل المعرس
( سوالف بعد ماراحو الرجال خ )
يقولون يوم شافها فهى ههه
بعذره والله
يقول شايفه وحده على طبيعتها بمكياجها وبكل شي ومبتسمه << كثري منها
خ
بس انصدم مره من العروس اللى هي صديقتي << بتعلمكم انها مهمه
المهم واخذها وراح والله يستر عليهم
اانا كنت مره مبسسطوه واهلها بعد وامها وكل اللى دخلوا سلموا عليها والله ما شاء الله انا انصدمت من نفسيتها تضحك وتسولف وتعلق على اللى يرقصون واحنا ميتين ضحك ومتشققين وناسه
المهم سالتها يوم انا عندها ليه انتي كذ مبسوطه مع اني شفت عرايس اغلبهم يا الله تقول هلا والله مساء الخير ؟؟؟؟؟؟
قالت العروس هذي ليلتها اذا كيف ماتبي تعيشها بتعيشها اللى تبي تكدر عليها وعلى اهلها بتصيح وتنوح وتخرب مكياجها وتزفت في ليلتها وتضيق صدر امها وخواتها
واللى تبيها فله ووناسه ومواقف بتحلي جوها وانا مابي اخرب ليلتي ولا ابي اخرب عليهم فرحتهم وابيهم يضحكون زي ما انا اضحك
بعدين خلاص ليه استحي وها الرجال بيصير زوجي واقرب الناس لي ويمكن اقرب من اهلي
زبده الموضوع :
1_ خلوا نفسياتكم تقوطر عسل فلوها تراها ليله وماراح تنعاد وبعدين بتقولين يا ليتني عروس واعيش ذيك الليله من جديد
2_ صدقوني مهما تعسرت في تجهيزاتك او في غيرها بتيسر
صديقتي هذي تعسرت واجد والله بس ربي يسرها عليها وطلعت قمر ما شاء الله
3_ لا تتشائمين لمى تشوفين فستانك او مكياجك او اي شي مو حلو خلي كل شي يكتمل بعدين احكمي
4_ حطوا مكياج ناعم والله انه سحر يا بنات والله الثقيل ما يحلي الوحده الا يشوهها انا مو لها الدرجه قبيحه علشان احط كميه ها لمكياج !!!!!
5 _ ادعوا ربكم ان الله يسرها معاكم وخلوا اهلك يدعون لكم
6_ عيشي ليلتك كانها اول واخر ليله ولا تسمحين لا شي او احد يخربها عليك او يعكر عليك
7_ عطوا اهاليكم خبر قبل الزواج علشان لا يصير زي اللى صار لنا
7 _ اذكروا ربكم على البنت وادعوا لها
وصلى الله وبارك