آآه من قل ب ن غدا حبه جنوني

КǻfЎ мώǻ6η&#

29-09-2022 - 08:56 pm

السلام عليكم ورحمة الله وبركاته
شحالكم؟؟ ^^
اليوم يايبه هالقصة.. قريتها ووايد عيبتني
لاتفووتكم .. واتمنى انها تعيبكم
و هي إماراتيه
بنزلها على شكل اجزاء..
~ آه من قلب (ن) غدا حبه جنوني ~
للكاتبه: آه من قلب
::
::
::
على ايام البرد و الهوا القويه من شدتها تقطع الشير ,, و صوت البرق والرعد القوي ,, والامطار الغزير ,, و الجو البارد من الخاطر ,, ولا طير يطير ف هالجو من كثر ما هوه يخوف ,, وعلى صوت الصُراخ و الصياح ,, كان في واحد يكرهه بنته لدرجه انه يضربها كل يوم ,, ويدعي عليها ب الموت كل يوم ,, ويضربها من شدة الضرب ساعات دم ينزل ,, خلوني اعرفكم ع البنيه ,,
فطامي ,, عمرها 18 ,, ثالث ثانوي آخر سنه (طلعو النتايج الحين بتبدا الأجازه) ,, على نيتها و مالها خص فحد ,, طيبة و قلبها ابيض وتحب الكل ,, ونفس الوقت مظلومة ,, جمالها رباني طالعه على امها ,, جمالها جمال الهنود ,, شعرها طويل لين ركبتها اسود سواد الليل وغليض ,, عيونها وساع و سود ,, بشرتها بيضا هب وايد بس اوكيه ,, واللي محلنها غمزاتها الخفيفه ,, و خدها اللي ع كل شي يحمر لول ,, وخاصه يوم تستحي .. و حبة الخال اللي على خدها ,, مغززه شويه ,, وعليها جسم ماشالله عليها ,, وصوتها العذاب ,, بس يوم تبا تضارب تضارب صدق لانه محد يسلم من لسانها بس يوم تعصب اكثر شي ,, امها متوفيه يوم يابتها ,, وعقب تزوج ابوها وكان ف خاطره انه فطوم تكون الولد ,, و من جي يكره فطوم ,, و ام فطامي هنديه وكانت حليوه و فطامي تاخذ من امها وايد بس طبعاً فطامي احلى ,, ومرت ابوها ماتحبها لانها تغار من فطامي و بجمالها الرباني ,,
واخيراً ترقبوا جزء الأول ,,
ابا ابا تفاعل ههه بلييز..
والسموحه

التعليقات (3)

КǻfЎ мώǻ6η&#

29-09-2022 - 11:52 pm

!¦
¦!
البارت الأول
:: يوم الخميس ::
على صوت اذان الفير كانت فطامي ناشه عليه ,, وعقب سارت تاخذ شاور و وعت ابوها و مرت ابوها و عقب سارت اتصلي و تقرالها كمن آيه ,, ويوم خلصت حضرت الريوق و دخنت البيت و عدلته و نظفته ,, كل يوم على هالحاله ,, وهيه صابره ,,
وعلى الساعه 6 ونص .. سارت فطامي تلبس ثياب المدرسه و لفت شعرها الطويل و حطت جحال خفيف و حطت شيلتها على راسها و نزلت تحت ,, شافت ابوها و مرته ,,
فطامي: السلام عليكم ,, صباح الخير ,,
بو فطامي + ايمان ((اللي هيه مرت بو فطامي )) : وعليكم السلام ,,
فطامي : شحالك ابويه ؟ شحالج عموه ؟و حبتهم على راسهم
بو فطامي : يسرج
ايمان : كنت بخير
فطامي حطت فخاطرها و سكتت و جان تسير تشوف التيلفزيون شويه ,, ويوم خلص ابوها من الريوق شافها بعدها ماسارت المدرسه ,,
بو فطامي : انتي بعدج ماسرتي المدرسه ؟!!
فطامي : ليش ابويه تباني اسير الحين !! محد فالمدرسه !!
بو فطامي : مالي خص مسودة الويه ان شفتج عقب الساعه 7 الا ربع فالبيت ماتلومين الا عمرج فاهمه !!
فطامي انقهرت و بدون ماتحس قالت : ابويه شو تباني اسير اخم المدرسه من الحين ,, حرام عليك اذا انته ماتباني ايلس وياكم قولي بسير برع لين ما تستوي 7 !!
بو فطامي يمط شعرها و يوقفها : والله و طول لسانج يا بنت الهنديه ,, ماتستحين على ويهج ,, وهوه يضربها ,, انا ابوج تقوليلي هالرمسه هاا ,, ويضربها بالقو,, ان طولتي لسانج مره ثانيه ماتلومين الا عمرج بذبحج بايدي فاهمه و يهدها على الارض ,,
فطامي والدموع فعيونها : مشكور ابويه ,,
ايمان : تستاهل بنت اللذين ماتستحي ..
بو فطامي : والله لا اعيشها الليل نهار و نهار ليل !!
ايمان : خلاص الغالي ريح ولا تشيل هم خلها تولي ,,
فطامي تسمع الكلام و تحس جنه حد يطعن قلبها و سارت فوق تسحي شعرها و عدلت عمرها وتذكرت الجاكيت الوردي هديه من ربيعتها لبسته ,, ونزلت تحت و سارت المدرسه ,, على فكره ترا فطوم تسير المدرسه مشي لانه المدرسه هب بعيده وايد ,, تمت تمشي لين ما وصلت المدرسه فاضيه و يمكن 20 بنت فالمدرسه بس ,, تمت فالصف هيه اول وحده ,, وعقب 10 دقايق بدّو البنات ايون المدرسه ,,
اصلا هم مداومين بس عشان يشوفون النتائج ,,
ودقايق جان اوصلون عليا و مريم ,, هييل خوات بالرضاعه و عقب بتعرفون زياده عنهم ^_^ ايلسون ويا فطامي 3 فالصف عدال البعض ,, شافو فطامي حاطه راسها على الطاوله ,, سيده سارو صوبها
عليا : باسم الله عليج شوفيج !!
فطامي و هيه ترفع راسها : ها لا مافيني شي !!
مريم : شو مافيج شي و خدج احمر و شفايفج فيها دم !!
عليا : شو مسوي ابوج بعد الله لا يسامح العدو اف ياربيه فطووم 600 مره قلنالج تعالي عيشي ويانا ...
جان تقاطع فطامي كلامها : شو قلنا علايه !!
مريم : خلاص عليا ,, قومي فديتج سيري الحمام !!
سارو الحمام و يابو ثلج من المطبخ و تمت فطامي تقولهم السالفه وهيه تصيح وهم يهدون فيها ,,
كانو سايرين المدرسه عشان يشوفون النتايج ,,
فطامي : ياويل حالي انا 95,3 فديتني شطوره ..
مريوم : وانا 93,1
عليا : ههه وانا 91,2
فطامي : الله وناسه ,,
مريوم : الف مبروك حبايبي ,,
فطامي وعليا : الله يبارك فيج ,,
وعقب روحو سارو البيت ,, مريوم و علييا ,, فرحو اهلهم ب النسب
اللي ترفع الرااس ,,
فطامي وسارت البيت مشي كل العاده ,, جان تدخل البيت و بسرعه المطبخ خذتلها تفاحتين و ماي و شرده فوق ,, ماتبا ابوها ولا ايمان يشوفونها عن يحتشرون ,, سار فطوم تغسلت و صلت و كلت التفاحتين ,, كل يوم على هالحال نادراً تاكل اكل يشبع ,, بس الحمدالله ماكانت تشكي من هالاكل كل يوم تحمد ربها ,, سارت طاحت ع الشبريه ,, سارت الحمام بتغسل جسمها بس شافت الماي بارد ,, فغيرت رايها و دقايق تسمع صوت المطر الخفيف و خذت الكرسي و يلست فالبلكونه ,, و حجرت فطوم مجابله الشارع تقدر تشوف الساير و الراد عاد هيه تحب تطمش عليهم ,,

КǻfЎ мώǻ6η&#

30-09-2022 - 12:53 am

:: صوب مريم وعليا ::
مريم : اقولج عليوه شو رايج نسير المول ؟ و ناخذ فطامي ويانا بمناسبة النسب الحلوه
عليا : هيه والله بس بيوافق ابوها >> وهيه حايسه بوزها
مريم : والله لا ايب راسه ههه بس تريي عليه بخبر اميه و بييج
سارت مريوم فوق تخبر امها عشان يسيرون المول ,,
مريم : اقول ماماتي عادي نسير المول ؟؟
ام مريم: ويا منو ان شاء الله ؟
مريم : ماماتي لاتعصبين انزين انا و فطامي و عليوه بليز وتسوي عمرها تغمض ..
ام مريم: لادام فطامي بتسير حافظنكم الله
مريم : تسلمين ماماتي
طلعت من الحجره و هيه فرحانه و تنزل من الدري بسرعه زين ما طاحت
عليا : ايه شوي شوي ,, ها شو قالت ؟
مريم : اكيد مابتقول لا ههه
عليا : يلا عيل قردني الشيبه
مريم : افا عليج ,, جان تتصل ..
فبيت بو فطامي
ترن ترن ,, ترن ترن ,,
بو فطامي : ألوو
مريم بدلع : السلام عليكم
بو فطامي : وعليكم
مريم فخاطره وغد بس براويك : شحالك عميه شخبارك انا مريم ال ******
بو فطامي : هلا والله بالغاليه مريم الريم ,, شحالج الغاليه شخبارج و شحال ابوج و امج ؟
مريم فخاطرها مالت والله يسرك الحال عميه كلهم بخير ما يشكون بأس ,,
بو فطامي : يا حيالله بالغاليه ..
مريم : الله يحييك اقول عميه ممكن ارمس فطامي شويه ؟
بو فطامي : اكيد فديتج ,, وهوه يناديها ,, فطووم ,, فطوم و صمخ
فطامي وهيه نازله من الدري : ها ها ابويه آمر ,,
بو فطامي : اندوج ربيعتج تباج ,,
فطامي : الو
مريوم : مالت ع الحظ اللي انتي فيه .. بتخبرج قولي حق ابوج عادي تسيرين ويانا المول ؟
فطامي فخاطرها تضحك على مريوم كان صوتها يضحك : ههه ,, آآ ها مادري تعالي خبريه اندوج ,,
بو فطامي : يا الخديه بلاج ؟؟
فطامي : تباك ..
بو فطامي : آمري الغاليه ؟؟
مريوم : آآأأ عميه ممكن طلب صغنووني ؟
بو فطامي : آمري الغاليه عيوني لج ؟
مريوم بصوت خفيف مالت على هالعم يوم جي من زينك ماباها عيونك تخوف ..
عليا : ايه انجبي و تضربها ع جتفها ..
مريوم : وابويه آآآآ .. اقول عميه عادي نودي فطوم ويانا المول ؟؟
بو فطامي : افا عليج الغلا عادي اكيد و خذو راحتكم بعد افا عليج انتي بس اندوج فطوم ..
فطامي : الو
مريوم : هع هع هع واخيراً ..
فطامي : غربلات هالضحكه
بو فطامي : اقول فطوم انا بسير ويا حرمتي بيت اهلها .. ماوصيج اذا عطوج بيزات عطيني وياهم انا أولى ..
فطامي فخاطرها ونعم الأب الصراحه الله وياكم ..
بو فطامي : ايمان يلا تاخرنا
ايمان : يلا ييت ييت
بو فطامي: يلا فمان الله
فطامي : فداعة الله
طاخ >> الباب ..
فطامي : واخيراَ ما اصدق ههه ..
مريم : افا عليج والله لا اقردنه كل يوم عيل يضربج و لا يظهرج ماعليج كل ما ظهرنا مكان بنوديج افا عليج انتي شرات اختنا و اكثر ,,
فطامي : فديتكم والله ,,
مريوم : انزين اسمعي عيل ,, سيري لبسي اي لبس اوكيه هب لازم تنوره و لاتحطين شي فويهج بصفعج ,,
فطامي و هيه فاجه عيونها : ليش !! اسير المول وانا امبهدله ,,
مريوم : يا العنز عندنا مفاجأ لج يلا دقايق و بوصل عندج باي ,,
فطامي : آآ ,, باي : هاي بلاها ,, ويا هالمفاجأت اللي يسونها مصايب والله ,,
سارت فوق و لبست عباتها و شيلتها و نزلت تحت تترياهم ,,
ترا بيتهم هب بيعيد وايد ,,
صوب مريم و عليا
مريوم : اقولج عليوه بصفعج زهبي كل شي فالكبت خلي البشاكير يزهبون العبي و الشيل و وتنانير ..
عليا : مزهباات ,,
مريوم : عيل زهبي اللي قلتلج عنه و سيري خبري ابويه انه بنسير انزين و ماوصيج ..
عليا : ههه ماعليج اعرف يلا انجلعي و دزتها باي ..
مريوم : ماتبوين و عقب سارت و ركبت السياره ,, دقايق جان توصل مريوم بيتهم ركبت السياره تسلمت عليها ,,
مريوم : اشوف عيونج !! قلتلج لاتحطين !!
فطامي : والله هب حاطه طبيعي طبييعي !!
مريوم :غربلات العدو ههه انزين ..
فطامي: اي مول ان شاء الله ؟
مريوم : امارات مول ..
فطامي: الله يستر .. غربلات العدو شو مسوين انتو !!
مريوم : ماعليج بتعرفين الصبر زيين ..
صوب عليا
دق دق دق
بو مريم : ادخل
عليا : باباتي !
بو مريم: هلا علايه
عليا وهيه تلوي عليه : ابويه ممكن طلب ؟؟
بو مريم: آمري !
عليا : باباتي بنسير المول انا و مريوم و فطوم عطنا ألوش
بو مريم: من عيوني الغلا ,, اندوج 1000 حقج و1000 حق مريوم و فطامي خليها تيني انا ابا ارمسها ,,
عليا : ان شاء الله ابويه ,,
وعقب و صلو مريوم و فطوم و سارت فطامي سلمت ع ام مريم و عقب سارو فوق
سلمت على عليا و تمو يسولفون كانت الساعه 4 ونص ..
فطامي: اقولكم عادي اغسل جسمي الماي والله قفطه ونزلت راسها ..
عليا : عادي فديتج بلاج والله مابينا شي قسم بالله صح مريوم ؟
مريوم : اكيد فديتج مالت عليها مادري متى بتفهم هالشي قومي الغلا سيري و عليوه سيري ييبي الكيكه و العصيير ..
فطامي : لايكون هييج الكيكه !!
مريوم :ههه مانسيتيها هيه .. هاي هيه ..
فطامي: وين الحمام ,, ههه بتغسل بسرعه..

КǻfЎ мώǻ6η&#

30-09-2022 - 01:54 am

وعقب سارت تغسلت بسرعه مال 5 دقايق و ظهرت تمت بنفس الثياب لين ما تتريا مفاجأت عليا و مريم ,, وعقب تمو ياكلون و ضحك على فطوم لانها تموت على هالكيكه ويوم خلصو ..
مريوم : يلا عليوه تكشخي وانا بعدل فطوم ..
فطامي : الله يستر
عليا : بس طلبناج ..
فطامي: تم الساع !!
مريوم : ماتشوفين عمرج الا اذا قلنالج ..
فطامي : ههه خيبه انزين ,,
عليا تعدلت بروحها و حطت شدو اسود و برتقالي كان الشدو خفيف وايد و حطت الاكسسوار و الجلوز البرتقالي الخفيف و لبست ثيابها و مريوم سوت حق عمرها اول شي وعقب سوت حق فطامي ,, نفس الشدو طبعاً و لبستها الاكسسوار كلهم نفس الشي ,, تعرفون لييش !!
لانه السبوع الي طاف عليا و مريوم ماخذين 3 اطقم نفس الشي (تنوره قميص جاكيت و شنطه و بوتو اكسسوار ) .. التنوره مخمل اسود وتحت شرات الكركش البرتقالي ,, و القميص هاي نك برتقالي ,, و فوقه الجاكيت المخمل اسود ,, والشنطه مخمل عليها سلاسل على لون البرتقالي ,, و الجوتي المخمل (بوت) ,,
فطامي : لبسكم خبال وايد ماشالله ,,
مريوم : حتى انتي شراتها
فطامي : كيف !!
عليا : مزيدين لج
فطامي: والله !!
مريوم : هيه فديتج
فطامي : بسرعه بسرعه ابا ابلس بليز !!
عليا : هيه صح يوم بتخلصين سيري عند ابويه يباج
فطامي: باسم بالله ليش ؟
مريوم : شو مابيسويلج شي اكيد بيسلم عليج و بيسولف وياج ماعليج والله دوم يقول احب اسولف وياها وناسه
فطامي :ههه حليله والله ..
مريوم : يلا خلص لبسي لبسج و ياويلج ان شفتي عمرج و البس هالاكسسور و الجوتي انزين ويوم بتخلصين قوليلنا بس امانه والله مانتشوفين عمرج !!
فطامي ابتسمت : ان شاء الله ..
طلعو عليوه و مريوم من الحجره و فطوم تلبس ثيابها و هيه متشققه تبا تشوف عمرها بس ماتروم ههه و يوم خلصت ,, ادخلوو
عليا : غربلات بليس .. احلى منا !!
فطامي : اصلا ابوني حلوه ..
مريوم : ماشالله يا عليج من الخاطر اوكيه
فطامي : اشوف عمري ..
عليا : لا يلا طوفي لبسي هالشيله وانزلي عند ابويه
و لبست شيلتها و سارت عند عمها ..
فطامي : باسم الله ,, دق دق دق
بو مريم: تفضل
فطامي : السلام عليكم
بو مريم: وعليكم السلام ,, هلا والله ,, حي الله بالبدو ,, شخبارج غناتيه اخبارج شو مسويه ..
فطامي وهيه شاقه الحلج : يسرك الحال عميه و من صوبك ؟
بو مريم: يوم شفتج شفت بخير وجان يقوم و يلس فطامي و يلس عدالها
بو مريم: اخبارج فديتج طمنيني عليج ؟
فطامي: والله الحمدالله عايشين
بو مريم: اخبار ابوج ؟
فطامي تغير ويهها : يسرك ..
بو مريم: اسمحيلي فديج
فطامي: لا افا عليك عميه
بو مريم: الغاليه فطامي بغيتج بشي بس و غلات امج ما تردينيه ..
فطامي مستغربه : ان شاء الله
أبا ردود عشان أحط الجزء الثاني

أحلام لا تتحقق سعودية رومانسية روعة←
الحاضر الماضي→