آوعدني ماتخليني تأليفي

1. 3- عايلة بو خالد

بسم الله الرحمن الرحيم انه الصراحه حبيت األف قصة وانشالله تعجبكم واذا حصلت تشجيع منكم راح اكمل انشالله ... والحين بكتب لكم اول بارت ~~ في البداية نتعرف ع الشخصيات :-
1- عايلة بو محمد
محمد 22 سنة , ثاني سنة جامعه } طويل اسمر لون عيونه اسود شعره يوصل لي رقبته ناعم .. واذا تكشخ يطلع اينن ,, خفيف دم ودايماً يضحك وحده رومانسي {
راشد 17 سنة , ثاني ثنوي } طوله عادي اسمر لون عيونه اسود .. عكس محمد تماماً ,, مايحب يمزح و كلش ماله ف الحب وعصبي {
نورة ثالث اعدادي } دلوعه امها وابوها واخوانها ومحد يرفض لها طلب ,, لون عيونها بني وشعرها اسود ناعم يوصل لها لي اخر ظهرها تقريباً {
2- عايلة بو مريم ((هاذي العايلة مافيها صبياان كلهم بنات ))
مريم 22 سنة , ثاني سنة جامعه مع محمد } واايد حلوه اتينن ,, شعرها ناعم يوصل لي خصرها لونه بني وعيونها عسليه وسيعه ,, طيبه وخلووقه مافي مثلها { …
ندى ثالث ثنوي { حلوه بس مغروره درجة اولى ماتحب اليمعات والاوادم ماهمها اله نفسها }
نوف اول ثنوي } عيونها وسيعه ولونها اسود طالعه على امها ,, شعرها قصير ناعم ,, السانها طويل شيطانه بس حبوبه }

3- عايلة بو خالد

خالد 19اول سنة جامعه { حلو يهبل ,, طويل شوي وعينه مكحلة وشعره يوصل لي رقبته ودايماً يلبس ثووب ويحط القتره مثل عيال قطر ,, ((انشالله فهمتو قصدي )) ’’ اسلووبه مع الناس روعه وطيب وحبوب ورومانسي درجة اولى }
علي 18 اول سنة جامعه { طوله عادي وعينه مكحله مثل اخوه و عنده لحيه خفيفه وعريض لكن مو احلى من خالد ,, طيب , مزااجي ويحب شي اسمه بنات }
ساره اول ثنوي { مب وايد حلوه ,, زينه ’’ شعرها طوول شعر نوف لانهم وايد كلووز ’’ ف قاصين نفس قصة الشعر وهم شيطانة بس طييبه وحبوبه لكن نوف ضعف شطانتها }
((طبعاً بو محمد و بو مريم و ام خالد اخواان ))
في بيت بو مريم الساعه 6 الصبح نزلت مريم تحت كالعاده ابوها قاعد وامها تجهز الريوق
مريم : يبة قعديت نوفو وندوي ؟
بو مريم : لا يبه مافيني شدتهم امس قعدتهم وحده ترفسني ووحده تخربط مادري شتقول ولي يعافيج روحي قعديهم :S
مريم: ههه انشالله
بو مريم : مريوم !!!
مريم : اّمر يبه ,,
بو مريم : جنج نسيتي شي
مريم: ام وي معلي معلي اعذرني ههه ( وحبته على راسه )
بو مريم : اي الحين روحي

• * راحت مريم فوق تقعد خواتها دشت غرفة نوف وشالت عنها الموسده ,,

نوف : هي شفيج انتي اف ماتخلين الوحده ترقد
مريم : قومي قومي الساعه 6 وانتي ماتبرزين اله بزور
نوف : جب جب يلا
مريم : احترميني انه اكبر منج ها
نوف : ذلفي ذلفي
مريم : ذلفت رووحج يا ام السان
نوف : اسملله علي وه وه
مريم : ههه يلا انزين برزي ننطرج

• * طبعاً مريم خلصت من نوف الحين ترووح حق ندى **
• * دشت الغرفه لقت ندى جاهزة وقاعده تسوي شعرها و تحط لها الكحل **

مريم : او اله بارزة
ندى : ايي اختي العزيزة باارزة بس ممكن تطلعين J
مريم : ييه يعني طرده
ندى : كيفج حبيبتي اعتبريها اللي تبين
مريم : لا والله
ندى : اتغشمر اشفيج ’’
مريم : عبالي بعد يلا برززي بسرعه
ندى : انشالله
ندى عقب ماطلعت مريم : افف مثقلج , سخييفه
^^
نروح الحين لبيت بو خالد
سااره نشييطه تقوم من الصبح وتروح تسوي لها ريووق قبل لا تقعد امها
,, في المطبخ _ ساره تغني ’’ ياكثر ما جيت اسولف له عن احوالي بينت له شي ما قلته لحد غيره .... ’’
ام خالد : حشه حشه انتي من الصبح تغنين النااس يذكروون الله وانتي تغنين
ساره : بييه يمه قديمه انتي
ام خالد : هيي استغفري ربج
ساره : استغفر الله ههه
ام خالد : يلا كملي ريوقج وروحي بدلي ثيابج عشان تروحين المدرسه
ساره : انزيين اف مته اخلص واروح الجامعه مثل اخواني مافي شي عندهم من الصبح
ام خالد : ويه مسكين خلوود عليه محاضره بعدين تقولين ماعنده شي

• *

ونروح الحين لبيت بو محمد
بو محمد (( يصارخ)) يله وينكم انتوو تأخرنا لاتأخرووني عن الشغل مثل ذيج المره يلا بسرعه
ام محمد : بس بس انت كله تصارخ ’’’ بو محمد وام محمد دايماً يتغشمروون مع بعض عكس كل ام وابو ’’’
نزل محمد : اخ والله تكسرت من الرقاد
ام محمد : ايي كله راقد بعد ماتبي تتكسر
محمد : ليش اشجايفتني طاوله ؟!
ونزلت نوره ,,: اف بدت الملاقه
محمد : ههه صبااح الخير الحب
نوره : ويي فديته اخووي احرجتي
محمد : انطمي انطمي
نوره : ههه انت ماتيووز
بو محمد : حموود عاد كلشي وله نووره حبيبت ابوها
نوره : اي كلشي وله انه
محمد ((يقلدها)) : اي كلشي وله انه ,, مالت عليج من حلاتج , غبيه وحده
نوره: يبه جووفه
بو محمد : حموود يووز
محمد : ههه اتغشمرر يالخايسه شفيج
نوره : ههه اوكي اخر لك مره
محمد و اهو رايح : اي صح
ام محمد : تعال ماتبي شي تاكله
نوره : بيي يمه عاد حموود مايبي شي ياكله رووحي حجرته جووفي الاكل لي وين واصل
محمد : انجبي انتي
نوره : ههه تيسر اخوي
محمد : اراويج
طلع ممحمد من البيت ورن تلفونه
مريم : صبااح الخير يا عمري
محمد : اخ فدييت هلصووت وراعيه
مريم: ههه ايه عليك حياتي ’’ اله وينك ؟
محمد : ف الطرييج ابوي ياي
مريم : اوكي ناطرتك
محمد : اوكي عمري
مريم: يلا باي
محمد : باي
(( مريم ومحمد يحبون بعض من اول سنة جامعه مو قبل ’’ لان محمد كان في اوروبا سنتين ف ماكان يجوف مريم لكن يوم رد وجافها وصارت وياه نفس الجامعه حبها وحبته ,,, ))
~~ في الجامعه ~~
جواهر : مريووم مته بيتزوجج
مريم: انه قايلة له لايتقدم لي لاني مو جاهزة
جواهر : وي مالت عليج لييش والله يعني حرام اهو ينطرج وانتي تقولين مو جاهزة
مريم : انتي شعرفج
جواهر : لا انتي اللي تعرفين
مريم : امشي امشي

• * وصل محمد الجامعه وتلاقه مع رفيج عمره فهد

فهد : توو الناس جان ماييت
محمد : فهوود احبها
فهد : اوهو بدينا
محمد : ههه والله احبها وسرح
فهد : ههه انزين شفيك اتخيلني اهيا ؟!
محمد : لا بس احبها
فهد : الله يعقل يلا يلا نمشي انه بعد باروح اجوف حبيبة قلبي
محمد : لحظة | :
فهد : شفييك ؟
محمد : ثووبي ( بنبره حزن )
فهد: اشفيه ؟؟!!!
محمد : تلعوزز
فهد : الله يغربلك عبالي عندك سالفه
محمد : والله جووف
فهد : يله امش شعليك عادي عادي
محمد : افف
اول مادشو الجامعه جافو 4 بنات يمشون
اذا لقيت تشجيع منكم راح اكمل واحط البارت ال2 ..