أأأه يا قلبي تعالو احكيلكم

ذكرى الغدر

23-12-2022 - 12:15 am

و تفاعلت معايا ..

و دخلنا سوا ماسنجر طبعا من ايميل تاني زوجي ما يعرفه انه ليا

السلام عليكم و رحمة الله و بركاته
لطالما دخلت هذا المنتدى .. و قرات بهذا القسم مواضيع و مشاكل للعضوات كثيرة ..
الان انا عندي مشكلة و طالبة منكم مساعدتي ..
مشكلتي ما تختلف كثير عن البعض ...
انا متزوجة ليا سنتين ...
و زوجي بالمرة يحبني .. و تعامله معايا بالمره رائع
حنون و طيب و يخاف عليا و متعلق فيا
حتى لما اغلط عليه يسامحني على طول ..
و دايما موفر لي كل شي و يقولي انه ربنا وقفه في زواجه مني و حامد ربه انه ارتبط فيا ..
و انا احبه من كل قلبي ...
المشكلة اني ........
يوم و بالصدفة ترك زوجي ايميله مفتوح و لقيت رسالة مرسلة لبنت..
كاتب فيها ( عسى هذا الاهداء يحرك فيكي شي ) و حاط لها عرض فلاشي عن البعد ..
اخذت انا الايميل
و ارسلت له رسالة ... ما جاني رد ابدا
و مرت فترة نسيت الموضوع فيها
قبل فترة قريبة ..
و انا على الماسنجر .. لقيت تحت في الاخبار ان ايميل زوجي نشر ملاحظة على ملف تعريف .... و اكتشفت انه ملف تعريف البنت دي ..
كاتب فيها ( انا أسف على كلمتي لكن هذا اللي راح يريحك و يرحيني )
بعدين
هيا ناشرة ملاحظة
( احبك و ارجوك لا تبعد عني و تنساني )
انا طبعا فكرت و قلت ليش ما اتعرف عليها و انشر لها ملاحظة
و فعلا..
ارسلت الملاحظة .. و طلبت اتعرف عليا ..

و تفاعلت معايا ..

و دخلنا سوا ماسنجر طبعا من ايميل تاني زوجي ما يعرفه انه ليا

و صرنا نتكلم و عرفت عنها معلومات كتير .. انها من نفس مدينتي و انها تدرس خارج المدينة دي و ساكنين في غربة هيا و اختها .. و صرنا ننتقابل دايما .. بعدين طلبت مني اننا نتكلم باالجوال لانها ما تدخل كثير ..
قلت لها طيب بعدين ... و ما اخذت الرقم ..
المهم ليا فترة دحين انقطعت عنها
و قلت ليه اوجع راسي خليني غافله احسلي ..
امس كنت نايمة و كان زوجي على النت من لابتوبي
و لقيته متكلم مع اخوانه و كمان لقيت انه متكلم معاها
بس للاسف حاذف سجل المحادثة الخاص فيها
لقيته في المستندات الاخيرة
محذوف ..
يعني ما ادري ايش دار بينهم ..
حاولت اعرف برنامج اوطريقة اعرف فيها باسوورد ايميل زوجي او ايميلها ما قدرت
دحين ابغى افادتكم ليا ؟؟
ايش اسوي ؟؟
ارجع اكلمها و استدرجها و لا بلاش ؟
هوا ما ابغى اواجهه ابدا
تعامله مازال معايا نفس الشي ما تاثر و لا تغير
عشان كدا ما ابغى اوجهه
بس كيف اتصرف و ايش اسوي ؟
ارجوكم اقترحوا عليا ايش اعمل ؟

التعليقات (9)

أم حمودي ولولي

23-12-2022 - 02:58 am

والله لو انا مكانك
وزوجي بهذي الطيبه
اواجهه
حبيبتي مافي شي افضل من المواجهه
اتفاهمي معاه
اسأليه كيف يحب اثنين
زوجه وعشيقه
فهميه انك تثقين فيه لكن ليش الغلط
اتوقع هذي علاقه قديمة من قبل الزواج وماقدر يخلص منها
يمكن بمواجهتكم يفوق ويعرف ان اللي يسويه
خطأ وحرام
الله يوفقكم

بنت الحروب

23-12-2022 - 03:59 am

طيب ما تقدري تاخذين إيميل زوجك وتضيفينه عندك من إيميل ما يعرفه
وشوفي إذا عرف إنك بنت ينفاعل معاك او يطنشك
والبنت هذي ما أدري عنك حاولي تعرفين عنها كل شيء
وكمان حاولي تتخلصي منها لا تخرب بيتك

دلع الشمس

23-12-2022 - 05:00 am

أم حمودي ولولي
كلامك صح 100% وانتي لاتعلميه انك كلمتيها
بس حاولي تستدرجيها بالكلام وبحياتها الخاصة والعاطفية وساعتها رح تتأكدي
الله يسامحهم هالرجال بس
لااله الا الله عدد ماكان وعدد مايكون وعدد الحركات والسكون

ذكرى الغدر

23-12-2022 - 06:01 am

ام حمودي
اشكرك على مرورك ...
هيا فعلا شكلها علاقة من قبل الزواج
بس انا حاسه ان المواجهة راح تسبب بيننا توتر و يمكن انه تهتز شخصيته قدامي
تعرفي الرجل ما يحب كدا
ابغى احل الموضوع بدون مواجهه .. احس كدا احسن بكثير ..
تدري اوقات اقول خلاص ....خليني عايشة مدام ما تغير عليا ...
مدري كدا انا صح و لا غلط ؟

ذكرى الغدر

23-12-2022 - 07:02 am

بنت الحروب
شكراا لمرورك اختي بنت الحروب ...
اعذريني يا قلبياخاف الفكرة دي ما تحل الموقف تزيده توتر

ذكرى الغدر

23-12-2022 - 08:03 am

دلع الشمس
انا حاولت استدرجها .... بس صراحة ما قدرت ...
خايفة اعرف اشياء عميقة و انصدم و اعيش في تعب اكثر من االلي انا فيه ..

أم حمودي ولولي

23-12-2022 - 09:04 am

لا غلط
انتي كذا زي اللي تقوله خون بس لاتعلمني
حبيبتي حركة انك تكلمين البنت وتسحبيها بالكلام مو حلوه لا لك ولا لزوجك
انتي تثقي بالغريبه ولا بزوجك
اكيد بزوجك صح
يعني الاصدق اكيد زوجك
ولو اهتزت شخصيته مو مشكلة الايام كفيلة بأنها تنسيك
خليك واقعيه وزوجك الطيب لا يضيع منك وانتي تتفرجي

ذكرى الغدر

23-12-2022 - 10:05 am

أم حمودي ولولي
طيب يا اختي ام حمودي
لو واجهته و كلمته .... و سألني كيف عرفتي ؟
ايش اقوله؟

&*ريم القلوب*&

23-12-2022 - 11:06 am

من رايي ياختي
ان الموضوع باين ومايبيله استدراج للبنت
الامر واضح زي الشمس ايميل زوجك ويرسلها اهدائات وهي ترسل احبك ولاتتركني وش باقي بالله عليك !!!
يعني فيه علاقه بينهم مهما كان نوعها انصحك لاتسالي عن تفاصيلها ابدا ولاتبحثي ولاتتعرفي حتى على البنت
الاهم هو زوجك
حاولي تقطعي النت عنه ... ياختي قولي اغار من النت وماحبه وفاقدتك لماتجلس عليه
من هالكلام
واول ماتشوفيه جالس عليه تعالي واجلسي وشوفي ايش يسوي بدون ماتبين له انك عافه شي
خليه يفكر فقط انك مهتمه فيه وحابه تجلسي معاه(وانتي في الاصح لاتتركيه ياخذ فرصه وخليه يطفش ويسكر النت لين ينساها الى الابد)
زوجك يمكن تعرف عليها مثله مثل اي واحد بس الغلط انه يستمر وانتي معاه والواجب عليك تساعدينه
ابعديه عنها وصيري مثل ضله واكيد مع الوقت بيمل ويتركها ويحس انها ولاشي وراح تسبب له مشاكل هو بغنى عنها
عسى الله يوفقك يارب

احنا العرايس نبي نستفيد منكن يامتزوجات←
زوج مطنش زوجته انصحونا→