أحتضنى حتى الموت

الجزء الثاني
في بيت أشجان ,أشجان جالسه في غرفتها .
قرت قرآن وأستغفرت ربها وجلست على مكتبها خذت
دفتر مذكراتها وقلمها عشان تكتب فيه .
أشجان :دائما يحس الواحد أنه غريب
وده يكون جنبه حبيب
يفهمه ويقوله منى صير قريب
لا تبتعد لويصير اللي يصير
ويقطع تفكيرها طرق الباب .
أشجان :منو؟
أمها :أنا يا بنتي .
أشجان :تفضلي يمه .
أمها :أشجان يمه ماتبين تنزلين تحت العشاء جاهز؟
أشجان :لا يمه مب مشتهيه
أمها : ليه يمه ؟ سويت الآكله اللي أنتى تحبينها .
أشجان :يمه مالى نفس أكل .
أمها :أشجان شنو اللي مضايقك؟
أشجان :ولا شي يمه.
أمها :علي ما فيك شي ؟ أشجان أنتي بنتي وأنا فاهمتك.
أشجان :لايمه بس حسيت أني شوي تعبانه .
أمها :شفيك يمه ؟ شفيك تعبانه
أشجان:ولاشي يمه بس حسيت أن جسمي يألمنى هذي كل السالفه لا تحاتين يمه .
أمها :يعني ماتبين تنزلين تأكلين لك لقمه ؟
أشجان :لا يمه مب مشتهيه؟
أمها :كيفك يمه بس إذا حسيتي بجوع نزلي يابنتي أكلي زين ؟
أشجان :أنشاء الله يمه.
وطلعت أمها من عندها
أشجان :ياترى شفيها آمال مادقت علي اليوم كلش؟
خل أدق عليها أحسن لي.
خذت الجوال ودقت عليها ,أمال ردت بصوت حزين
آمال :الو
أشجان :آمال حبيبتي شفيه صوتك كذا متغير ؟
آمال :مافيني شي.أشجان:معقوله مافيك شي؟أنتي منو تكلمين؟
تكلمين وحده أمس ولا أول أمس متعرفه عليها آمال مابينا آسرار شفيك؟
آمال وهي تصيح .
آمال:فارس ياأشجان فارس.
أشجان: فارس؟ شفيه فارس؟
آمال: موأنا كنت متواعده معاه أنه يوديني السوق بعدين دق عليه نواف ....
أشجان: أخوي نواف دق عليه ؟
آمال : أي خلاني فارس بيزه ماأسوى عند أخوك
أشجان: شنو سوى؟
آمال : أهاني عند أخوك قاله أمالووقاله خلها تولي وقاله أبي ابط كبدها مع أني ماسويت له شي .
أشجان: معقوله كل هذا من فارس ؟
آمال: حرق قلبي وأنا حابسه نفسي في الغرفه من زمان وماطلعت منها كرامتي أن مسحت في الأرض ياأشجان .
أشجان: برد لك كرامتك ياآمال .
آمال : شنو بتسوين؟
أشجان: بعدين تعرفين أخليك الحين باي وأهتمي في نفسك
آمال:أنشاء الله باي
أشجان طلعت من غرفتها معصبه ونزلت .
أشجان:يمه.
أمها جالسه على الكنب تشرب شاى.
أمها : هايمه تبين أحط لك العشاء؟
أشجان: لا يمه بس نواف وينه ؟
أمها: مابعد يرد من عند ربعه.
أشجان: إذا رجع خليه يجيني .o.k؟
أمها: أن شاء الله يمه شتبين فيه ؟
أشجان: بصراحه يمه؟ كسرت خاطري آمال.
أمها: آمال بنت عمك ؟
أشجان: أي يمه آمال بنت عمي .
أمها: خير يمه آمال شفيها ؟
أشجان: فارس أخوها .
أمها: فارس أخوها ؟ ليه شنو فيه أخوها .
أشجان :خلاها ماتسوى عند نواف.
أمها:ليه شنو سوى
أشجان قالت لأمها كل شي
أمها:معقوله فارس يسوي في أخته كذا؟
أشجان :وأنا أبي أكلم نواف في هذا الموضوع.
أمها :شنو تبين تقولين له؟
أشجان : أبي أقول له كيف سمح لنفسه أن بنت عمه تنهان ؟حتى لو كان أخوها اللي هانها.
كان كل هالمده نواف واقف على الباب وسمع كل شئ
نواف: أنا مالي ذنب ياأشجان في اللي سواه فارس في أخته
شتبيني أقوله ؟حاولت أني أقوله لا يسوي في أخته كذا بس ماسمعني .وفي النهايه تقولين أني كيف سمحت لنفسي أن بنت عمي تنهان؟
أشجان :ماتدري يانواف كيف كسرت خاطري وهي تصيح .
نواف :كسرت خاطري قبل لاتكسر خاطرك عن أذنك.
صعد نواف غرفته وأشجان بعد صعدت غرفتها وجلست على مكتبها وخذت دفتر مذكراتها وكتبت:
كيف الناس تسمح لأهلها أن كرامتها تنهان
مو معقوله أن فارس الحبوب يسوي كل هذا في آمال
مومعقوله أوه متململه(زهق) كثير ياربي شسوى ؟كثير متململه
تذكرت انه عندهم شاليه وكبير مره.
صج ليش مانروح الشاليه ؟خل اروح أقول لأبوي.
ونزلت الصاله شافت أمها جالسه لجالها تتكلم في التلفون
وجلست جنبها وكانت امها تكلم أختها .
أم أشجان :أي والله ياوخيتي الناس كله كذا يا يغتابون يا يشمتون أنا مادري شنو يستفيدون غيرأنهم ياخذون أعمالهم .
أمالياس أم الياس خالة أشجان أكبر من أم أشجان حبوبه والكل يحترمها):أي مثل ماقلتي مايسستفدون غير أنهم ياخذون أعمالهم وبس . أخليك الحين أبو الياس رجع ولازم أروح له يالله مع السلامه بس لاتنسيبن العزيمه يوم الاربعاء؟
أم أشجان :أن شاء الله مع السلامه.
أشجان :يمه .
أمها : هلا يمه
أشجان : وين أبوي؟
أمها: في الغرفه
أشجان :غريبه موجالسه جنبه
أمها :كنت نازله أجيب له عصير الادق التلفون ,انتي شنو تبين منه؟
أشجان : ابي يودينا يوم الآربعاء الشاليه , ملانه كثير
أمها: لا الاربعاء عزيمة خالتك مايصير
أشجان:عزيمة؟ ليش شنو عندها؟
أمها: عندها جمعه أهلك
أشجان .k الخميس نروح
أمها :كيفك روحي قولي له والله من زمان مارحنا له وحشه المكان هناك.
أشجان ,k
راحت أشجان لغرفة ابوها وطقت الباب ودخلت كان أبوها مريح على الفراش يوم شافها قعد
أشجان:هلا يبه شلونك؟
أبوها :هلا ببنتى الحمدلله انتى يبه شونك؟ وليش مانزلتي تعشيتي معنا ؟
أشجان: ماكان لي نفس يبه ,بابا ممكن طلب؟
أبوها : أمري ياعيون أبوها
أشجان :تسلم لي عيونك يبه ,يبه ياليت تودينا هالاسبوع الشاليه من زمان عنه .
أبوها :أنشالله يبه أحاول افضي نفسي علشان عيونك يالغلا
أشجان: يسلموا بابا يس لاتكون يوم الاربعاء خالتى أم ألياس عازمتنا عندها .
أبوها : من عيوني بس أمك وينها تاخرت على
أشجان :شنو يبه أشتقت لها
أبوها :منو لي بهالدنيا غيرها من بعد الله .
ودخلت أمها في هذي اللحظه عليهم .
أشجان :وهذا حبيبة القلب جات.
أمها :شصاير.
أشجان: ولاشئ بس الغالي (وهي تأشرعلى أبوها) ماقدر يتحمل فراقك ثواني الله يخليكم لبعض ولايحرمكم من بعض.
أمها استحت .
أمها : الله يغربل بليسك.
قامت أشجان بتطلع من الغرفه .
أبوها : ها وين يبه وين طالعه؟
أشجان : الغاليه وجات ليش اصير متطفله عليكم واضايقكم لا لا لازم أطلع واخليكم تقعدون بدون تطفل يالله أشوفكم على خير (فتحت الباب بتطلع )بس لاتنسون تتذكرون أيام أول وأيام الخطوبه وقبل لاتجيبونا باي طلعت وخلتهم .
أبوها وأمها ضحكوا ,وقالت الام قبل لا أنسى عيد ميلاد أشجان الخميس .
ألابو : من جد ؟
أمها: ايوه وترى لازم نسوي لها مفاجاء بعيد ميلادها وحفله كبيره ونعزم الكل .
أبوها : ايوه بس اهي تدري ان عيد ميلادها الخميس؟
أمها: مااعتقد.
أبوها: شرايك نسوي الحفله في الشاليه ؟
أمها :خوش أكبر واحسن ابي اسوي حفله لها لا صارت
ولا استوت بنتى وحيدتي.
أبوها : لا تنسين نواف وامجد تراهم بيغارون .
أمها : شلون انسى عيوني , منو لي غيرهم في هالدنيا من بعدالله ثم انت هذولا ثروتنا يالغالي .
أبوها : أجل الحين أبي أدق على أخواني وخواتي وأبلغهم بالعزيمه وانتى روحي ودقي على خواتك واخوانك وبلغيهم .
أمها : ان شاءالله
طلعت من الغرفه وهي نازله شافت نواف طالع من غرفته .
أمه: وين رايح حبيبي ؟
نواف:مليت من الغرفه قلت أنزل تحت أشوف التلفزيون.
وهم ينزلون قالت الام: حبيبي بقولك شى.
نواف: خير الغاليه ؟
امه بصوت واطي ) عيد ميلاد أشجان الخميس.
نواف: جد يمه طيب بتسوون لها حفله؟
أمه: ان شالله.
نواف: في البيت؟
امه: لا في الشاليه
نواف : في الشاليه شنو اللي طرا على بالكم الشاليه الحين؟
أمه: أشجان ودها تروح هناك من زهق تبي تغير الجو.
نواف : يعني تدري ان عيد ميلادها الخميس .
أمه :لا ماتدري بس ودها تروح الشاليه تغير جوا مثل ماقلت لك وماتدري ان عيد ميلادها الخميس .
نواف : بتعزمين خالاتي والاهل كلهم ؟
أمه : ان شالله يالله بروح ادق عليهم .
نواف : الحين ؟
أمه :شفيها تو الناس ماصارت 11.
نواف : مواحراج؟
أمه : لا عادي الحين اجازه والكل يسهر.
نواف: كيفك الغلا الا وين امجد ؟ اليوم ماشفته .
أمه : تلقاه عند واحد من ربعه .
الا على دخلت امجد البيت(أمجد ولد ذكي في أولى ثانوي وسيم عمره 16سنه حبوب)
أمجد: مساء الخير
أمه ونواف : مساء النور .
نواف: وين كنت أمجد؟
أمجد: أول مره تسالني هالسؤال عمر امي وابوي ماسالوني وين كنت اومن وين جيت.
نواف: أمجد ؟ كيف تكلمنى بهالطريقه ؟
أمجد:أسف أخوي الكبير بس أول مره أحد يسالنى وين كنت .
نواف : ليش ماترد على قد السؤال؟
أمجد: أسف مره ثانيه كنت عند يوسف .
نواف: منو يوسف هذا؟
أمجد:يوسف ولد خالتى أم ألياس.
نواف : مره ثانيه لا تتاخر عن البيت.
أمجد: ليش أحنا بإجازه أجلس في البيت شسوي؟
نواف : أنا ماقلت تجلس في البيت بس تعال بدري على الاقل الساعه 10 تكون موجود في البيت.
أمجد: ان شالله .
نواف : تدري ان عيد ميلاد أشجان الخميس ؟
أمجد: والله ؟ توني ادري .
أم نواف: خلاص دقيت علا خالاتكم وخوالكم .
أمجد : متى ؟ ماشفناك.
أم نواف: وانتوا تتكلمون .
نواف:طيب وعماتي وعمامي ماراح تعزمونهم ؟
أمه : أهم تاج المكان كيف مانعزمهم؟
نواف : دقتي عليهم يعني؟
أمه :لا أبوك قال بيدق عليهم .
نواف: واحنا الشباب ماراح تخلونا نحضر الحفله ؟
أمه:والله على حسب إذا كنت أنت وأخوك فهذا عادي
أم عيال خالاتك وعماتك وخوالك وعمامك فهذا لا .
نواف: ليش يمه مو احنا اللي بنزين المكان ولا المكان ماراح يطلع حلو.
أمجد: عدل كلام أخوي الكبير شنو نسوي نجلس عند الرجال
سوالفهم مو خوش أم البنات بنت كشخه جايه وبنت قمر رايحه يالله تخيل نواف مولو أحنا بنات كان جلسنا معاهم تخيل معاي (أمهم تشوف عيالها شنو يسون)بنت من البنات شعرها ليما فخذها أسود ناعم وحاطه مكياج ناعم ياحلاتها
من بنت عدل أخوي؟
نواف : عدل كلامك عدل .
امهم: أستحوا على وجهكم ما كأن أحد جالس بينكم .
أمجد: يمه خلينا نتخيل .
أمه: تتخيلون شنو ؟ عن قلة الادب .(قامت بتروح لابوهم)
أمجد : نواف شرايك نسوي خوش حفله ؟
نواف : شقصدك ؟
أمجد: بعدين رح تعرف.
س: ياترى الحفله بتصير حلوه ولا لا؟
س: وشنو يفكر أمجد يسوي للحفله؟
س: هل ممكن أشجان تكتشف أن أهلها راح يسون لها مفاجائه؟

الجزء الثالث
يوم الاربعاء العصر دخلت أشجان الحمام (والقارئ وانتوا بكرامه) تاخذ لها شاور وبعد الشاور راحت تلبس لها ملابس
تصلح لهاي الطلعه لبست بلوزه حمره حرير كوكتيل لاصقه على الجسم مع تنوره جنز قصيره تحت الركبه وحزام على الخصر احمر واكسسوارات ناعمه تصلح مع لبسها ولبست (انتوا بكرامه)صندل أحمر كعب طويل وضعيف وشعرها خلته مفتوح وحطت له ورده حمراء وراء اذنها وكانت حاطه ميك آب ناعم راحت تشوف روحه في المرايا طالعه خيال وحطت لها رشة عطرها اللي تحبه ديور شانيل ولبست عباتها على كتفها ونزلت تحت في الصاله تستنه امها تخلص وكان موجود في الصاله ابوها واخوانها نواف وامجد
أبوها يوم دخلت عليهم قال :
أبوها : الله الله شالزين شالحلاه هذي ؟
أشجان استحت ونزلت راسها وخدودها وردي من الحيا
قال نواف:خلينا نشوف القمر .
ونزلت عباتها عشان يشفون شنو لابسه
ابوها واخوانها انعجبوا في لبسها الحلو اهي كله لبسها حلو بس اليوم صايره غير .
أمجد قام يصفر من شافها ونواف يضحك.
أبوهم : عن قلة الأدب شفيك تضحك؟
نواف: ولا شئ يبه .
أبونواف: كل هذا الضحك الحين وتقول ولا شي ؟
أشجان زعلت من نواف ليش يضحك عليها أكيد شاف شي يضحك فيها.
أشجان : عن أذنكم . وراحت بتصعد غرفتها
أبونواف: وين يالغلا رايحه ؟
أشجان : خلاص يبه ماني رايحه قول لامي.
أبو نواف: ليش؟ كل هذي الحلاوه الزين ومورايحه ؟
أشجان: شوف يبه نواف وأمجد كيف يضحكون على أكيد فيني شي مو حلو.
أبو نواف: وهذا الي مزعلك؟
أشجان : أيه يبه
أبونواف : نواف
نواف : هلا يبه.
أبونواف:أمجد
أمجد: سم يبه
أبوهم : قوموا اتسامحوا من اختكم
نواف: بس يبه انا ماغلطت عليها
ابوهم: والضحك اللي قبل شوي عليها وتقول ماغلطت؟
نواف: بس انا ماكنت اضحك عليها.
أبوه: اجل حق شنو الضحك ؟
نواف: انا يبه كنت اضحك على امجد وهو يصفر لها بس .
ابوهم: أمجد يالله انت اللي استسمح منها
أمجد: ليش يبه انا شنو سويت في حياتي (بصوت حزين ويضحك في نفس الوقت وحاط ايده على صدره)
أشجان :ههه
أبونواف:ههه
نواف:ههه
أمجد : خلاص الحين ضحكتوا يعني ماله داعي استسمح منها.
أبو نواف : على اشجان اذا رضت هاشجون راضيه؟
أشجان: لانه ضحكني خلاص.
أمجد: مشكوره .
أبونواف : وين أمكم ؟
أشجان : شكلها لسه ماخلصت.
أبوها:روحي ناديها يبه.
أشجان : أن شالله يبه.
تو أشجان بتروح تنادي امها الا تشوفها نازله لهم
أشجان : يمه ليه تاخرتي؟
أم نواف: تدرين يمه لازم نتاخر عشان حركات الحريم .
وكانت لابسه فستان شوي قصير يوصل الى تحت الركبه بشوي حفر ناعم وعلى الخصر حزام كرستال من الورد الناعم وفاله شعرها اللي يوصل الى اخر ظهرها وحاطه عليه شريطه تناسب الثوب والميك أب تقيل يناسب عمرها
واكسسوارات فخمه والصندل لونه بصلي ناعم مره وكعبه طويل وضعيف وطالعه روعه,لما شافوها عيالها وقفوا لان دخلتها عليهم مثل الملكه.
أمجد : شالجمال يمه شالرقه شالحلاه؟
نواف : صدقت والله طالعه قمر
أبو نواف: يالله أم نواف تاخرنا .
أشجان : يبه ماعجبتك الوالده ؟
أبونواف: مولازم اقول اهى تعرف شكثر هي حلو وطول عمرها كامله والكامل وجه الله.
امهم استحت
نواف : يبه.
أبو نواف : هلا
نواف: ماقلت كلمه حلوه للوالده؟.
أبو نواف:شالكلام ؟
نواف : بصراحه يبه لو امي زوجتى ماتركتها من الكلام الحلو كل هالقمر وما اقول ولا يطلع الكلام الحلو مااقدر .
أم نواف: الله يغربل شرك من ولد شنو هالكلام اللي تقوله؟
نواف: يمه خل اطلع اللي بداخلى من أشعار وغزل
أبو نواف: يا أم نواف تأخرنا على الجماعه .
نواف:يبه
ابونواف: هلا
نواف: أشوفك تضيع الموضوع ليش ما تقول كلام غزل للقمر اللي يمك؟
أبونواف:وبعدين معك لو بغيت اعبرواقول كلام ما بقول يمكم خلونا نطلع أحسن.
وبعد ما قال كذا طلعوا كل من أشجان واهلهم وبقى أمجد ونواف
أمجد: نوا ف شكلك احرجت الوالد
نواف: قول الوالده شفتها لمن قلت للوالد ليش ماتقول كلام حلو للوالده كيف صار وجهها أحمر وأصفر وأخضر كانه اشارة مرور .
أمجد: يحليلها الوالده ماودك الحين تروح معاهم وتشوف البنات؟
نواف: ودي بس الهوى ضدي .تعال الحين انت تقول بتسوي خوش حفله شقصدك؟
أمجد : بعدين أقولك .
نواف :أمجدو ماني واحد من ربعك قولي شنو بتسوي؟
أمجد : مافيك صبر؟ ياخوي أصبر على شوي.
نواف : أمجد إذا ماعلمتني شنو راح تسوي بعلم عليك الوالد على خرابيطك ؟
أمجد : نواف انا اخوك الصغير ترضى على اخوك الصغير ياخذ محاضره كبيره عريضه.
نواف:طيب علمني شنو بتسوي؟
أمجد: o.k اسمع .
وصلوا ام نواف واشجان لبيت الخاله .
بونواف : اذا خلصتوا وبغيتوا ترجعون دقوا .
ام نواف :انشالله ما يصير خاطرك الا طيب.
دخلوا حديقه البيت وكان الياس موجود بالحديقة(الياس شاب ذكي محترم عمره 25 سنه يشتغل مع ابوه في المقاولات وسيم لابس ثوب وشماغ احمر شكله رهيب ورزه ) جالس على كرسي موجود بالحديقه اشجان لما دخلت مانتبهت ان في احد موجود فيها وفتحت عباتها وامها معها نزلت عباتها علشان تدخل وانتبهت ان الياس موجود
ام نواف : الياس
اشجان انتبهت انه في احد ورجعت حطت الشيله على راسها ودخلت بسرعه البيت .
الياس :هلا خالتي شخبارك؟
ام نواف : بخير الحمدلله شدعوه مانشوفك ماتمر علينا وتقول عندي خاله اسلم عليها ولاتنسى ترى انا امك الثانيه ولانسيت انت؟
الياس :لا والله مانسيت ياخالتي قصدي امي
ام نواف : حبيبي ليش واقف بره تنتظر احد ؟
الياس: ايوه يمه , العيال بيجون ليش نواف ماجا؟
ام نواف : مادري عنه في البيت مع اخوه جالسين .
الياس : o.kانا بدق اشوفه اذا بيجي.
ام نواف: كيفك يا ولدي يالله انااخليك بدخل البيت تاخرت عليهم يالله فمان الله.
الياس: فمان كريم
داخل البيت عند الحريم
ام الياس: أشجان حبيبتي وين أمك؟ تأخرت .
أشجان:مادري خالتي كانت مع الياس بره قبل شوي
الا بدخلت ام نواف
أشجان : وهذي امي جاءت
أم الياس : وينك ام نواف ؟
أم نواف : كنت مع الياس من زمان عنه كبر ماشاءالله عليه
الا شخبارك ام الياس ماخليتين أسلم عليك.
أم الياس: واصل سلامك الله يسلمك يا أم نواف انتى شخبارج؟
أم نواف : بخير الحمدلله.
ودخلت ام نواف تسلم على الجماعه وبعدين وزعوا القرآن على الحاضرات وبدوا يقرؤن الختمه صار لهم ساعه من بدآو.
أم الياس : يالله يا بنات اللى تخلص من الجزء اللي عندها تجي تساعدني في المطبخ .
أم علي: وحده من الحريم ,ما عندج خدامات؟
أم الياس: عندي بس صف البنات غير.
أم على: كلامك عدل البنات احسن.
والبنات يتسابقون علشان يخلصون ويرحون يساعدون خالتهم
(ريان بنت ام الياس واخت الياس عمرها 20سنه حبوبه والكل يحبها في ثاني كليه مخطوبه لولد عمها علاقتها مع أشجان عاديه اهى قويه بس مو مثل آمال بنت عم أشجان)
ريان: ها أشجان خلصتي؟
أشجان: لا باقي لي نص الجزء وأنتي خلصتي؟
ريان: ايوه خلصت .
(جوري بنت خالتهم ام عباس ذكيه وفاهمه وتعرف اذا احد يتكلم عنها ولا لا بس تشوف اللي يتكلمون هي موساحره بس عندها حاسه سادسه عمرها 21سنه في كلية التربيه تخصصها E تحب هالماده وتفهمها )
جوري: وانا خلصت .
أشجان : يوه يعني بس انا لسه ما خلصت؟
ريحانه : (اخت جوري حبوبه وذكيه عمرها 17سنه في ثاني ثانوي علمي ) واحنا ما نكفيك؟ ولا ماتبين تجلسين معنا؟
أشجان : مو قصدي حبيبتي بس قصدي اللي اكبر مني زعلتي حبيبتي؟
ريحانه : لا ,انا موزعوله .
حست أشجان أنها تقصدها بس ما بينت شئ .
في المظبخ صاير المكان عقسه صحون جايه وصحزن تنغسل وصحن ينكسر وناس جايه وناس رايحه والياس طالع من المطبخ وداخل لان ربعه موجودين جالس يضيفهم ,
أشجان خلصت من القرآن وأول ماقامت بتروح المطبخ تساعد البنات أمسكتها وحدة .
أم على : وحده من الحريم ,أنتى منو بنته؟
أشجان : بنت أم نواف .
أم على : وينها أمك؟
أشجان وهي تأشر على أمها : اللي لابسه ثوب بصلي .
أم علي : أيوه خلاص بنتى أسفه وقفتك؟
أشجان : عادي خالتي ما صار شئ
ومشت أشجان عنها
أم على : والله حلوه هالبنت .
أم محمد: وحده من الحريم ,كلامك عدل لوعندي ولد مب متزوج زوجتها حقه.
أم علي : لو على يبي يتزوج خطبتها له بس مايبي يتحمل مسؤوليه .
أم محمد: كم عمره ولدج؟
أم علي : كبير هالولد عمره 27سنه بس مايبي يتحمل مسؤوليه ,أخوانه الصغار تزوجوا وعندهم عيال الي عنده بنت واللي عنده ولد وهو موراضي يفتح بيت ويتزوج.
أم محمد :كم أعمار عيالك اللي عندهم عيال؟
أم على : عمار عمره 24سنه وحسن عمره25سنه .
أم محمد: تحت بعض جبتيهم ما شالله عليك؟
أم على : ايه والله بس شنو نسوي كتبت ربك؟
أم محمد: طيب اذا البنت دخلت مزاجك وودك تصير مرت ولدك قولي له عنها يمكن تدخل مزاجه .
أم علي : ياما كلمته وقلت له عن بنات عمه وعماته وخالاته وكل وحده أحلى من الثانيه لكن ماكو فايده مايطيع ولا بيبي يتزوج.
أشجان راحت المطبخ تساعد البنات اللي خلصوا قبلها .
أشجان : (بصوت شوي عالى) بنات تبون مساعده ؟
جوري: قبل روحي نزلي عباتك وحطيها في مكان عشان لاتصير وصخه وتصبغ ريحتها أكل.
أشجان توها بتطلع الا والياس في وجهها وهي ما عليها جلال ولا عبايه ولا شئ
(لاتقولون شمعنى جوري ؛ جوري كانت بنهاية المطبخ ولا تبين والياس ياخذ الاغراض من اخته جنب الباب )
شافها الياس وهي ما عليها شئ تفجاء فيها ولا عرف يتحرك من مكانه تجمد أشجان توهقت ماعرفت شنو تسوي وكانت أشجان طالعه روعه وتبي تروح بس مو عارفه لانه واقف في نص الباب ولا عارفه تمر وبعد شوي حست أخته ريان:.
ريان : ألياس شفيك واقف؟ وخر شوي عن البنت خلها تروح.
الياس حس من صدمته بعدين وخر شوي وراحت أشجان.
الياس: منو هذي؟
ريان : بنت خالتك
الياس : شنو أسمها؟
ريان : أشجان ؛ ليش عجبتك؟
الياس: خيال وروعه هالبنت .
ريان : تبي تخطبها؟
الياس:لا ؛صبري علي شوي.
ريان :البنت حلوه ما تنتفوت لو مافكرت تأخذها في غيرك يفكر لان العيون عليها كثير.
فكر بسرعه يالله خذ ؛ عطته صحن كيك لضيوفه .
أما أشجان راحت الصاله وقلبها يدق بسرعه موعارفه شنو تسوي لان أهي البنت الوحيده اللي بالصاله وأمها شافتها واستغربت تواجدها بالصاله ولا معها أحد وراحت لها :.
أم نواف: أشجان يمه شفيك لحالك؟
أشجان : يمه مافيني شئ.
أم نواف ؛ طيب ليش انتي هنا ما رحتي تساعدين بنات خالتك؟
أشجان : يمه البنات كثير في المطبخ ما يحتاجوني .
أم نواف: يعنى أنتي الي بتكثرينهم الحين؟
الا بجيت ريان لأشجان :
ريان : أشجان ؟ موناويه تجين تساعدينا في المطبخ؟
أم نواف : توني أكلمها تقول ماتحتاجونها في المطبخ.
ريان :كيف مانحتاجها وهي شمعة المكان؟
أشجان : تسلمين ياقلبي.
ريان : بلا دلع ومسكتها يالله قومي .
وهم رايحين المطبخ (يصوت واطي)
ريان: الياس ماكان قصده كان جاي يأخذ الأكل لضيوف لان ربعه موجودين في مجلس الرجال علشان كذا جاء ياخذ الاكل
وماكان يدري ان احد من البنات بيطلع من المطبخ
أشجان : ما صار شئ بس روعني شوي هذي كل السالفه .
ريان: طيب تعالي معاي المطبخ تساعدينا .
في مجلس الرجال كان الياس سرحان في أشجان وربعه كانوا يكلمونه لكن وين اهو عنهم ؟ في عالم ثاني في عالم أشجان .
حيدر: (واحد من ربعه) وينك يابوا الشباب؟
الياس: معاكم
حيدر: وين معانا من أول ماجيت من عند أهلك وأنت متغير شنو السالفه؟
على: (واحد من ربعه ولد أم على اللي تكلمنه عنها قبل) يمكن شاف أميره بره وأحنا ماندري صح كلامي يابو الشباب ؟
نواف: (أخوأشجان) ياليت العزيمه عندنا في البيت.
الا ورن جوال نواف كانت على نغمة لاتلموني المتصل فارس:
نواف: هلا والله
فارس:هلا بيك أكثر ,وينك؟
نواف: عند الياس ولد الخاله
فارس: يعني مب شايفينك الليله ؟
نواف : أنشالله بكره في الشاليه.
فارس: ايوه سمعت الوالده تتكلم بس شنو المناسبه؟
نواف:عيدميلاد أشجان.
الياس من سمع أسم أشجان فز قلبه
وفارس نفس الشئ فز قلبه أكثر :جد؟ يعني بتسون لها حفله؟
نواف: أيوه أمي تبي تسوي لها حفله كبيره ماحد سوى مثلها .
الياس يأشر حق نواف انه يبي يكلمه.
نواف: فارس لحظه شوي.
الياس: هذا فارس ؟
نواف:ايوه
الياس: خله يجي يسير علينا
نواف: الو فارس
فارس: هلا
نواف: الياس يقول لك سير علينا
فارس: لا فشله .
نواف: يقول فشله
الياس خذ جوال نواف
الياس: هلا فارس
فارس : هلا والله شخبارك ؟
الياس :مب زين اذاما سيرت علينا
فارس: خلها مره ثانيه
الياس: انا ملزم انك تجي الحين ترى لسه ماتعشينه بننتظرك
فارس: خلها مره ثانيه.
الياس: لاثانيه ولا ثالثه شكلك تبي تزعلني
فارس: لا حبيبي مانقدر على زعلك
الياس: أجل نستناك؟
فارس: ملزم؟
الياس: ملزم وحيل بعد؟
س: يا ترى أشجان شنوبيصير لها بعد ماتصادمت مع الياس؟
س:الياس هل بيخطب أشجان ولا لا ؟
س: وفارس شنو بتكون نهاية حبه لأشجان؟

الحب
تسلمين على القصه وباين عليها حلوه بس بصراحه بقراها لين تكتمل لأني تعقدت من القصص الغير مكتمله ولي عوده ان شاء الله

روعه القصه حبيبتي
بس حااولي تكملينها لان القصه مبين عليها حلوه
واحنا تعقدنا من هالبنات اللي يعلقونا بقصصهم
وفي الأخير يطنشون ومايكملونها
ياليت ماتصيرين مثلهم وتكملينها ...
بأنتظارك يالغآليه ...
تقبلي مروري .

وينك خيتو انا بأنتظاار القصه كمليها ..

وينك يلآ انا انتظر تكملي القصه

الجزء الرابع
جا فارس وجلسوا الشباب يتعشون وبعد العشاء ظلوا سوالف
ولعب استانسوا .
والحريم نفس الشئ استانسوا وقت ماصارت الساعه 1 تقريبا الكل راح بيته وأشجان أول ما وصلت البيت راحت غرفتها
توها بتغير ملابسها رن جوالها وكانت النغمه وينك حبيبي
ردت عليها بسرعها آمال اللي متصله.
أشجان: أهلين يالحلوه
آمال : هلا بيك يالقطوه
أشجان :وينك اليوم مادقتي علي مب العاده؟
أمال :والله في البيت لا طلعه ولا شئ انتي اللي وينك ليش مادقتي؟
أشجان : بيت خالتي قلت لج من قبل اني بروح
آمال: قصدك الختمه؟
أشجان : يب
آمال : انشالله استانستي ؟
أشجان : الحمدلله بس انتي كنتي ناقصتنا ياليتك موجوده معاي
آمال : انشالله مره ثانيه
أشجان: أنشالله بكره بشوفك
آمال: بالشاليه؟
أشجان: يب
آمال: يمكن ماأروح معاكم
أشجان: ليه؟
آمال: خ صدقتي امزح معاك
أشجان : لو تتكلمين جد ذبحتك وقطعتك بعد
آمال : حشى شنو انتي تخوفين يمه منك امزح بس بشوف ردت فعلك.
أشجان : من زمان مارحنا الشاليه واذا رحنا مانروح كلنا ونجتمع جمعه حلوه وانتى تقولين مب جايه لا تنسين ملابس السباحه علشان نسبح في البحر
آمال : تخيلي بس يم عيال عمي هناك ونسبح بالبحر ؟
أشجان : شفيك انتي نسيتي ؟ مب احنا حاطين عازل عشان أحد مايشوفنا؟
آمال : لا تلوميني من متى مارحنا هناك؟
أشجان: صح لنا وقت مارحنا يالله بكره انشالله نروح
آمال : تتوقعين الحين كم الساعه صارت؟
أشجان : يمكن الساعه ثنتين؟
أمال : ثنتين في عيونك الحين الساعه ثلاث الا ربع واحنا مانمنا للحين وبكره رايحين الشاليه من الصبح مارح نقعد من الصبح بدري
أشجان: صج؟ الحين الساعه ثلاث الاربع بسرعه راح الوقت
آمال: انتي نسيت ان ااحنا في العطله ؟ والليل بسرعه يطير
أشجان : لا مانسيت بس ماحسيت بالوقت معاك
أمال: يالله باي نكمل سوالفنا في الشاليه
أشجان : باي
أول ماسكرت أشجان التلفون غيرت ملابسها ولبست بلوزه ورديه حفر مليان كرستالات وتنوره فضيه لنص الساق ولبست حزام عريض على الخصر وفيرت شعرها ولفته كله وحطت قذلتها ورى اذنها وسوت لها ميك آب ناعم ورايق وعطرت نفسها بعطر بنت النور شغلت لها شموع وجابت لها كاس عصير وحطته على الطاوله وسكرت النور بصراحه جوها رومنسي عليها .
تتوقعون سوت كذا ليش هالوقت ؟
لان ودها يكون ألياس يمها الحين لانها من شافته وهي تفكر فيه وتحس بشعور غريب حلو وضلت تتأمل لو هو معاها الحين لين صارت الصلاه بعدين قامت من تخيلاتها وراحت تصلي وغيرت ملابسها الى ملابس نوم حرير لونها بنفسجي فاتح وهادى وفتحت شعرها الناعم وطفت الشمع ونامت .
الصبح الساعه8 في الصاله
ام نواف : نواف حبيبي وين أختك ؟
نواف : مادري يمه يمكن نايمه لسه ماقعدت .وهو كان لابس بدله سبورت رياضيه وجوتي رياضي وكاب طالع خيال .
ام نواف : أمجد حبيبي روح شوف أختك وينها؟
أمجد: يمه مالى خلق أصعد فوق اناديها خلى وحده من الخدم يروحون لها
أبونواف : أمجد اذا أمك قالت لك شئ لا تقولها مااقدر وماتسمع كلامها .
أمجد : (جسمه متكسر من النوم ) أنشالله يبه وقام بيروح لها
أمه : حبيبي خلاص اجلس كمل فطورك انا بروح لها اشوفها
أبوه : خليه أهو يروح لها وانتي اللي كملي فطورك
أمه : شوفه كيف صاير متكسر من النزم وماله خلق نفسه تبيه يصعد لها ويكلمها ونفسه خايسه من النوم لا يبه البنت اليوم عيد ميلادها وماابي احد يعكر لها مزاجها .
نواف: مادري متى يجي عيد ميلادي وتدلليني كل هالتدلل اللى تدللين فيه أشجان
أمه : يعني انا مو مدللتك ؟
نواف : بس مو مثلها
أمه : (تضربه على كتفه ) يالطماع
أبوه : الا بقول بتعطينها هديتها الحين ولا بعدين
أمه : لا مب الحين لانها أكيد راح تسبح في البحر وبغير ملابسها
أبوها : يعني ادخل عليها في الحفله واعطيها الهديه ؟
أمها : ايه أكيد
أبوها : لا ماراح أدخل الحفله كلها حريم كتير وزحمه ماني بداخل
امها: يعني بتزعل بنتك الوحيد منك؟
أبوها : لا ماابي أزعلها بس مايصير ادخل عليكم والحريم كثير مااقدر أدخل.
أمها : انت كل اللي بتسويه بتعطيها الهديه وبتطلع لا تزعلها في يوم حفلتها
أمجد : يبه اذا انت ماتبي تعطي أشجان الهديه انا مستعد أعطيها لها بنفسي
أمهم : ايه انشالله علشان تقعد يم البنات عدل
أمجد : ارتبك لا يمه شنو اقعد يمكم اسوي حرام عليج
أمه: يوه نسيت اشجان بروح لها اشوفها قعدت ولا لا
صعدت لها امها تشوفها ودخلت عليها الغرفه وشافتها بعدها نايمه وجلست تصحيها من النوم
أمها : أشجان يمه قعدي الساعه صارت السعه 8ونص تأخرنا يالله قومي من النوم
أشجان : يمه خليني بس شوي انام ولفت الجهه الثانيه
جاءت امها وخذت كلينكس وبرمته وحطته على خشمها واذانها عشان تصحى وتقوم
أشجان يمه الله يخليك لا تسوين كذا ابي انام
أمها: يالله قومي الساعه 8ونص يمه تاخرنا على روحه الشاليه يالله عشان نروح بدري يمه حبيبتى انتي قعدي
قعدت أشجان وجلست على فراشها تمسح عيونها كانها بيبي
وقالت لأمها : ماما تصدقين اني ما شبعت نوم واحس جسمي يالمنى وودي انام أكثر
أمها : كم الساعه نمتى ؟
أشجان : يمكن الساعه 5ونص صليت ونمت
أمها : طيب روحي غسلي وجهك وغيري ملابسك ونزلي تحت فطري
أشجان : أنشالله ماما
طلعت امها من الغرفه عشان بنتها تقوم وتغسل وتلبس عشان تنزل لهم تحت ,أشجان بس طلعت قامت تغسل وجهه وتلبس اختارت بلوزه بيج مكتوب فيها في الوسط ILOVE بالون الاسود ومنثور على الكلمه لماع وبنطلون جنز بني فاتح ضيق من فوق ووسيع من تحت وعلى خصرها سلاسل فضيه ولبست ساعه ناعمه ورديه صايره كانها كسسوار ونازل منها سلاسل وعليها حركات ولبست صندل واطي خيوط لونه بيج وسوت لها ميك آب ناعم كحل داخل العين وروج بيج شفاف وشعرها كله حطته على جنب وبخت لها عطر رساله تخيلوها موروعه ؟
خلصت لبس ونزلت تحت شافت ابوها وجلست يمه
أبوها : الله الله شنو هالقمر اللي نازل وجلس يمي حتى وانتى توك قاعده من النوم ماتخلين حركاتك
أمها :هذي بنتك أمس ولا اليوم تعرف حركاتها حتى قبل ماتنام
أشجان حست من كلام أمها أنها تقصد شئ
أشجان: ماما شنو تقصدين ؟
أمها: ماقصد شئ ,فطري يمه
نواف :يبه أنا بروح بسيارتي
أبوه: لا يبه تعال معانا
أمجد: يبه
أبوه: هلا
أمجد: متى راح تعطيني سياره؟
أشجان:ههه
أمجد: أعتقد ماقلت شئ يضحك
أشجان: كيف ماتبيني أضحك وانت تتكلم عن شنو ؟
عن سياره ,صح يبه (تطنزعليه) متى راح تشتري له سياره؟
أبوهم: ياولدي توك صغير
أمجد: يبه كل ربعي عندهم سياره الا انا مو حلوه في حقك يبه.
أبوه: أنشالله اذا الله أحيانا في اجازة السنه الجايه تكون لك سياره
أشجان : يبه من جدك ؟ بتشتري له سياره ؟
أمجد : أنتي شنو اللي حارك ؟
أشجان : ويه من منو بنقهر منك انت يالنتفه أسكت بس أسكت
أمهم: شفيكم على بعض كانكم جنى وعطبه
أشجان: أهو البادي
أمجد: عليك بالله الحين احنا يمك انا اللي بديت ولا هي
نواف: يصرخ عليهم سكتوا , شفيكم انتوا كانكم أطفال لا لا انتوا اطفال اللي يشوفكم على هالحركات
أشجان: بابا ماما شوفوا يقول اني طفله
نواف حركاتك هذي شتقولين عنها موطفله ؟
أشجان: أنا اتدلع على أمي وأبوي
أمجد : أكلي يالدبه
أشجان تصرخ ) ماما
أبوهم وامهم وأمجد ونواف يضحكون عليها:ههه
حات الخدامه : مدام كل شئ خلاص
أم نواف: زين يالله روحي يالله بو نواف كل شي جهز خلنا نمشي
أبو نواف: قام من على طاولة الفطور يالله توكلنا على الله
قاموا كلهم يطلعون وركبوا السياره
وهم في السياره رن جوال أشجان وكانت اللي داقه عليها آمال
أشجان : أهلين
آمال : هلا والله
أشجان وينكم فيه؟
آمال تونا بنتحرك
أشجان : صج؟مثلنا
آمال: بسالك بسرعه قعدتي من النوم
أشجان : لا أصلا بعدني فين النوم بس امي ما خلتني وصحتني وقالت لي تأخرنا وانتي ؟
آمال : ما تدرين أمى شنو سوت فيني عشان اصحى من النوم
أشجان : شنو سوت فيك خالتي؟
أمال : العن منك
أشجان : يالله قولي بسرعه
آمال : أول شئ دخلت علي الغرفه وقالت لي قومي يالله بسرعه قومي وانا مارضيت بسرعه أقوم عاد هي شافتنى موراضيه أقوم جابت لي كاس مليان مويه وكبتها علي وكان بارد حيل
أشجان: ياي ماخترعتي ؟
آمال : شنو شايفتني جدار ماحس واخترع الماي كان بارد أقولك الحين
أشجان : شنو سويتي بعدين ؟
آمال : اقل شى سويته اني صحت
أشجان: ليش تصحين ؟
آمال: ماي بارد ولا تبيني أصيح؟
أشجان : لا انا لو منك أقل شئ اسويه زلزلت الدنيا وماطلعت من غرفتي خير شر
آمال : تشيشيني يعني ؟
أشجان: ههه
آمال : ابي بيبيسي
أشجان : شنوبيبيسي
آمال :ماأكلمك أكلم فارس.
أشجان:ها رجعت المياه لمجاريها
آمال : يعني
أشجان: كيف يعني ؟
آمال : إذا وصلنا هناك أقول لك باي
أشجان : باي
أم نواف: منو تكلمين أشجان ؟
أشجان : آمال ماما
أم نواف : ليش تصيح صاير شي عندهم؟
أشجان : لا ماصاير شئ بس اهي موراضيه اليوم تقعد من النوم وخالتى أم فارس خذت كاس ماي بارد وكبته عليها
أبونواف : أوف ليش كل هذا ؟
أشجان : لانها ما رضت تصحى من النوم
أبو نواف : عاد مب زين ماي بارد على واحد غافل
أم نواف : وشنو سوت آمال بعدين ؟
أشجان : تقول أقل شئ أقل شئ سوته انها صاحت
نواف:خخهخهخههخهخهخهخه (كان يضحك على خفة دم بنت عمه)
أم وأبو نواف وأمجد :ههه ضحكوا على تصرفها
أم نواف: ههه علشان كذه تقولين لوأنتى مكانها جان زلزلتي البيت علينا ؟
أشجان : شئ أكيد , من غير أي نقاش
أمجد:عاد هذي أم دمعه و------لا أكمل كملى أنتى
أشجان: أنا ماحط عقلي مع العقل أطفال مابلغوا سن ------كمل
أمجد : سن اليأس
أشجان :يبه كلم ولدك
أمهم أبوهم نواف : ههه ضحكوا على تصرفاتهم
اشجان : يبه شغل المسجل
أمجد: علشان ما تسمع كلام الحق
أشجان : أنت شنو جلسك يمي روح هناك ولا روح ورى
( سيارتهم جيب : وتقصد شنطة السياره جنب الخدم )
أمجد : والله كيفي أنتى روحي ورى .
أشجان : أوف متى نوصل وافتك منك يالعله .
أمها: في كل مكان تتخانقون نواف غير مكانك ويه أمجد ورح يم أشجان .
أشجان : لا ماما خلي أمجدو يمي علشان أول مايغلط كف على وجهه
أبوهم: ماراح يلهيهم غير المسجل
أشجان: يبه حط لنا على أحنا والقمر جيران
أبوها :لا انابحط موالد
أشجان : طيب يبه حط على قالوا لي أمدح أثنين
أبوها: ان شالله
وحط لهم كذا شريط ووصلوا يسرعه ماحسوا بالوقت
من خناقهم والوناسه . أول مانزلت من السياره أشجان :
أشجان : ياي الجو حلو كثير
أبوها : هذا حلاوة البحر في هالوقت
وصل بو فارس والاهل , نزلت آمال :
آمال : أشجان ؟ (بصراخ)
أشجان : آمال؟(يصراخ)
أشجان راحت يم آمال ونست أن مو على راسها جلال وكان فارس بينزل من السياره.
آمال : أشجان كأن أحنا ليمون ونعناع تذكرينها ؟
أشجان : أيه قديمه كثير
أمال : أشجان كأن مو على شعرك شئ
أشجان :يوه فشله أخوك هنى وشافني
أمال : يالله نظره شرعيه
أشجان : ياسلام
فارس أول ما شاف أشجان صد وراح لنواف
فارس: هلا بنواف
نواف : هلا فيك
فارس:شوف البنات كأن عمرهم ماكلموا بعض
نواف: اي عاد البنات كل يسالفون مادري من وين يجبون هالسوالف
فارس : قصدك هذره
أمجد قاعد لحاله ينتظر ولد خالته يوسف

أم فارس وام نواف دخلوا داخل الشاليه يتكلمون
أم نواف: سيتي ؟ حطي الكيك في الثلاجه لحاله والاشياء الثانيه في الثلاجه الثانيه فهمتى؟
سيتي: يس مدام
أم فارس: وين أشجان ما شفتها ؟
أم نواف : تلقينها مع بنتك آمال بره من زمان ماجاوا هنى الشاليه ومشتاقين له يبون يشفونه
أم فارس: اي صح .,غريبه لسه مااحد جا لين الحين؟
أم نواف: انا قلت لهم يجون من الصبح ويانا بس قالوا مايقدرون يحضرون ويجون من الصبح فبيجون العصر هم
وقامت
أم فارس: وين بتروحين؟
أم نواف : بكلم نواف وراجعه لك
طلعت بره وكانت لابس الجلال تنادي نواف
أم نواف: نواف
نواف اللي يتكلم مع فارس سمع امه تناديه قال لفارس: لحظه كان الوالدة تنادي علي
فارس : عدى خذ راحتك وروح لها
نواف : راح لامه : هلا يالغلا امري يمه
أم نواف: يالله حبيبي روح انت واخوك وولد عمك جهزوا غرفة الحفله
نواف : انشالله الغلا
وراحت امه عنه وهو راح يم فارس وقاله : بالله بالاخو وراك مهمه لازم تسويه
فارس : وشنو هاي المهمه اللى لازم اسويها
نواف : احنا مامورين نرتب ونجهز غرفة حفلة الاخت أشجان لعيد ميلادها ونبي نسويها اسبشل لانها مفاجاء لها
ها تساعد ولا لا
فارس : من جاب طاريها نواف وهو مب على بعضه ووافق
انه يساعد ولد عمه في ترتيب غرفة الحفل
وراحوا نواف وفارس الغرفه اللي بيسون فيها الحفل وكانت اكبر غرفه في الشاليه اللى كانت وسيعه وشرحه وبدوا يشتغلون فيها
في مجلس الرجال
بونواف :أمجد
أمجد:نعم يبه (كان زهقان لان مافي أحد كبره)
بو نواف: وين نواف عنك ؟
أمجد: يجهزاهو ويه فارس غرفه حفلة أشجان
دخلوا البنات عليهم المجلس
أشجان :هلا عمي شخبارك؟(قربت منه وباست راسه )
أبو فارس: هلا ببنت أخوي هلا فيك ؟ انا بخير دام انتى بخير
وانتي شخبارج؟
آمال : (هي الثانيه راحت تسلم على عمها أبو نواف)هلا عمي شخبارك كيفك؟ (وقربت تبوس راسه)
أبو نواف: هلا والله ببنتي الثانيه وينك من زمان عنك شخبارج؟
آمال : الحمد لله بخير عمي انا موجوده ,شخبارك أمجد ؟
أمجد: الحمدلله
أبو نواف: ما قلتي لي وينك ليش ماتمرين علينا في البيت ترى هو بيتك الثاني ولا تتغلين علينا
آمال : عمي والله ودي اني كل يوم وكل ساعه موجوده عندكم
بس ماعندي سياره اللي توديني وتجيبني لو في يدي سياره
جان شفتني 24ساعه موجوده عندكم بس خوفي تملون منى وتطردوني من كثر جياتي لكم
أبو نواف : ماعاش اللي يطردك من بيتك وانا عمك
أمال : تسلم عمي
أشجان وآمال : يالله مع السلامه
أبو نواف: وين بترحون توكم جايين ؟
أشجان : تصدق يبه من جينا وانا ماشفت ولا سلمت على خالتي أم فارس
أبو فارس: اهي داخل
آمال: ندري يبه بس بعدنا ماسلمنا عليهم
أبونواف : لكم ساعه من جينا ولا رحتوا تسلمون عليهم ؟
أشجان : تصدق يبه من شوقي لآمال نسيتهم
أبوفارس:ههه ماشفتيها من يومين واشتقتي لها كل هالشوق أجل لو غايبه عنك سنه شنو سويتي ؟
أشجان : الله لا يقوله عمي أنا ماأقدرأستغنى عن آمال
أبو نواف: أشجان حبيبتي قولى لأمك خليها تجهز الباربيكيوا
وتخلي الفحم فيه كثير
أشجان: يبه بتسون الاكل شوي
بو نواف : انشالله يالله روحي قولي لامك لايكون أهون
أشجان : لا خلاص هذا انا رايحه انشالله أقول لها يبه
ومشوا يرحون يم أمهاتهم داخل الشاليه
أشجان : هلا بخالتي حبيبتي شخبارج؟
أم فارس: هلا بيج الحمدلله بخير ,أنتي شخبارج؟
أشجان: الحمدلله بخير خالتي
آمال: هلا خالتي شخبارج؟
أم نواف: الحمدلله بخير أنتى شخبارج؟
آمال : الحمدلله بخير
في هاللحظه رن جوال أشجان وكانت نغمتها وينك حبيبي
أشجان : هلا والله
ريان: هلافيك
أشجان : ريونه متى بتجون ؟
ريان: هذا احنا في الطريق
أشجان : صج ياي متى بتصلون ؟
ريان : يبيلنا جذي يمكن شئ نص ساعه واحنا عندكم بس تدرين ان احنا ماكنا بنجي الا على العصر بس لو لى ولا ابوي مارضى يجيبنا الا العصر
أشجان: يالحنانه صدعتي راس زوج خالتي يعني؟
ريان : يعني هذا جزاتي اني كنت مشتاق لج وخليت أبوي يجيبنا مبكر خلاص مثل ماخليته يجيبنا أخليه يرجعنا
أشجان : من جدج أنتى أمزح أنا يالله بس تعالوا ننتظركم من زماان
ريان: يالله استقبليني في المطار
أشجان: خ
ريان:يالله هذا أحنا قربنا
سكرت أشجان من ريان ولفت تكلم آمال
أشجان: آمال
أمال: هلا خير
أشجان: ماشتقتي للعم رياض
آمال : حيل حدي بس شنو نسوي
أشجان : مشتاقه له حيل
وتدخل ريان ويه أمها وخواتها
ريان: هاي
أشجان ارتاعت ونقزت وحظنتها
أشجان:وينك ؟
أم نواف: ولا كأنكم توكم أمس شايفين بعض
أم فارس : كأنهم من 10سنين ماشافوا بعض
أم ألياس : السلام عليكم جميعا
الكل : وعليكم السلام
أشجان سلمت على خالتها وبعدين نادت على البنات وخذت هم كلهم عشان يتمشون على البحر وكل لهم شالوا عبايته
وكل وحده احلى من الثانيه
أشجان :يو نسيت
ريان : شنو نسيتي؟
أشجان: ماقلت لامي أن أبوي يبي يشوي على الباربيكيو
ريان :ذكيه
أشجان راحت ركض لأمها وقالت لها وبعدين أرجعت للبنات
وضلوا يتمشون على البحر ويلعبون فيه وكل وحده ترش الماي لثانيه شكلهم وناسه وهم مستانسين بالوضع
نروح للرجال
الرجال الحين هم قاعدين يشوون ووضع عندهم رائع
صحون رايحه وصحون جايه والشباب يرتبون الاكل
وبعدين حطوا الغداء ونادوا للبنات والامهات عشان يتغدون
وبعد ماخلصوا الغداء
أشجان: بنات يالله مارح تسبحون ؟
ريان: انتى كلتي وخلصتي احنا ماخلصنا أكل خلينا ناكل
أشجان : انا بروح اسبح في البحر بس لاتتأخرون
البنات: o.k
أم نواف : يمه أشجان ماكلتي شئ
أشجان : ماما شبعت
أول ما جات بتطلع بتروح تلبس المايو حقها
كان ألياس وفارس طالعين من مجلس الرجال بيروحون يغسلون تفاجأت فيهم ورجعت لداخل الصاله اللي جالسين يأكلون فيها ألياس مانتبه بس فارس انتبه ودق قلبه لما شافها
ريان: ليش رجعتي
أشجان: (قلبها يدق بسرعه) لابس الشباب كانوا طالعين من المجلس
ريان: مافي أحد معاهم
أشجان فهمت قصدها بس سوت روحها مب فاهمه عليها) ما فهمت شقصدك؟
ريان : لا فهمتي بس تستعبطين علي
وطلت من ورى الباب تشوف راحوا ولا لا بس ماشافت أحد
وطلعت وهي حاطه الجلال على راسها ومشت راحت الحمام
ولبست المايوه أزرق يبين منه ظهرها كله وعليه تنوره قصيره لونها فوشي وفلت شعرها وراحت يم البحر ولمست الماي برجلها لقته دافئ ودخلت البحر تسبح فيه وبعد عشر دقايق جاوا البنات ودخلوا البحر يسوون سباق وبعدين كل وحده صارت تغرق الثانيه وبعدين لعبوا منو تقدر تطول تحت الماي ويكون لها نفس أطول تحت الماي وستانسوا كثير وهم في البحر أذن عليهم المغرب بعد ماسمعوا الاذان قاموا البنات من البحر وكل وحده لبست ملابسها وبعدين راحوا يصلون وبعد الصلاه جات لهم أنواف
أم نواف: يمه أشجان
أشجان: هلا ماما
أم نواف: تعالي حبيبتي معاي
أشجان: أنشالله
وطلعوا من يم البنات ودخلوا في غرفه
أمها: مسكي يمه هذا لج (كانت كيسه كبيره هديتها من أمها )
أشجان : شنو فيه وليش؟
أمها: فيتحيها وشوفي شنو فيها
(خذتها وفتحت أشجان الكيسه وكان في الكيسه فستان روعه وناعم حيل)
أشجان: شنو هذا؟
أمها : فستان
أشجان : ادري أنه فستان بس حق منو ؟
أمها: عندي غيرج عشان أعطيها لها؟
أشجان : يعني لي انا
أمها : أكيد لك تشوفين أحد معنا عشان تقولين كذا
أشجان: تبيني ألبسه الحين
أمها : أيه يمه
لبست أشجان الفستان اللي شكله كوكتيل وموصل الى فوق الركبه بشوي لونه وردي ناعم وحرير وعلى خصرها حزام فضى عريض طالعه خيال وأمها سوت شعرها رفعتها كله ونزلت خصل من شعرها وسوت لها حركه ناعم بشعرها وحطت لها ميك آب ناعم ولبست ساعه من ساعاتها وحطت لها عطر ولبست بوت وردي طويل يوصل لين تحت الركبه بشوي كعبه صغير وناعم أشجان مستغربه شنو سالفة أمها ولما خلصت منها أمها طلعوا راحت ويها الغرفه اللي كان فيها البنات وماشافتهم وسألت أمها
أشجان: ماما وين راحوا
أمها : تعالى معاي أوديك لهم
وراحوا الغرفه اللي جهزها نواف مع فارس
ودخلوا الغرفه أشجان أول وبعدين أمها بس الغرفه كانت ظلمه كثير وبعدين فجاء طلع لهم صوت الاستريو على دلوعتى وشوى يشتغلون شموع وصارت الشموع هي
اللي تنور الغرفه كلها وصارت تمشي في الغرفه كأنها أميره
من الاميرات
ونواف كان مسوي لها جسر تمشى عليه وحاط على جدران الغرفه صورهامن هي صغيره بيبي الين كبرت وهي في توها في مهدها وصور لها يوم هي تحبى ويوم هي بدأت تخطي وصور وهي في مراحل الابتدائي وصوره في مراحل متوسط وصور حفل تخرجها منها وصور لها في الثانويه يعني المكان كله معبي صوره بشكل حلو (فارس ماكان موجود وقت ماكان نواف يحط الصور )
وحط لها بعد بروجكتر يعرض لها فيديو وهي توها مولوده ولين صارت تتعلم القراء وعرض بعد أعياد ميلادها اللي سوها لها من قبل وحفلاتها اللي تسويها وعرض كيف كانت تتعلم الصلاه
وكان حط لهاالزينه في السقف الغرفه والبالونات وحركات وكلمات واهدائات وكانت صايره كانها عروس
وتذكرت ان اليوم عيد ميلادها وقامت تصيح من الفرحه
أمها :لا يمه احنا مانبيك تصيحين
أشجان : ماما انا فرحانه حيل (وحضنت أمها) منو مسوي كل هذا ؟
أمها : نواف وفارس , بس الفكره حقت أمجد هو اللي قالهم يسون كذا
أشجان : نواف وفارس سووى الحفله هذي كلها لي والفكره من أمجد ؟
أمها: أيه
بعد شوي دخلوا نواف وامجد وابوهم من شافتهم أشجان داخلين عليها على طول طيران لحضن أبوها وحضنت أبوها بقوه وبعدين بعدت شوي وباست راسه وبعدين راحت وحضنت أخوانها واحد واحد وباستهم وأبوها قدم لها طقم ذهب مطعم بالالماس ولبساها لها
أشجان : مشكور يبه أنت أغلى هديه بنسبه لي ومااحتاج غيرها
(وحضنته وضلت تصيح)
أمها : يما لا تصيحين لا يخترب الميك آب
ونواف عطها ساعه من جفنشي
أشجان : مشكورحبيبي ليش كلفت على روحك ؟
نواف(لابس ثوب وشماغ أحمر شكلها خيال ): انتي وحيدتي كيف ما أعطيك منو لي غيرك؟
أشجان : يسلموا
أما هدية أمجد
أمجد: أنا هديتي مب في يدي انا هديتي تستناك تاخذينها من بره
أشجان : انت بعد جبت لي هديه ؟
أمجد: بس مو أي هديه هديتي خطيره بس اول ابيك تسكرين عيونك الحلوه ولا تفتحينهم الا اذا قلت لك OK
أشجان: OK
طلع أمجد بره وجاب واحد من بره ودخله الغرفه
أمجد: هذي هديتي يالله فتحي عيونك وشوفيها
وفتحت عيونها
س:تتوقعون منو هذا الشخص اللي أمجد دخله الغرفه وياهم ؟
س:وشنو راح يكون موقف أشجان من هالشخص اللي دخل ؟
س:شنو راح تكون ردت فعله ؟هل بتحب هالشخص ولا لا ؟

سوري على التأخير