أحلى بتي فور عمايل إدية وبالخطوات المصورة

1. السلام عليكم ورحمة الله وبركاته


2. صباح الورد والفل والياسمين....ازيكوا يا قمرات....

السلام عليكم ورحمة الله وبركاته

صباح الورد والفل والياسمين....ازيكوا يا قمرات....

أنا هادخلكوا في الموضوع على طول...الصراحة انا البيتي فور كان معقدني ...كل ما أعمله ..مرة يطلع حلو ومرة يطلع مفروش في الصينية ومرة يطلع ما لوش شكل ..لحد ما لقيت طريقة كده لأخت في منتدى آخر إسمها كهرمانة وهي واخدة الطريقة من أخت أخرى إسمها أم ياسين جزاهما الله خير الجزاء... وجربت الطريقة ده وطلع البيتي فور جميل أوي...بجد أنا بنصح كل واحدة ما بتعرفش تعمل البيتي فور تجرب الطريقة ده وان شاء الله هاينجح معاكم ويطلع زي الفل...وترفعي راسك قدام أهلك ولو متجوزة جوزك كل شوية هايطلبه منك ان شاء الله... ودلوقتي أنا هاقلكم الطريقة مع الصور ..يللا بينا :
المقادير:
2 كوب دقيق
1 صفار بيضة
فانيليا
ربع معلقة بيكنج بودر
تمن معلقة ملح
0جرام زبدة
نصف كوب سكر بودرة
الطريقة:
ننخل المواد الجافة مع بعض الدقيق والبيكنج بودر والملح
نضرب الزبدة والسكر مع بعض حتي يصبحوا مثل الكريمة ثم نضع صفار البيضة مع الفانيليا ونخلط جيدا ثم نضيف المواد الجافة تدريجيا ونخبر علي درجة حرارة 180 من 10:12 دقيقة
الصور:
1- هنا أنا حطيت الزبدة والسكر البودر
2-وبعدين ضربتهم ضرب مبرح لحد ما بقوا زي الكريمة
وبعدين حطيت صفار البيضة والفانيليا عليهم
3-وده شكلهم بعد ما خلطت كويس
تا ابعي