أخيراحصلت على طبقة الاساس للأعراس اللي أدور عليها

1. مع السلامه

صار لي اكثر من سنتين وانا اجرب كل انوا ع الماركات وكل الدرجات حصلت الدرجه اللي خليتها للايام العاديه والدرجه اللي مخليته لزيارات العاديه للصديقات مثلا اما درجه المناسبات يعني للاعراس كل مره ماتنجح معاي تطلع عاديه ونفس لون بشرتي او فتح بشوي 1 %
وتعبت وانا ادور من كل الماركات لين ماخذت لي دوره مكياج لمده ثلاث ساعات مع صديقتي واختي وسالت الخبيره عن الدرجه اللي خاطري فيها من زمان وقلت لها ابي درجه لاعراس وتكون بشرتي حلوه مثل العروس وقالت لي انا باعطيج اللي احطه للعروس لما امكيجها واللي تكون في درجه لونج واو استانست وقالت لي اشلون اول شئ احط درجه غامجه من بن ناي واللي لايقه على كان ت رقم 4 وبعدين احط بن ناي رقم 305 واحط منها طبقه كثيفه بالماي لين ماتحسين انه ويهج بدا يشد وبعدين حطي كانيبو رقم 101 وهي معروفه للاعراس والعروس خاصه وحطيها بالماي طبقتين وبعدين كملي مكياجج عادي واخر شئ ارجع حطي طيقه وحده من بن ناي وعقبها طبقه من كانيبو بالماي طبعا الاثنين وماجذبت خبر رحت وشريتهم وجربتهم بنفس طريقتها حطيت الغامج بعدين 305 وبعدين كانيبو وبعدين كملت مكياجي حطيت لي شدو اصفر على لمعه ذهبيه وسويت لي قوس اخضر على لمعه وبعدها شتت اللون وحددت القوس ب االاخضر العشبي شوي وسويت لي فتاحات عند مدامع العين ومليتها بالذهبي وحطيت لمعه عليه وتحت الحواجب حطيت ذهبي صارخ وعقب كحلت عيني بالكحل العريض واخيرا حطيت البلشر والروج الوردي الفاتح وعقب رجعت حطيت طبقه من بن ناي 305 شوي بالماي وعقب حطيت كانيبو شوي بالماي وا و
واو ماصدقت نفسي كاني عروس والله ماجذب عليكم طلع لوني حلو نفس كريم اساس العروس بس لاتنسون سووا كل خطواتي غامج اول بن ناي طبقه ثقيله نوع ا ما كانيبو لاتقولون انه الوجه بيطلع ثقيل لالالالالالالالا ماراح يطلع شئ اول شئ بتحسين ويهج شاد وهاي المطلوب علشان مايتكسر ويظل طول العرس مرتب ومشرق لاتنسون انا عطتني اياه الخبيره مو من عندي جربوه وقولولي وتستاهلون اني اقولكم على الكريم ا لاساس اللي طالما بحثت عنه (حلوه بحتث عنه )

مع السلامه

للأمانه منقول بس حبيت تستفيدون وأنا كنت حاطه موضوع قبل أسال عن كانيبو بس طبعاً ولاكني سألت عاد الحين خلكم ماتردون وإذا مافيها كلا فه اللي تقدر تحذف موضعي السابق عن كانيبو لاتقصر لأنه سبب لي صدمه عاطفيه ويالله ونسوني بالردود 000