للاسف هذا ماحصل لي في مشغل شموخ بالدمام

1. بسم الله الرحمن الرحيم


2. السلام عليكم ورحمة الله وبركاته:


3. مايستفاد من القصه :

بسم الله الرحمن الرحيم

السلام عليكم ورحمة الله وبركاته:

كيفكم حبيباتي اليوم جايبكم سالفه صارتلي في يوم من الايام الخوالي قدر الله علينا وصار عندنا زواج قريب لنا وحلفوا وطلقوا وقطوا شمغهم وشيلهم علينا الا نشرفهم بحضورنا عفوا نشاركهم فرحتهم وكانت هنا المصيبه لان من زمان ماحضرت زواجات ونسيت البروتوكلات===>اتحداكم تنطقونها عشر مرات واستعدادات الزواجات
المهم ومرت السنين والايام وحان موعد التجهيز للحضور وولظروف خاصة تتحفظ الوزاره عن ذكرها صار كل شي بسرعه بس بقى شوشتي وخشتي مين يسنعها كل مادقيت على وحده من الحريم الذين اشتهروا بين العامه بتسنيع خشش الحريم مقابل مبالغ طائله جدا جدا ويدعون الكوفيرات وفي روايه بعد كوافيرات وهي جمع كوافيره مع كسرالياء وتكفيخ الراء ولكن كان الرد الصاعقه معليش مايمديني محجوز اليوم الى ان وصلت لمشغل يسمى شموخ اعتقد يدلعونه شموخ بس اسمه اللي يستحقه انكسار وبه عدد من المتكوفرات ===>لانهم مو صدقيات فرحبوا فينا وقالوا تعالي باي وقت قلت ابي بالظهر بدري قالوا عادي اي وقت حنا موجودين قلت خلاص خلوها الفجر لاامزح المهم كل مااقولهم شي قالوا موجود بس تعالي وانبسط واسكر التلفون وكنت برقص سامري بس مااعرف ويجي اليوم الموعود وبعد هوشات انا وخواتي عشان نوصل على الوقت وصلنا المشغل المذكور للتذكير(شموخ)يقبع على الشارع التجاري بمخطط71بالدمام دخلنا وكلنا انا وخواتي بهجة وسرور ومافي ولا احد زباين اقصد رحبوا فينا ماقصروا بس مادري حسيت بعدم راحه بس وش اسوي مو وقته اتفقنا على التسريحات وكنا طالبين شي بسيط وان كان سعره بسعر تسريحه كامله ودفعنا المبلغ سئلتهم عن المكياج قلتلهم ابيه ناعم وبسيط لا ابي ظل ولاحركات قالوا ابشري طبعا انا كنت حاجزه مع زوجة اخوي على المكياج بس كنسلنا يوم رحنا للمشغل عشان الوقت قلت طيب عطوني صور لشغلكم قالوا ماعندنا بس عندنا كتالوج اختاري الي تبين ونسويه لك اخترت واحد ناعم وقلت لهم عنه وطلبت الي تمكيج ورحت سئلتها قالت خلاص واتفقنا بشرط يكون ماركات عشان بشرتنا ماتروح فيها ودفعت مكياج لي ولخواتي طبعا بدوا اول يسون شعورنا وقالوا المكياج بعدين مع ان المفترض العكس بدون تفاصيل سووا شعورنا بطريقه غريبه عجيبه قالوا اذا فكتوه بيطلع شكله حلو وكانت اشكالنا غبيه مره بس قلنا خلنا نشوف النهايه العبره بالخواتيم جاء دور المكياج دخلت الغرفه تفاجأت بالمكان المكياج مكشوف تخيلوا والعلب مكسره ووسخه مره وكلها من طقة ابو قرش حتى مااتوقع ابو ريالين وشي عجيب وندور انا وياها اي شي نبيه مثلاً الروج قلت ابي برونزي قالت مافيه وش دعوه جابت الرف الي حاطين فيه الارواج ماكان فيه الاكم روج فقط والوان سخيفه وسخه مره وش قرف وعادي المكياج قدامي لانه خرابيط اخبر المشاغل مايخلونك تشوفين مكياجهم المهم وبدت تصبغ وجهي واحس وجهي ثقل مره المهم وبدى التلطخ تبي تحطلي روج احمر وظل موف وانا لبسي اسود والصوره اللي اخترتها كان مكاج برونزي مشمشي كامل ويوم ذكرتها قالت ان الكتاوج برى وطبعا متاعجزه تجيبه ولما الحيت طلعت جابته وكانت مره متأففه اني تدخلت بالاختيار وش دعوه هذا وجهي بعد اكيد المهم بعد زمن من الدهر خلصنا بحمدالله وكانت الصا عقه وجهي يرو وع بشكل خيا الي شي فوق الوصف ولايقرب للصوره اللي اخترتها لامن بعيد ولا من قريب والله خنقتني العبره وقتها وصرخت فيني لاتقولين ماعجبك قلتلها جزاك الله خير وانا من الناس الي هاديه ومااحب اناقش طلعت وناديت الي تشتغل بالريسبشن وقلتلها خلاص خواتي ماراح يسوون مكياج وطلبت اعادة المبلغ الي دفعته لخواتي بس لان خلاص ماراح يسوون مكياج اما انا العوض من الله تخيلوا تكالبوا كلهم وهاجموني بطريقه جدا جدا سيئه وانقلبت وجيهم وظهرت اخلاقهم وقامت الي تسوي المكياج تقولي هاي مو وش ماركات هاي وش مكياج حي الله تخيلوا قوة عينها وكأني مشفت مكياجها والله لو اني جايه من البر كان ميزت المشكله انه كان ردي يوم سئلتني قلت يمكن يدك حلوه بس المكياج نوعيته سيئه مع ان شغلها وربي انه اسخف من السخيف ونسوا شرطي قبل لاسوي المكياج انه يكون ماركات مو اي كلام ورفضوا استرجاع المبلغ رغم ان خواتي ماسووا مكياج وقالوا لو عشره ريال مابرجعها لك وفكوا شعورنا وكانت شي مااقدر اوصفه شعورنا ناعمه الله يبارك صارت منفوشه ويابسه بطريقه مقرفه من كثر المثبت ولاجات بترش لمعه على شعري مثل المبزره قلتلها لا قالت الظاهر مافي شي يعجبك انتي مو سعوديه صح ؟؟ قلتلها الا قالت غريبه ليش منتي مثلهم حنا قاعدين نسوي الي تبون تبين الصراحه انا من شفتك تتفقين على المكياج وانا مو متقبله الفكره هذا المكياج مايناسبك بس انتوا يالسعودين تحبون المكياج يكون بهالشكل(تهريج تقصد)قلتلها لان مالقوا الايضبطه لهم اغلب المشاغل كلام فاضي وشوفوا الزواجات الاغلبيه مكياجهم يروع لان هذا شغل المشاغل للاسف وظلت تجادلني بان السعوديات هذا الي يعجبهم يعني تهاجم وتلمح ان ماعندنا ذوق يحقلها تقول كذا واكثر تدرون ليه لان حنا الي اعطينهم وجه وماناقش ندفع وبس المهم رجعنا البيت خمس ونص والمفترض نطلع من البيت ونمسك الخط الساعه 6لان الزواج بمنطقه بعيده عن الدمام واحترقت اعصابنا رجعنا البيت ورحنا تحممنا وقعدنا نفرك بشعورنا نغسل البلاوي اللي حطوها وانا وربي اني افرك وجهي وصدري بالليفه تخيلوا عشان يروح الاصباغ الي حطتها ويالله راح واخواني قعدوا يعجلون فينا وامي ملحه انا نروح والله اني استشورت شعري وحطيت مكياجي وانا ابكي وصلنا متأخر واليوم كله نكد في نكد بسبب اتعدام الامانه في مشاغلنا وتسلط ضعاف النفوس امثال مشغل شموخ وطبعا خسرنا مبلغ راح وفي ذمتهم يسألون عنه يوم القيامه..طبعا انا مكياجي متعوده اسويها يس تغيرت بشرتي لاني سمنت واحتست بالاساس لاني مو متعوده مااحط اساس وشريت من ماك ستديو فكس كنت منزله موضوع بقسم المكياج في احد المنتديات اسئل البنات وللاسف كنت متحمسه للردود لكن ايش حذفوه الله يسامحهم المشرفات فاظطريت اسويه بمشغل عشان الاساس فكانت هذي هي النتيجه خسرت فلوس اكثر على خرابيط وضاع الوقت واحترقت اعصابي ..

مايستفاد من القصه :

• احظري من استغلال المشاغل وسوي تجربه قبل اليوم المحدد واذا ماعجبك الشغل وريهم شغلهم ولاتسكتين.
• تعلمي المكياج وطرق تسريح شعرك وافتكي من استغلال المشاغل وثقي ان سعر مره وحده تقدرين تشرين فيه مكياج كامل من ارقى الماركات بس تعلمي كيف تحطين وعلى فكره طلعتلي حبوب بسبب مكياجهم رغم اني مستحته علطول ..

طبعا ماتصدقون الحرقه الي بقلبي من تصرف هالمشغل فنزلت الموضوع عشان الكل يحظر ومايطيح بلي طحت انا فيه
والله على مااقول شهيد..
ياليت المشرفات مايحذفونه وياليت كل مشغل يستغلنا يذكر علناً ليتعظ الجميع ويخافون الله فينا ومايتكرر الموقف مع وحده ثانيه