أخييرا اتوصلت لكن الأهم تعلمت وبكل حمااس بديت المشوار أحلى مشوار مشوار الرشاقة

1. والله الاشياء اللي بذكرها مفيدة كماان للي بدهم ينقصوا مية كيلوا

السلالام عليكم للجميع
هاي بنوتات
انا زايد وزني ستة كيلو ولي فترة طويلة وانا احاول لكن من جمبها زي ماهو وزني 56
وهدفي أوصل ل 50 وزني المثالي وان شاء الله كمان حوصل 49 وبكل ثقة حقولها في خلال شهر باالكثيير

والله الاشياء اللي بذكرها مفيدة كماان للي بدهم ينقصوا مية كيلوا

طبعا وزني مانقص لان انا كنت بعمل أشياء خطأ وهي السبب مو بس لثبات وزني لا وزيادتو كمان
أعدت شريط ذكرياتي من يوم مازاد وزني عن المثالي تقريبا من امم سنة وشوية والأسباب اللي توصلتلها واباكم تستفيدوا منها حذكرها , يعني أنا أساسا من يوم مازاد كيلو حاولت انقصو لكن مافلحت وزااد بالعكس الوزن لاسباب كنت غافلة هادي النصايح والتوجيهات من القلب للقلب امكن البعض ماتناسبوا والبعض تناسبوا زي مشفت تأثيرها من اول يوم عليا ,,
أولا: أبدا لايهمك شي اسموا ميزان خلاص قيسي وزنك قبل نظامك خلاص انتي عارفة كم زايدة انا كنت موسوسة فينا نفقول كل يومين اقيس مررة غلط يحصل للوحدة توتر ولخبطة وتحط حرتها في الأكل وجربت اقيس مرة بالاسبوع برضوا ماناسبني قررت اشيل فكرة الميزان والله اليوم بديت في نظامي واتفاجئت من حماسي ..
عادي اكل اي شي لكن مايزيد عن 700 سعرة وطبعا احاول ان اكلي يكون مفيد حتى مانخسر فيتامينات وعملت رياضة حرقت فيها 500 سعرة (ماشاء الله تبارك الله) وكدا خسرت في اليوم بإذن الله 1500 سعرة
الحماس هذا كلو ماشاء الله لاني نسيت شي اسمه ميزان بالعكس حلو كل يوم احس على جسمي فرق واستمر
ثانيا : ماحددت مدة حطيت مدة تقريبية بالكثير شهر لان المدة برضوا اكتشفت انها تاثر فيا زي حكاية الميزان حسابات وكدا
فخلاص على ملكة بنت خالتي ان شاء الله حفاجئ الجميع
ايوا وحاولوا كمان تبتعدوا عن أي اغراءات طبعا الدعايات ماتقصر وحتى في البيت لاتدخلوا المطبخ بلا سبب وتشمشموا روائح انتم في غني عنها
وبالاخر دعواتكم حبيباتي ان ربي ييسر أمري ويحققلي اللي في بالي
سلملم