أذ زوجي مايحترمني وش الحل أمانة ردوا علي

الله يعينك اخي اقسى شي الضرب وفعلا انتي غلطتي انك سامحتيه بسهوله من البدايه بس والله مدري شقول احس زوجك مو طبيعي ليش عينه على فلوس اهلك واغلب هواشكم على الفلوس حاولي تكلميه بالاوقات الي يكون فيها قريب منك اكيد فهمتي والله يهديه يارب علشانك وعلشان اولادك

ياحياتي وش ذا الاسلوب اعوذ بالله منه يسحبك بشعرك لين الحمام
اعوذ بالله منه شوفي اغراضك واي شي تملكينه لاتحطينه عندك حطيه عند اهلك يوم بياخذا اغراضك ويبيعها غصبن عنك
اي حاجه عندك الماس ذهب احتفظي فيه لايسرقه ويبيعه هذا مايخاف ربه الله ياجعل ايديه بالشلل
وان ضاقت الوسيعه فيك مالك الاربك ادعي عليه ولا الوحده تصير ارمله ابرك من وجوده بهالدنيا
يمد يده مافي حل خلاص مسك هالعاده
بكره يكبرون عيالك ويشفونه واهو يضربك الله يعين بس اهم شي الاولاد وان ماقدرتي تصبرين مالك الا انك تفتكين
وحتى لو عندك اهلك عيب الطلاق خير يصبحني بطق ويمسيني وعيب ترى يوم بيتمادى بالطق ويؤدي لاسمح الله للوفاه
انتبهي ان وصل التفاهم الا طرق مسدوده تطلقي مجنون هالرجل اعوذ بالله يهينك ويمسك ويحط وجهك بالحمام
اختي والله انه ناقص ودك من يمسك وجهه ويحطه اهو بالحمام عشان يعرف قدره
اعذريني اختي حركاته حركات واحد يسوي قوته عليك ويستفرد عضلاته عليك
وقولي له مو من زين فعايلك عشان اعطيك فلوس تشتري سياره عمرك ماركبت السياره وجعلك ماتركبها امين

اكثري من الاستغفار لله يهديه ويسخره لك بسراحه حالتك تقطع القلب
عليك بالشكوى لله وحده في اخر الليل يعني قومي وتوضي وصلي الشفع والوتر وادعي ان الله يصلح حاله

مثل ماقالت اختي عليك بالدعاء اخر الليل واقري دعاء تسخير الزوج واكثري استغفار وابشري من الله اذا ماتغيرت معاملته لك بس عليك بالصبر
والله يسخره لك

الله يعينك ياقلبي مالك الا الدعاء الله يهديه ويسخره لك ويحفظه من كل شر وانتي مالك الا الاجر عشان عيالك الله يحفظك ويحميك من كل مكروه ويرئف بحالك

شوفي يالغلا روحي لابوك وقوليله كل شي
اما يلقوله حل ولا ارجعي لاهلك بعيالك لاتروحين بدونهم
والله يفرجها عليك
وحسبي الله ونعم الوكيل على كل زوج سيء وشين الل يشيله من الارض

يبيله رجال توقفه عند حده انتي هلك ماقطوك ولا انتي سباله كل ماجا فباله كفخ فيك ومشا
خير ان شاء الله
مالك رب !!
يحمد ربه ان الله ممهله لكن ربي مايهمله
حبيبتي والله لو منك وماتعدل بتطلق اذا مو عشاني عشان عيالي
انتي مو تخافين عليهم خلاص خوفك لازم يكون فمصلحتهم مو العكس
انا اول مره فهالمنتدى اقول لوحده تطلقي
لو يخيروني بين كرامتي والحب الكرامه بلا منازع
واذا بياخذ عياله كيفه
اهم شي مايشوفون منظرك وانتي تنظربين
صح يتعبون من فرقاك
لكن ارحم من انهم يشوفونك مقهور ومالك حيله
وقتها بيتعودون على ضعف الشخصيه والسلبيه فالحياه
وبتمشي معهم للمستقبل
لاتضيعينهم ولاتضيعين نفسك
الحين ادعي ربك وادعي ادعي ادعي لين تتقطعين
ربي ارحم بك من عباده
واذا الطلاق مصيبه عند هلك قوليلهم وبالفم المليان
تصرفوا معاه وان مافهم ذوقوه الطق عشان يعرف يمد يده على مره
اصلا وين المرجله فيها
يختي كل رجال لابد فيها عصبيه
واحيان اذا انضغط ينفلت
لكن يتحسف بالاخير او يرتدع
وان مارتدع نعرف شلون نردعه
ليه ماورانا اهل!
ودام اهلي بصفي اجل ربيه من جد وجديد
خليه يعرف ان الله حق
ماخلقك ربك وعزك وكرمك عشان يجي هو ويكسرك
لاحبيبتي هذا ماله الا رجال
وقفي ابوك واخوانك كلهم من اكبرهم لاصغرهم
عشا يعرف انه لاغاب واحد عندك غيره
وان بعد ماتعظ جيبي عمانك وخوالك وابوك واخوانك
ووقفيه هو وابوه واخوانه
وذيك الساعه يتأدب ولا يسرحك بالمعروف
مثل ماوقفوا بعرسه يوقفون ياحبيبتي له الحين ويحلون المشكله
ولاشاطرين ياخذون بنات الناس ويهينونهم
اصحي لنفسك تراك معطيته وجه
قال ايش قال انا انسى
يختي كلنا نسامح وننسى
لكن مو سلبيين
كلنا نحب ازواجنا
لكن مانضيع كرامتنا
كلنا نحب عيالنا
لكن مانأذيهم
هو ياذيهم بدنيا وانتي تاذينهم نفسيا
اي عيال اللي تفكرون في مصلحتهم
غلطتك سكوتك الغير مبرر والمبالغ فيه
اللي تبي تحافظ على بيتها تبنيه طوبه طوبه
ويكون بنيانها على اسس صحيحه وسليمه
مو تلم الشامي عالمغربي وتقول اصبر!!
خصوصا ان مالك عذر فصبرك
لو انك مقطوعه او هلك مايبونك او عندك كومه لحم تربينهم
او او او في اعذار كثيره بقولك اصبري
الحين اتجهي لربك قبل كل شي وعامليه بما يرضي الله
لكن لو مدها ذيك الساعه خلك حرمه وبنت رجال واعرفي كيف تتصرفين
كلنا نبكي لو مد احد يده علينا بس معليه نطق وننطق
اهم شي حقنا وناخذه
انتي تعالي له باسلوب زين وكلام طيب وتفاهمي معه عن مدة اليد
واددعي له
وذكريه باالاخره وان الله ماراح يضيعك
قوليله امساك بمعروف او تسريح باحسان
يعني هذا امر من الله
مو منك انتي
وان مانفع الطيب يجيبونها رجالها لو يوصل الدم للركب
ان تعدل الله يخليه لك وان ماتعدل الله يختار لك الزين والصالح
لاتزعلين ادري كلامك شوي متماديه فيه بس هذا الحق ومحد يرضا الغلط
انقهرت عليك ذكرتيني بوحده
كانت غاليه علي ولليوم ابكي عليها حرقه بقلبي الله وكيلك مثل الغصه
هي مثل امي وشبه مربيتني
لكن من 3 سنين او 4 الله يرحمها ويعطيك
ماقول انها مثل حالتك
لا كانت اعظم منك بواجد وبمراحل
وصلت للحضيض
بس هذيك كان لها عذرها
وعذرناها
مع ذلك كلنا حسينا بتانيب الضمير
حتى زوجها يوم عزاها قال قدام الكل جعل ايدي اللي اندت عليها تنشل
ليت ربي قطعها ولا رفعتها على بنت فلان
اخ بس الله يرحمها
انتي لاتسكتين توك باول عمرك لاتضيعين فرحة العمر على امور مثل هذي
توك مالك الا 4 سنين يمديك تتداركين امرك وحالتك
الله يخلي لك شبابك ويحفظ لك ذريتك من كل شر

الله يعيني وإياك ..

الله المستعان.....
آختي مهمآ كبرت مصيبتنا فلنا رب رحيم لطيف...
هوا كذا كان يتصرف مع اخواته...؟او تصرفاته ذي وقسوته معاك انتي بس....؟
اذا كان هوا كذا فربي يقويك ويعينك.....والله اللي مصعب الموضوع اكثر وجود الاطفال بينكم
الله يهديه لك حبيبتي......ومهما ضاقت تفرج بس قوي ايمانك بالله
وحاولي تكلمي ابوه.....يدخل في الموضوع....قوليله انا اخاف ع اولادي وهم يشوفون هالوضضع بيننا
قلبي عندك والله........الله يفرج كربتك يارب