أشياء من كيسي في جعبتي حكاية

انا مخطوبة ومو متزوجة بس سمعت نصاايح كثير وجربوها كثير واشادوا فيها كثير
واذا شفتوا شيء مني ولا مناك استروا ماواجهتوا
الزبدة ياطويلات العمر ...
الزواج نقلة تصير في حياتك ..
بعد ماكان اسمك بنت وكنتي تحملين خصائص هذا الاسم صرتي زوجة وتحملين خصائص هذا الاسم<<< موضوع كيمياء...
يعني لاتتوقعون انكم رايحين لجنة أو دنيا مافيها هم ولا أخطاء ولا نكد ...
هذي اول قناعة ازرعيها ببالك عشان تكون ردود فعلك طبيعية تجاه الكثير من الصدمات المقبله
ولاتشعرين بقمة الإحباط بعد قمة السعادة <<يمديكم على اللغة
وهذا اللي اكثر البنات ينصدمون فيه الوحدة تبني احلامها على فارس ملثم ماتطلع منه الزلة
ولاّ تفكر بوردية وشفافية زايدة ...
وتتحطم وتكتأب مع أول مشكلة وتجيها صدمة نفسية ....
لاحبيبتي انتي جديدة على تجربة وتجهلين اشياء كثير فيها وهو كمان زيك جديد على التجربة
ويجهل اشياء كثير
يعني من بدري حطي ببالك اسس لحيااتك تناسبك وتناسبه
وارسمي نمط حياتك معاه واتذكري الشيء اللي تزرعينه ببداية زواجك بتحصدينه طيلة السنوات الجاية
الوحدة اللي تعود زوجها على الميانة الزايدة لدرجة انها عاادي تستحقر بعض الالفاظ وماتتعاظم شانها اقولها بيجي وقت تطيح الميانة بينكم لدرجة عدم الإحترام
والإحترام قبل كل شيءفي الحياة الزوجية
وجودة يمكن يجيب الحب ّاذا كان معدوم ................. وعدمه يقتل الحب اذاكان موجود ..
جد يابنات لازم يكون بينك وبين زوجك احتراام وتقدير وحشمة ...
(2)
زوجك على ماتعودينه ...
أكثر الازواج مايكون شايل مسؤولية قبل الزواج زي االلي بيشيلها بعد زواجه ...
\يعني هو جديد عليه الصرف المالي اللي راح يصرفه عليك...
جديد عليه التزامه معك بكل شيء ..
جديد عليه اهتمامه بأدق تفاصيل انثى ... حتى لو كان شاايل امه واخواته من قبل ..
عشان كذا ...
عوديه على انك ماتشترين اي شيء من البداية .. طبعاً من غير ماترهقين ميزانيته ..
عودية انك ماتعتمدين في مشاوريك على احد غيره .. وما تروحين لأخوانك في كل مشوار ..
آخر شيء لو بتخرب عندك مغسله .. بتضطرين على وااحد من اخواانك يسويها لك ..
والسي سيد مع اصحابة ولا في الاسترااحة
هذا بيته ماهو بيت اخوك حسسيه انه ملزوم فيه وفيك ...
لازم تعودينه على تحمل كامل المسؤوليه من بدري ... <<دققوا على الكلمة االي لونتها
(3)
فيه مقوله اسمعها كثير ...
(( الرجل زي الكورة ترمينها ترجع لك ))
الوحدة اللي تتلصق بزوجها وتقلق اهله بالرسايل والاتصالات ...
لا تحسب ان زوجها بيشوف انها جالسه تهتم فيه ولا تدلعه ..
لا بيحس انها خانقته وانها ضيقة عليه جوه .. <<<حاكرته بالركن وماسكة له عصا
جد يابنات كثرة الاهتمام تطفش وربي ... لازم يكوون فيه ثقل ولازم يكون لرسايلك طعم
(4)
الثقة الثقة الثقة ...
حبّي نفسك ودلعي نفسك .... عشان اللي حولك يحبونك واولهم زوجك...
لاتقولين انا دب وكرشي متدلّية
لاتقولين انا سمرا وكلّي ترهلات ...
لاتقولين شعري ليفة ...
مافيه أنثى مافيها ولو قطرة من الجمال بس الفطينه هي اللي تعرف مواطن الجمال فيهاتعززها وتظهرها ..
وتستر العيوب وماتحاول تبرزها ...
خصصي لك يوم في الاسبوع لك انتي
تهتمين فيه بجسمك وشعرك ..
اشتري ماسكات لشعرك وجسمك
اشتري أدوات البدكير والمنكير ودلعي اظافرك ..
ترى الحركة هذي تأثر ماتشوفون المسلسلات المصرية الوحدة يوم تمثل دور البنت الغنية المدلعة لازم يكون لها فقرة في المسلسل ياانها تبرد اظافرها ياانها تحط مناكير <<<وميمي جمال تشهد
الزوج يوم يحس بنظافةواهتمام زوجته بيحس بانوثتها ... وهالشيء بعزز داخله اشيااء كثير
صوتك لايعلى صوتك لايعلى صوتك لايعلى ...
اعرف وحدة الله يستر عليها تقول مرة كنا في السياارة مع زووجي وراجعين من سفر ... هذا زينا غيرنا جو واستانسنا
وانا في السيارة اتكلم بنعومة ... تقول وعيالي ورا جابولي الخبال سكت سكت سكت آخر شيء تقول لفيت ورا
وانا اصرخ عليهم صرخه شقت الارض <<< كانت كابته المسكينة
المهم إلاّ شوي قمز زوجها قال بسم الصوت هذا من وين طلع ...
وهي تتفشّل الضعيفة ...
الدروس المستفادة من هذي القصة ...
ان الحرمة هذي اختصرت الالف ميل للدلع بخطوة وحده وهذا غلط ..
لما تكونين لك شخصيتك اللي خربها غثى البزران وصرتي زعيمة وشويش ..
وتبغين ترجعين أنثى زي اول زواجك وصوتك ياادوبك يطلع من الحيا وتهمسين ...
انت جالسه تغيرين عاده والعادة لها وقت
بالتدريج ياحبيبتي
أول شيء اعتمدي الدلع في ستاايلك غيري طريقة لبسك والبسي الاشياء اللي تعطيك اصغر من عمرك بجايم عليها رسومات .
شرابات عليها رسومات البرد جاي الحين ..
وبكذا رااح تليق عليك حركاات الدلع ...
تسريحة شعرك سوي حملة على الشباصاات اللي تلفت الشعور ...
صارت الوحدة تمعط راسها بالشباصة
وماتنزل ولا خصلة وماتعترف بالقذل اللي تعطيها انوثة ماغير الجبهه والعيون المبققة تقولين طالعه من حرب
وقت مايكون عليك الدورة استشوري حطي مناكير ميك اب .. صدقيني بتحللين هذا كله ورااح تحسين بثقة يوم تشوفين نفسك على سنقة عشرة ...
الخطوة الثانية للدلع ..
لازم تضيفين عبارات الشكر اللي تعمّق بزوجك حرصه على مسؤوليته في البيت ..
ابدأي بالأهم عشاان تسهل عليك خطوة المهم ...
يعني طلبات البيت لاتخلينها كأنها ورقة شروط للتقديم على وظيفة ..
جيب جيب جيب
ولاتمدحين بمصالة زي اللي تقوول جيب طماطم زي خدودك .. وعسل زي دمك <<معليش ماتعجبني الرسايل هذي
ابدي رسالتك بكلمة حلوة وانهيها بكلمة حلوة وربك سميع الدعاء...
يعني اكتبي(( روحها وانت جاي جيب معاك كذا وكذا وكذا ... الله يقويك ياعمري ))
سمعتوا بيت الشعر اللي يقول
الأذن تعشق قبل العين أحيانا
اللي قال البيت هذا اقوله صدقت وصدقت وصدقت
بنات أكثر الاشياء اللي تجذب الصوت وخصوصاً لما يكون ناعم وببحة ...
خصوصاً لما تتكلمين ببطء وماتثقلين على الكلمة << كأنك مغرّزة بمطب
وانا بكذا مااقول تصنعوا لا تكلمي بطبيعتك بس قصرري حسك ...
الصوت لما يوطى يجيب معاه اشياء حلوة <<<حشى والله لو انه العيد
حتى اعصااب انت تروق يخف التوتر الي فيك وبالتالي ينعكس على عيالك وزوجك ...
ووبس تعبت
طولت ادري وهرجي كله خربوطي وعلى بعض ....
بس هي اشيااء كانت بجعبتي ونزلتها لكم ...