الله يوفق كل الي تساعدني حماتي رح اتدمر لي حياتي

1. مرحبا يا بنات


2. كيفكم ؟ان شالله تكون بخير يارب


3. بتغار مني كتير تنجن ويتغير لونها ازا حكى معي

مرحبا يا بنات

كيفكم ؟ان شالله تكون بخير يارب

بعرف كل وحده عندها قصه وهمها مكفيها لكن والله انا بطلت اجمع يا بنات بطلت اتحمل والله بدي اطق من القهر انا من قبل ما اخطب كنت اكره قصص الحماه والكنه ودايما احكي حماتي رح اشيلها بعيوني ولولاها من وين اشوف زوجي ............
وفعلا صار النصيب وخطبت وزي ما حكيت شيلت حماتي بعيوني والله (احنا عنا الي مكتوب كتابها نحكيلها مخطوبه )وبحكم شغل خطيبي كان يشتغل بالخارج وحماي وحماتي لحالهم ما عندهم حد يواسيهم والله يا بنات كنت كل اسبوع لازم اميل يوم عنهم اونسهم احكي حرام مسكين وكنت بدي احسسهم اني انا بحبهم مش مشان ابنهم وانه حتى لو ابنهم مش موجود انا بضل اروح واسأل عنهم وكنت اساعد حماتي بكل شي بالطبيخ اجلي انا ما اخليها تجلي اعملهم الشاي اي شي وحماتي وبيوم وانا عنهم بتحكيلي حماتي افكلها الستاير ستاير تقال كيف انا بدي افك الحديد واطلع السلم واحل براغي؟شغل رجال والله لكن ما حكيت شي وفعلا طلعت وفكيتهم خالتي بتكون جارة حماتي بعدها بيوم راحت تشرب عندها فنجان قهوه والا حماتي بتحكيلها والله بالامس بعت الستاير كلهم وغسلتهم بتحكيلها خالتي كيف عرفتي تفكيفهم بتحكيلي والله حاولت وهاي حليتهم تخيلو يا بنات
كانت دايما تحكيلي ابني لو بايدي كان رجعته على بطني بتحبه كتير لكن انا شو زنبي ليش تخطب له؟

بتغار مني كتير تنجن ويتغير لونها ازا حكى معي

كنت اناديها ماما مشان اقوي علاقتي فيها واخليها تحسني متل بنتها تفاجئت بيوم خالتي بتحكي علينا عالبيت بتحكي مع ماما وبتحكيلها انها حماتي بتشكي مني ما بدها اياني اناديها ماما مو عاجبها تخيلو والله يا بنات ما عملت لها شي انا كتير منيحه معها والله بعاملها بكل طيبه ما عملت لها شي تكرهني هيك كانت تنجن ازا بجلس جنب خطيبي حاكي لخالتي ما بصير نحط الشحم جنب النار باله عليكم هاد كلام؟؟؟؟؟؟؟؟؟؟
المهم يا بنات تزوجنا وبعد اسبوع عملت مباركه واجو اهلي عندي والله يا بنات كلهم طلعو يحكولي مالها حماتك؟حماتك مو طايقتنا حتى ما وقفت سلمت عليهم ما حترمت اهلي
كل هاي يا بنات شكاوى لسا ما فتت بالوضوع بعرف طولت عليكم بس ما الي غيركم
سافرنا عالخارج بحكم شغل زوجي وبعد كم شهر راجعين عبلدنا احنا ساكنين فوق بيت حماي تفاجئت من زوجي بالامس بحكيلي انه ابوه وامه لحالهم بالبيت وكبار وحرام لازم نوكل معهم كل يوم فطور غدا عشا تخيلو ؟؟؟؟؟والله بلعتها حكيتله ماشي حبيبي معلش
لكن الصدمه كانت لما حكالي كل مشوار رح نطلعه انه لازم نحكيلهم يجو يغيرو جو معنا يعني كل ما بدنا نطلع لازم نحكيلهم ما في خصوصيه ؟ شو هالحياه؟ كل شي اله اشي مو معقول ما يطلع لي اغير جو مع زوجي بعيد عن الناس رغم اني ما قتنعت لكن لما حكالي هاد الوضع وحسيت رح تكبر القصه حكيتله خلص مش مشكله مع اني مش راضيه ليش ما فهمني هاد الوضع قبل الارتباط مو حقي؟
لو كانت حماتي كويسه معي كان صعب علي هيك كيف لما هي بتكرهني وبتحاسبني عالقعده جنب زوجي؟؟؟؟حتى البيت مفتاح معي ومفتاح مع زوجي ومفتاح مع حماي ومفتاح مع حماتي حاسه حياتي رح تكون جحيم ومو عارفه شو اعمل بدي مساعدتكم يا بنات ساعدوني الله يخليكم كيف اتصرف مع زوجي وكيف اعامل حماتي بعد كل الي عملته معي انسى كل هاد؟؟واعيش هالحياه الي ما فيها لا خصوصيه ولا الها علاقه بالحياه الزوجيه
الله يساعد الي تساعدني الله يوفقكم ردو علي
اسفه طولت عليكم