أفكاركم

حطي لي اذا كان يلبس بناطيل او ثياب بالجيوب اللي تتوقعين منه انه يفتحها اوراق واكتبي بكل ورقه عباره
مثلا ثوب النوم او البيجامه ورقه اكتبي فيها (تأكد ياعمري اني بلحظتي هذي اتمنى انام معاك وبحضنك) او (انتبه ياعمري تتحلم اليوم باي شئ ثاني ابيك تحلم فيني ) وانتي افكارك عاد
مثلا ثوب العمل حطي فيه( يااعمري احبك موت وابيك تكون واثق انك اغلى مااملك)
او (وحشتني موت متى ياحبي يديني تلامس يديك من جديد)
(حبيبي اتصل فيني اللحين اللحين وقول لي بسرعه وش تسوي بغيابي)
وانتي وشطارتك عاد بالعبارات
لانه انا سويتها وبجد حسيت انها اعجبت زوجي
او تحطين له كرت صغير كاتبه فيه بقلم محدد فم احبك وطابعه جنبه بوسه
ولاتنسين تحطين بشنطته قران كريم تراها احلى شئ بيكون خويه بسفره
وغلفي هديه بسيطه انتي مجمعتها له وحطيها باخر الشنطه لايشوفها
واكتبي عليها اذا شفتها كلمني
واتمنى اني اكون افدتك بافكاري
اختك
فلانه

فديتج غناتي على الأفكار الكشخه.... تسلمين الغاليه : )
إن شا ءالله بطبقهم كلهن....
مشكوره وجزاج الله خير على الأفكار... : )

أختيNawar والله حاسه بإحساسج بس هاي الدنياالمهم أنا عندي فكره إذا كان بعده ما اشترى أغراضه اشتري له الأغراض أغراضه ورتبيله في الشنطه بطريقه حلوه ولا تنسين تعطرين وتدخنين الملابس ولصقي علىواجهة الشنطه من داخل صوركم وإنتو صغار أو صور عيالج وخلي كل واحد منهم يكتب عباره وبعطيج بعض العبارات.. صورة أنثنت من كثر ضمي ... حبيبك بالوله ذايب ومحروق
يا عينه قبل ما تعين سمي ... حلالك كل كلي لك حقوق
... حنانك ما خبرته حتى في أمي ...
حياتي لو إني بالهم مخنوق ... يفرج همك ونجواك غمي
أبي أرقد وسط عينك ولا أفوق ... حبيبي أرقد بقلبي ودمي
... تناديني ولهه وألبي بشوق ...
سهرةالليل شانت
نغمةالحزن بانت
دمعةالعين سالت
سكرةالموت دانت
--------------
اتذكر
واسهر مع الاشواق
واكتب علىالأوراق
البعد ماينطاق
ك واشتاق
شكيتك للبحر هاج وتكبر شكيتك للقمر غاب وتعذر وعلى فرقاك انا ماعاد اقدر
ودي أناديهم وأجمعهم وأحاكيهم وأقول في أذانيهم إنك الغالي من اولهم لتاليهم
تحسب كل من غاب عن العين غاب عن الخطر والله وحشتونا والقلب صابر
ياأجمل عشرة عشرتكم
ومافي مثل طيبتكم
ترىتنقصنا شوفتكم
يمين الله وحشتونا
ثق أن النفس تهواك،ونبضات القلب تتألم لفرقاك، وعيني تتوهج شوقا لرؤياك
بدونك ضايع عمري
بدونك حاير امري
أنا اتعذب ولا تدري
أحبك موت ياعمري
وش الليل بدون قمر
وش العود بدون وتر
وش الدنيا بدونك
يا احلى مافيها من بشر
واسمحيلنا على التقصير

عبارات خطي يره حبيبتي : )
تسلمين غناتو : )بكتبهن كلهن

اللة يوفقك ياعيوني تستاهلين اكثر امري بس

سبحان الله انا فاتحه النت ادور على عبارات واشعار اكتبها لزوجي لانه مسافر .........فشكرا لك نوار على طرحك وشكرا للاخوات على ردودكم