أكثر من طريقه للزواج

1. لا شروط عاديه جدا ثم عاد البنت من حقها تشترط الشروط اللي براسها

بسم الله الرحمن الرحيم
اول شيء ربي يرزق كل من تتمنى الزوج الصالح اللي يعينها على الخير وتعينه .
ويجمع بينهم بالحب والتفاهم
طرق الزواج كثيره والحمدلله
والله ييسر للجميع وكل حسب نيته
اول شيء اوصيكم بالدعاء والإستغفار
ثانيا عليك بفعل الأسباب يعني مثلا بعض البنات مو راعين اجتماعات ولا ممكن احد بيوصل لها او ماعندها اب او اخوان كبار فما فيه احد تعرف على اهلها او اي ظرف لاقدر الله
1... خبري صديقه او قريبه لك تحب لك الخير انها تحطك في بالها
2 ...قولي لأحد اخوانك او اخوالك رجل قريب من قلبك يكلم شيخ او شخص معروف بالخير
3 .. مشروع ابن باز للزواج
4 ... منتديات موثوقه للزواج الصحيح بإشراف مشائخ واصحاب ذمه
5 ... خطابه تخاف الله ومعروفه
6... بعض رجال الهيئه فاعلين خير يجمعون بين راسين بالحلال
ملاحظه اي من هالوسائل لا تذكري تفاصيل مواصفاتك ولااي وسيله للتواصل معك سواء رقم او ايميل او اي طريقه تؤدي بك الى متاهات انتي في غنى عنها اذا ولابد حطي رقم امك او اخوك
يعني انا بصراحه اكلم اخوي عن قريبات لي او بنات الجيران وهو يعرف شباب محتاجين احد يدلهم او شباب تمنعهم الماده انه يقدم على الزواج فيقول لهم على البنات ولله الحمد يصير توافق غالبا
ودائما شروطي لأخوي ان الشاب يكون راعي صلاة ومايدخن وعاقل يعني مااشترط انه ملتزم او اشترط انه موظف وظيفه معينه

لا شروط عاديه جدا ثم عاد البنت من حقها تشترط الشروط اللي براسها

وحتى مثلا لو كلمت خطابه او كتبت في موقع للزواج عن صديقات او قريبات راح اذكر انه لاتدري البنت اني ذاكرتها هنا وأأكد ان البنت والله ماتدري عن هذا الموضوع واشترط على المتقدم مايجيب لهاموضوع سيره لأن البنت مالها اي علاقه فقط انا فاعلة خير
ووالله العظيم وحده من صديقاتي اخوها ساكن بعيد عن اهله ويبي من مدينته ومكان عمله ومايعرف احد ابد بهذي المدينه واتجه لخطابه ودلته على بنت لكن قالت ترى المواصفات هذي اللي حاطتها صديقتها يعني البنت ماتدري فإن كنت تبيها سيرة الخطابه لايجي لها اي طاري
ووصفت له بيت هالناس وتقدم بالبدايه هو ثم جو امه واخواته وشافوها وتم الزواج بدون اي احراجات
والى الآن ماتدري ان اللي مزوجتها صديقتها والحمدلله معها اولاد
وحتى امام المسجد او شيخ معروف ممكن يساعد طبعا عن طريق الأهل
والله يوفقكم ويكتب لكم الخير
على فكره والله مالي اي مصالح من هالموضوع يعني لاتعتقدون اني خطابه او صاحبة موقع زواج او جالسه اسوق لشيء لا والله بس افكار حبيت تكون ببالكم
وممكن بعضكم مايؤيد هذي الأشياء فعادي كل شخص له عاداته وتقاليد وظروفه وطريقة تفكيره
واختلاف الرأي لا يفسد الود
احترامي للجميع ودعواتي الصادقه لكم في هذه الساعه من الجمعه
اسأل الله ان يرزق المتأخرات والمطلقات والأرامل بشباب بقدر عالي من الثقه والحب والتفاهم