أنا لاأعرف ماذا أطبخ

الف الف مبروك وان شاءلله يعجبه طبخك
بس ياليت تحددين وش تبين بالضبط علشان افيدك

يعطيك العافية يا أختي مغروره
أبغى طبق رئيسي أرز مثلا
معجنات على كيفك تكون مناسبة
سلطات نوعين
حلا نوع واحد فقط
طبعا أول مايجي أبغى أقدمله عصير يكون جذاب
يعطيك العافية على مساعدتك لي
وجزاك الله خير

بعد السلام
عندى عصير مثلج خطير
المقادير
طبعا حسب الكميه
تانج برتقال-حليب نيدو سكر-ثلج مهروش-ماء
الطريقه
نضع جميع المكونات فى الخلاط حتى تتجانس المكونات وتذوقى الطعم وشوفى كيف
وبعد ما تصبى العصير فى الكاسات جيبى عصير التوت المركز
وحطيى قليل على سطح الكاسه وقريب من الاطراف
وشوفى كيف ينزل العصبر وشكله يجنن

اولاً الف مبروك وربنا يتمم لك على خير ويسعدك يارب ...
انا حابة اساعدك في الحلى وعندي حلى مرة سهل ورهيب اسمها "الكعكة المثلجة":
هذه مقاديره :
بسكوت ماري - 2 علبة قشطة التاج - 1 علبة كبيرة حليب نستله المركز - علبة دريم ويب " 4أظرف " - 2 ملعقة نسكافيه - 3 ملاعق سكر- ماء
الطريقة :
1- اخلطي في الخلاط القشطة والدريم ويب والحليب المركز. " الدريم ويب تعمليه اولاً زي مهو مكتوب على الظرف"
2- تخلطي في طبق " النسكافيه + السكر + الماء "
3- تغمسي البسكوت في النسكافيه ثم ترصيه في الصينية طبقة واحدة فقط ثم تضعي عليه من الخليط رقم ( 1 ) ثم طبقة من البسكويت المغمس في النسكافيه وطبقه من الخليط وهكذا الى ان تنتهي.
4- اخر طبقة تكون من الخليط ثم تضعيه في الثلاجة لمدة 6 ساعات على الأقل حتى يجمد وتصبح كعكة مثلجة وقبل التقديم بساعة رشي على الوجه قليل من النسكافيه لاتكثري عشان لا يصير ممرر.
وبالهناء والعافية انت وزوجك والله يهنيكم وعقبالي يارب ...

ام انا كمان عندي لك سلطة
اذا زوجك يحب السلطات اقصد خطيبك
خيار مربعات
جزر مبشور
نعناع ناشف
فصوليا معلبة حمرا
ذرة معلب مكرونة صغار مسلوقة
طماطم مربعات
ام شوية زيت زيتون
كمان فيه ناس يحطو عليها صدر دجاج مسلوق ومفتت
ملعقة مايونيز

الف مبروك حبيبتي والله يهنيكم
انا عندي لك سلطة تجنن من جد مرة تدوخ جربيها ومابتندمين
انا حأعطيكي كمية ل 2-3 أشخاص..
بطاطا مقشرة ومقطعه الى مربعات صغيرة جدا ومقلية
باذنجانة مغسولة جيدا ومقطعه مربعات قد البطاطا ومقلية كمان
عيش لبناني اللي يجي خفيف وابيض تبع الفتوش قطعية مربعات على قد ماتبغي واقلية
حبة طماطمة متوسطة قطعيها مربعات بحجم الباذنجان والبطاطا + حزمة خس تقطع عشوائي حسب الرغبة انا افضل تقطيعها كبار
بعدين جيبي زبدية كبيرة وحطي فيها جميع المقادير ماعادا العيش المقلي اضيفي نص الكمية والنص الباقي خلية على جنب
ضعي عليها ملعقتين ونص مايونيز وقلبيها كويس لمن يتوزع المايونيز ويتداخل مع الخضار كويس وبعدين صبي علية غطاية او غطايتين خل على حسب الرغبة اذا تحبينها حامضه مره ولا عادية وحبة ليمونة تعصرينها ورشة ملح وملعقة صغيرة كمون وربع ملعقة صغيرة فلفل اسود
قلبيها مع بعض كويس وان شاءالله بتعجبك ولاتنسي تذوقينها قبل التقديم يمكن تكون محتاجة زيادة ملح ولا كمون
ملاحظة
جهزي الخضار كاملة من بدري كل نوع على حدة ولاتحطينها على بعض ومع البهارات والمايونيز الا قبل التقديم مباشرة
بالنسبة للعيش اللي بقيتية ترشينة فوق الطبق قبل التقديم
وصحتين وهنا..

جزاكم الله خير على مساعدتكم لي
الله يرفع البلاء عن أخاك يا ملكة الفراشات الله يشفيه ويرفع عنه آمين
على فكرة باقي المعجنات والطبق الرئيسي وتكتمل السفرة وحأبلغكم بالنتائج بإذن الله

الطبق الرئسي تلقين بها القسم مسوين زي الرز البخاري والمندي حتى بالصور الطريقه وان شاءالله تضبط معاكي ..

على فكره لازم تجربين واتشوفين ايش اللي يضبط ولا لا وتتعلمين ..بالتوفيق