أنصحوني أمانة أي ريجيم ابدا فية

بشاوري 44

13-05-2022 - 05:59 am

أنا وزني 100 كيلو وباقي على شهر ذي الحج شهر واحد بس ودي اضعف قدر ماأقدر خلال هذا الشهر أن شاء الله بس محتارة أي ريجيم أبدا فية انا فصيلة دمي أو
وش رأيكم ريجيم اللبن والتمر أو دشتي أنصحوني ويارب نضعف جميع بصحة وعافية

التعليقات (9)

المنال السهل

13-05-2022 - 09:40 am

هلا خيتو ماعليش من الريجيميات اللي تحدد لش اكل معين وتملي .... ويمكن تجوعي وتخفقي بعدين ..
نصيحتي ,, طبعا هذا كلام اخصائية تغذية ..
أطبعي نظام السعرات يعني 1500 سعر حراري في اليوم
تفقدي تقريبا 5 كيلو في الشهر .... يعني نقصي من السعرات المحددة ولا تعديها ,,
أني نقصت 5 كيلو في الشهر وتوني بادية ....
ويكون الأكل أنتي تختاريه صحي ومنوع...
واحسبي السعرات المكتسبة خلال اليوم .....
اتبعي جدول السعرات الحرارية وبيطلع لش كل اكله وكم فيها سعرحراري .. ...
تمنياتي لك بالتوفيق ,,,
أختك // المنال السهل

ام ساااااره

13-05-2022 - 10:41 am

نصيحه لاتفكرين تنزلين بسرعه لانه بيرجع اسرع
يعني شهر مايمديك تنزلين كثير
خلي هدفك بعيد شوي بالقليل سته شهور
وانصحك في نظام النقاط هو يعتبر نظام حياه واللي ينزل معاه ما يرجع بسهوله وهو يشبه نظام السعرات انا الحين ماشيه عليه
اذا ما تعرفيه سوي بحث في قوقل
ان شاء الله اكون افدتك

هآيدي الجميله

13-05-2022 - 11:42 am

/
انا مع كلام اللي فوقي
بتلاقي رجيمات الدكتوره رنده _ رياض الهجن ماليه النت اطلعي عليه بيفيدك كثير :]]

بشاوري 44

13-05-2022 - 12:43 pm

المشكلة عندي زواج في عيد الحج وجماعات كثيررة

قوقعه بالبحر

13-05-2022 - 01:44 pm

ماتقدرين بشهر تنحفين لو نحفتي راح تنحفين 10 ك اتوقع وهذا طبعا اذا سويتي ريجيم قاسي ورياضه وشربتي مشروبات
بس ابداءي ريجيم وانسي المناسبه لنفسك حتى تتمتعي برشاقه يبيلك وقت طويل عشان اللي ينزل بسرعه يندم زي اكثر البنات
لو ياكلون وجبه دسمه بعد الريجيم القاسي يزودون بسرعه
والتمر واللبن زين يصلح ينزل 3 ك
بس كثرته ماينصحون فيها
حاولي برياضه تنزلين اكثر لو 10 ك هالشهر حلو جدا

حبيبي هو حياتي

13-05-2022 - 02:45 pm

لا تمر و لبن و لا المرض دشتي شوفي لك نظام صحي و الرشاقه مو حق يوم او يومين او مناسبه ؛ الرشاقه صحة و جسم متناسق تتهنين فية طول العمر فخلي هدفك بعيد احسن من تنحفين بسرعه و ترجعين كل الي نحفتية و زياده

ام صلوحي العسل

13-05-2022 - 03:46 pm

ياكثر الجيمات السريعه الي سويتها ورجعت نقصت اكثر من 30 كيلو ورجعت بسبب الرجيمات القاسيه والحرمان

دلوعة حبيبها m

13-05-2022 - 04:47 pm

لالالالالالالالالالالالالالالا التمر ولبن صح ينحفك بس وربي بمجرد ماتوقفية او تاكلي اي شي ثاني ..يضرب وزنك بشكل خيالي .... انا سويت خلال 3 ايام تقريبا نقص 2 كيلوا ..وبعده تغدية يومين تقريبا وضرب 3 كيلو تخيلي ...لان جسمك يبدا يخزن الكل بكميات كبيرة بجسمك ..خلك ع رجيم عادي لا تحطي شي محدد الا الشوكلات والغازيات والنشويا ت ابتعدي عنها وخلي ارجيمك مفتوح بدون متحددي شي

أميرة بحور ذكرياتي*

13-05-2022 - 05:48 pm

شوفي ياعمري الاهم هو عندك اراده او عزيمه تكملي فيها
ثانيا اي دايت سريع او بطيء لازم معه رياضه تثبت وزنك عشان
ماترجعي بسرعه ,,, انا جربت حميات سريع ونزلت 55 كيلو من
وزن كان 81 وبعدها حملت مباشره ومارجعت تخيلي وصل وزني
الحين بعد الولاده 67 يعني مارجعت مع العلم دايت سريع لكن
الرياضه كانت عنواني ,,, وبعدها لاطبين بالاكل شيء طبيعي
سواء دايت سريع او بطيء رجعت لعادتك السابقه فلاكل بترجعي
الي خسرتيه ... عندك دايت اسامه حمدي حلو للي أوزانهم 100
وفوق ينزل كثير .. انا الحين عليه تعالي نشجع بعض وحلو تتطلعين
نيولوك بالمناسبه خليه يكون لك دافع عشان تغيرين جسمك والله
جسمك ونفسيتك كلها بتقلب بتكونين سعيده سبحان الله الشحوم
تضيق الصدر وتثقل الحركه اسمعي مني وربي يقويك وينحفك بصحه وعافيه...

القرفه إنقآآص الوزن←
الاوربت تراك والعملية القيصرية→