أول عطر إستخدمتيه يا ترى تذكرين إسمه

السلام عليكم ورحمة الله وبركاته
شلونكم فراشات
شرايكم كل وحدة تقول لنا ، شنو أقدم عطر جربته ، أو حطته من وهي صغيرة وللحين تتذكر إسمه وريحته
أبدا معاكم
أنا أذكر عطر أمي كانت تستانس عليه حيل ، وتبون الصج تراني مو متذكرة إسمه بس أكيد تعرفونه واللي أهو مرسوم عليه ( ببغا) العلبة لونها أبيض والزجاجة بيضاوية والغطا مالها أخضر ، بس بالأصح أهو كان كولونيا بس كانت ريحته واايد حلوة وللحين ريحتها في خشمي ههه
وأول عطر بالنسبة لي أهو عطر (Charlie) ( تشارلي ) عرفتوه ، أذكر أمي كله تعطرنا منه بس ريحته عجيبة وللحين موجود في الأسواق إذا دورتي عليه وفيه منه اليديد ، كان أبوي الله يحفظه يجيبه لنا من لندن أياميها ، الله على أيام زمان
وألحين أبي مشاركاتكم وحياكم الله