ابي ارحل

أبرحل.. والله العالم وش اللي بداخلي من شوق
وبطوي صفحة عّيا زمان الجور يطويها
أبرحل تايه بغربة وطن مالي عليه حقوق
وطن وحد وده عيونك ود مع ٍ حاير ٍ فيها
أبرحل دمعة ٍحارت من أدنى الموق لاقصى الموق
خذ لها الوقت يوم إنه حرمها من هقاويها
أبرحل وأجمع آلامي وأبرقع ثوبي المشقوق
وأبفهق عن دروب الشك رجلي قبل تمشيها
أنا أدري إن الزمن قاسي وأعرف إني بليا ذوق
ونفسي يوم ودعتك رمت في النار رجليها
عمر هالحب مايفنى مدامه في الحشا مخلوق
ولو دنيا العنا جارت وورتنا بلاويها
أبنسى آآه كيف أنسى وأنا اللي من زمن محروق
أكذب كانني قلت أقدر أنسى بعض ماضيها
ألا ياحظي المقفي علامك للشقى مطفوق
أنا طالبك لاتفتح لعيني سدّ واديها
أبنسى كيف والذكرى وسط قلبي تسوقه سوق
وهذا طيف عاتقها وهذي رجفة يديها
أنا في ذمة الله ماعلي من الشقى والعوق
أنا في ذمة اللي لاقبض هالروح يحييها
جعل عين ٍ بكت للحب أبد ماتنحرم من موق
ولا تفقد ولوطالت ليالي الهجر غاليها
وعين ٍخانت العشرة عساها أمر الولي من فوق
عساها في زمان ٍدبرته ضاعت خطاويها
وأبرحل.. والله العالم وش اللي بداخلي من شوق
وبطوي صفحة عيّا زمان الجور يطويها......
وسلآمة قلووبكم ..
منقول