ابي اشتري وخايفه

نصيحه لا تغلطين غلطي انا شريت بالصيفيه والان شتا وفي اشيا انقهرت بالستعجالها بالشراء
وطلعت مديلات جديده ولا تخافين التخفيضات جايه جايه لاسنز الصيف تخفيض والان ها الايام تخفيض
بس نصيحه من قلب لا تستعجلين
الله يوفقنا واياك دعواتك يا الغلا

حبيبتي انا قصدي استغل التخفيضات
من ناحيه العطور والكريمات ولوشنات الجسم بس
مو الملابس
فياليت الي عندها خبره تقول لي
وشكرا على ردك

ايه حبيبتي عادي اشتريها
بس اهم شي لاتفتحينها خليها مقفله
لأن لو فتحتيها تبدأ تاريخ صلاحيتها يشتغل لكن دامها مقفله بتدوم معاك فترة طويله
انا اشتريتها قبل زواجي بسنة والحين استخدمها ونفس الريحة وكل شي يعني ماخربت
وبالتوفيق

زي ماقالت الاخت مقفله لاتفتحين شي لان تبداء من تاريخ فتح العلبة
ربي يوفقك

يب نفس كلالالام اخوااتي اشترييها و اكسبي الوقت..
بالتوفيق

لا تفتحينها وحطيها في مكان بارد عشان ماتخرب والله يوفقك

حبيبتي عادي اشتري وكلام البنت صح لاتفتحيها الابعد الزاوج
وانا زيك اشتريت وخليتها
واصلا انتي لمن بتشتري الكريمات بتكون عند المحل جلست كتير المهم ماتكون مفتوحة

شوفي كريمات نكتار تخرب تطلع تحت باسفل العلبه زي طبقه زيت لازم تكون بمكان بارد
والمكياج والكريمات تنتهي مده صلاحيتها بعد فتح العلبه تحسبين 12 شهر مكتوب تحت باسفل العلبه
العطور عادي وش يخربها حطيها بغرفتك وغالبا الغرف المكيف شغال وبس
شوفي ابدي بالاساسيات زي دوري فستان لفرحك دوري كوفيره حطي بالك كوفيره معينه
ابدي بملابس البيت بناطيل شورتات جينزات فساتين قصيره روب حمام مناشف ملابس داخليه قمصان نوم الخ
وبعدين خوذي ملابس الخرجات العزايم وابدي بفستان يصلح تلبسينه لما اهل زوجك يسوون عشاء وطقمي صنادل وشنط على لبسم وعبايات واكسسورارت في اشياء كثير لو شريتيها تجلس ماتخرب وشنط الدبش خوذيها
انا دبشت شهر 11 العام الين رمضان كل شوي اخذ شيء بس بديت صح بشهر 4 لما استلمت المهر وزواجي كان بشوال الي طاف