ابي الفزعه وش اهدي صديقتي

..candle..

02-11-2022 - 03:35 am

سلام حبايبي .. كيفكون؟؟ ان شاء الله بخير..
ام
حبايبي انا محتاره وش أهدي صديقتي ... في ملكتها..!!
والله محتاره فزعتكم يااصحاب الأذواق ..
ابي شي غريب ومتميز..

التعليقات (9)

غنوة العروس

02-11-2022 - 06:43 am

ممكن تهديها زفه حلوه وبسعر رايق
اروع العروض مع شبكة غنوه قصيده باسم العروسين مجانا مع زفة العروس
للتفاصيل شيكى الخاص

غلا الورد

02-11-2022 - 07:44 am

هلا وغلا اختي ...
ممكن تهدينها طقم عطور من مكياجي ...خصوصا هالايام عندهم تخفيضات الحقي عليها...عندك مجموعه كساره اللون الازرق خيال ...وعطر صبايا ...وعطر سنسورد الاحمر...
او طقم عطور من نكتار او بودي شوب...
وممكن تضيفين لها ساعه من سواتش او من ماركه تيسوت من الغزالي اتوقع اسعارها حلوه مره..
وبعد ممكن تضيفين اكسسورات غريبه ومميزه ...عندك اكسوسيرز عنده تخفيضات 70%
وتحطينها في صندوق فخم وتودينه محل الهدايا يسوي لك تنسيق معين...والله راح تفرح فيها مره..
والله يوفقها ان شاء الله...
ان شاء الله تعجبك...

فراشه خليجيه

02-11-2022 - 08:45 am

انا افضل ترسلين لها باقه ورد حلووه وذوق والهديه الكبيره خليها بيوم الزواج

@سرابي الدمع@

02-11-2022 - 09:46 am

فوق..

..candle..

02-11-2022 - 10:47 am

مشكوره اختي غنوه .. بس ماأحب احط نفسي بذا المواقف..

..candle..

02-11-2022 - 11:48 am

خيتو غلا الورد ..احسك نفس تفكيري بس ماتتوقعين انو البنات كلهم راح يتبعون ذا الطريقه ..ما ابي اكون مثلهم..ابي اغير شوي...
بس شكلي في الاخير .. ماعندي غير ذا الحل..!!

..candle..

02-11-2022 - 12:49 pm

مشكوره ..فكره روعه يا الفراشه خليجيه ..بس مالت عليها ماتحب الورد..<<بنت ماتحب الورد غريبه مو..

..candle..

02-11-2022 - 01:50 pm

سرابي الدمع ..سوري مافهمت عليك ..شنو قصدك بفوق .. قصدك>>زفه..

..candle..

02-11-2022 - 02:51 pm

ع العموم مشكورين على ردودكم حبايبي....<<وحده توها تستوعب..

أحتاج مساعدتكم ضروري←
فستان زواج بسعر رهيب→