ابي حل لمشكلة زوجي ونفسيته

السلام عليكم
كيفكم بنات ................................ والله اني خجلانه من طرح هالموضوع ومتردده .. بصراحه زوجي
من اول ماتزوجته قبل 19 سنه وهو كذا بس له 3 سنوات ماادري وش فيه متغير وخاصه اذا
قربت الاجازه طبعا العام الماضي ماسافرنا لاننا كنا نرمم ابيت ونأثثه وهذا كل مني لاني معلمه
فشعاره بالحياة ماعندي وهذي السنه قلت له بنسافر قال اوكي شوفو اذا كان فيه حجز
عادي حجزنا وبدينا بالاجراءات وبحثنا بالنت عن الفنادق والشقق وقسم بالله يابنات حجزنا ودفعنا للتذاكر طبعا
انا دفعتهم >>>>>> ساذجه وغبيه
بس يعلم الله يابنات والله شاهد علي اني عمري ماقصرت معاه بشي لا هو ولا بناتي ادفع واخذ
قروض من البنك سواء للسفر او لترميم او لتأثيث
الموهيم حصل مره سوء تفاهم انا وياه طبعا بعيد عن موضوع السفر فقال طيب مافيه سفر ولافيه
طلعه من الديره انا انقهرت قلت له ماقلت من الاول طيب عشان مانحجز>>> المشكله دايم هو كذا
لما بيصير شي ولاخنقه بيني وبينه يربطها بالشي اللي ابيه عشان يقهرني
وبعد يومين كلمني بالدوام وقال انا كلمت السفاره عشان الفيزا وني نشوف الموضوع
انا استغربت طيب ماامداك قبل كم يوم هونت >>>>>> طبعا اتكلم بنفسي ...............
طبعا انا فرحت قلت الحمد الله اتراجع عن قراره وهذا الكلام قبل شهر ونص تقريبا
وفي يوم جا عندي وقالي بصراحه انا ماعندي الا 25 الف ريال انا صرت كذا بس
والمشكله هذي اوروبا ومعانا البنات 3 الله يصلحهم قلت طيب اقل شي انت 40 وانا 40 عشان التذاكر
والسكن قال لا ماعندي ولا فيه سفر
خلاص انا قلت مافيه مافيه ماراح اغصبك وزعلت كم يوم ..... والى الان انا مقهوره منه
قسم بالله مااستاهل منه هذي المعامله واشك انه مريض نفسيا >>>>>>>>>>طبعا اقولها
وانا محروقه من الداخل
المشكله لو يبي اي شي مااقصر معاه ولاتهمني الفلوس اهم شي راحة البال والفلوس تروح وتجي
شوفو لي حل بنات ليه زوجي يعاملني هالمعامله
زمان يوم كنت ازعل يرضيني والحين لو ازعل شهر مادرى عني
والله العضيم البارح رحت ونمت بغرفه ثانيه من القهر
لاتقولون حطي عيالك عند اهلك وسافري انتي واياه لانه عندي ضروف بيت اهلي مااقدر اخليهم
نروح سوا ولا نجلس سوا
معليش قرقرت كثير بس ابي حل الله يخليكم مع ان محترمته ومقدرته