لو كنتي مكاني وش تسوين

لوانتوا مكاني ايش راح تعملوا طبعا كان فيه مشكة بسيطة جدا بيني وبين اهل زوجي هذي المشكلة مافيها سيرة اهله ولا خواته كان شي بسيط جدا المهم خواته تهاوشوا معي من فترة بسبب المشكلة وبعده انا زعلت وصرت ماعاد اروح لهم زي الأول جلست شهور طويلة ما اروح لهم بس ادق عليهم بالجوال اتطمن على خالتي وخالي واحياننا بين فترة وفترة اروح لهم بالصدفة اسلم وارجع بدون ما اجلس عندهم عاد لي شهرين او ثلاث شهور ماراحت لهم وامه تعبت وكلمته بالجوال وتطمنت عليها وزوجي دايم يقول خواتي يسئلون عنك ويحبونك وانتي شايله عليهم وانا مابي اروح لهم عشان مابي تصير مشاكل مرة ثانية وقررت امس ازورهم عشان اتطمن على خالتي ام زوجي ورحت لهم الساعة 10 بالليل ودخلت لقيت امه وابوه جالسين بساحة البيت وسلمت عليهم وجلست استنا خواته يجون يسلمون ولاوحدة جات تسلم كلهم داخل الصالة رحت لهم الساعة 10 ورجعت 12 وكل شوي خالتي تقول فلانه نايمه فلانه عند صديقتها فلانه تتروش خواته خمس ولاوحدة طلعت منهم المهم شفت السالفة مطوله وقال زوجي يالله خلاص بنروح وطلعنا زوجي حسيت انه خايف اقوله شفت خواتك ماطلعوا يسلمون وانت تقول خواتي يسئلون عنك ويبغونك تجي صار يجيب سوالف ويضحك معي وانا اصلن مطنشته لوانتوا مكاني وش تسون كرهت ازورهم