ابي رايكم بتصرف خطيبي معي في اول لقاء لنا

السلام عليكم
بنات ابي مشورتكم ورايكم
انا مخطوبه (مملكه)وطبعا من ملكت ماكلمت خطيبي ولا شفته
قبل اسبوعين كان اول لقاء لي مع خطيبي كنا جالسين وبحضور امي وامه وخالتي
المهم لبسني وخلصنا وكان باين على شكله انه مستحي مره وكان هذا اللي ظاهر لي
امي وامه وخالتي طلعو من الغرفه بقينا انا وهو لوحدنا وانا كنت بالحيل مستحيه وربي من الخجل حتى ما اذكر شكله كيف وراسي بالارض وهنا كانت صدمتي ما ادري هي صدمه ولا ايش بس شي وربي بالحيل ضايقني منه طلع جريئ مره قرب مني وباسني بوسه خفيفه قلت يابنت يالله عديها شوي شوي اتمادا فيها وصار البوس على ثقيل وحاول يمسك صدري انا ما استحملت ودفيته بقوه عني عاد الاخ حس على نفسه وبعد عني وعرف اني اتضايقت من حركااته يكلمني وما ارد عليه وجلس يتأسف فكرت اقوم بس قلت مو حلوه اطلع ايش راح يقولون اللي برا هو حس اني خلاص مو على بعضي ودق على امه وروحو
مشكلتي اللحين اني صايره اتهرب منه ومو مشتاقه ابدا اني اشوفه مره ثانيه يرسلي مسجات واحيانا اطنش وما ارد واحيانا اجامله
انا ادري انه عادي يبوسني واني حلاله بس مو من اول لقاء لي معه ولا حتى من ثاني او ثالث لقاء ها الشي يبيله وقت المفروض مايتسرع فيها حتى لما يكلمني يحرجني احيانا لما يطلب بوسات مني وانا ارد واقول مره ثانيه مره ثانيه اغير الموضوع بسالفه ثانيه يتكلم ويرجع لنفس موضوعه ويقول لي لاتغيرين الموضوع طلب يشوفني مره ثانيه رفضت واتحججت بأخواني واللحين ناويه اقول له مارح تشوفني الا بالاعياد بس ويكون احد جالس معنا مو لوحدنا
قولولي شنو رايكم بتصرفه في اول لقاء له معي