ابي شوركم لا تحرموني منه

السلام عليكم
بنات انا طالبه مشورتكم بشغله اتمنى ماتحرموني مشورتكم
انا قبل سنه جاني خطيب مقتدر ماديآ ووظيفته روعه ومستعد ينفذ كل طلباتي
وانا ماعندي طلب الا ان اسكن بالرياض يعني ماروح بقريه
المهم ولد خالي راح ل امي قال ارفضوه انا ابيها وهم ساكنين بالديره بديرتنا
يعني منطقه تبعد عن الريااض بعيد شوي
امي قالت له موافقه بس بشرط البنت ماتبي تسكن الا بالرياض
وهو وافق وقال اوعدكم اني ماسكنها الا الرياض
ومرت فتره الا وهم يعمرون بيت جنب بيت اهله بالديره كلمته قلت ليش
قال والله غصب عني وانا مادفعت فيه شي هذا ابوي بناه وماعليك
نبي نخليه للمناسبات بالاعياد والاجازات
والحين تغير رايه لان الزواج قرب يقول ماعندي استعداد اسكن الرياض
انتي فكري وردي علي الرياض مافي امل اسكنه وهم اثثو البيت وكل شي
وهو ماعنده وظيفه وولد طايش ويبون الزواج بالصيفيه الجايه
وقالو نبي نجيب لكم المهر الاسبوع الجاي عشان تقضون
مع العلم اني بنت ماشووف نفسي هناك ابد ابد يعني ماقدر اعيش هناك
تخيلوز حتى ارسال مافي وانا عشت عمري كله هنا
واحس طلعت له عيوب الدنيا ماغير يسمع كلام اهله كل شوي ابوي قال وامي قالت
حتى تاريخ الزواج اهله قرروا واهله مساعدينه بالمهر وبكل شي
وهو بس يجي يوصلي كلامهم
وش اسوي ياجماعه انا شرطي من الاساس اني ماسكن ديره
بعدين هناك بر مره قريه وانا افكر بالطلاق بس خايفه اندم ابي شوركم لا هنتو
كل اللي حولي رشحو فكرة الطلاق قالو دامه من البدايه كذا ابعدي عنه قبل بكره تورطين