ابي مثبت مكياج

ممكن تحطين كريم قبل المكياج على شان يعطيك نضارة يثبته
يمدحون سماش بوكس اللي بوجوه

أنا مثلك نفسي أعرف مثبت مكياج يكون روعة
فأحد زوجات كنت رايحة للمشغل وحطت لي مكياج خطير تخيلي طول الوقت كنت أرقص وتعرفون مع الرقص يتعرق الوجه ويروح الأساس و يطلع شكل الوجه يفشل كأن فيه نقط سوداء
بس أنا كنت غير المكياج ما تحرك وظل ثابت والباقين اللي رايحين للمشغل ساح مكياجهم ومستغربين مني يناظروني أنا لا ليه ؟؟ حتى يوم صليت الفجر توضيت ما تغيير
نفسي أعرف وش ذا المثبت

هل بتقصدي ان وجهك بيطلع فيه دهون ولمعة
اذا هذا قصدك استخدمي مناديل خاصة بالمكياج تجفف الدهون موجوده ببودي شوب
اذا كان قصدك انه الظل والروج ما يثبت فيه مثبتتات تحطيها قبل ما تحطي الظل والروج انا استخدم الي بمكياجي
اتمنى اكون افدتك

انا استخدم مثبت ممتاز اسمه fix من ماك
أعتقد ب78 ريال !! أو 100 وشويه .. مااذكر بالضبط :(
بس الصراحه وايد أوكي .... المكياج أبداً مايطير ....
هو يجيج مثل بخاخ ماي اترشينه على ويهج بعد أو قبل المرطب ((على فكره مرطب ماك خطير ويساعد في تثبيت المكياج))
ان شالله أكون فدتج

السلام عليكم ورحمة الله وبركاته
مشكورين على ردكم وعلى فكره شريت من محل وجوه ( ALL MAT ) من ماركة ميك اب فور أيفر بصراحه حطيته وبعدين الكريم الاساس واللمسه الاخيره من الساعه 6 المغرب الى الساعه 4 الفجر والله ما تغير ولا ساح وبصراحه روعه وتعرفون جو الدمام يسيح المكياج بس الحمد لله .