احبه بس ابي الطلاق منه

تكفون يابنات والله العظيم تعبت ولد خالتي حبني وانا صغيره وخطبني اكثر من مره من امي وانا ما ادري كانت ترفض بحجة اني صغيره وحلف وقال " والله اذا ما اخذتها ما اخذ غيرها " وهذا الكلام قاله لامي وامه
المهم كنت في المتوسط ولما صرت بالثانويه رجع وخطب واخذ نفس الرد ولما صرت بالجامعه رجع بس امي وافقت هذي المره
المهم انا كنت منطويه على دراستي ما عمري فكرت لابزواج ولا رجال رغم كل صديقاتي تزوجوا قبلي لاني طموحه كل تفكيري وش ابي اسير بالمستقبل خلصت البكالوريوس والحين ادرس ماجستير
مالكم طواله انا قلت كيف زواج وحوسه وعيال ودوخه ليش ما ابي
كان لي زمان ماشفته يعني سنين اخرمره كنت بالابتدائي وقتها هو كلم امي وفجأه جتني وقالت ماتروحين بيت خالتك بعد اليوم لان بنتهم كانت صديقتي واحب انام معاها
اللي صار كنت رافضه لحد ماشفته " انيق وسيم جامعي " ما ادري وش صار لي حبيته من اول نظره هو طبعا انصدم لرفضي له لكن رجع وخفت تكون الاخيره ووافقت على طول
للاسف ماتوظف وضلينا مخطوبين خمس سنوات بنات عمه انصدموا كانوا راسمين عليه وكانوا خوانه الكبار متزوجين خواتهم ماباركوا له ولا لي حتى عمه وزوجته هو انصدم ولا حاولوا كثير يطلعون اشاعات عن يعشان يتركني ولما صار اليوم السعيد وتزوجنا صووا بلبله عشان الزواج يتفركش تخيلوا لدرجة تدق وحده علي وقول ان عنده الايدز من كثر مايسافر للخارج "جنوني " حتى عماتي زعلوا كيف رفضت عيالهم عشانه
مالكم طواله تزوجنا فرش لي الارض رمل واول كلمه سمعتها منه لما تسكر علينا الباب """جننتيني بحبك ولو ماتزوجتك كنت هاجرت برى " عاد هو فعلا نص حياته بالخارج
وعشنا خمس سنوات حاط لي الشمس بيد والقمر بيد ووقف معي لدراستي وعندنا الان ولدين
بس صار اللي صار وقلب حياتنا فوق تحت توفت امه الله يرحمها ووصته انه يسكن مع اخوانه في نفس البيت عشان يشيل مسؤوليتهم اثنين ولد بالجامعه وبنت تخرجت من الجامعه
عشان كل اللي سواه لي وافقت دون تردد بس قلت له ضبط لي شقه منعزله نوعا ما اخذ فيها راحتي والاكل والشرب معاهم وافق
وصار كل شي مثل مانبي ياخذني اروح اختار لون البويه والفرش حتى الاثاث جديد
نسيت اقول لكم بنات عمه خالتهم متزوجه اخوه الكبير وساكنه في نفس البيت معي بس ماعندها اطفال وماتجلس بالبيت كثير
اوكي لحد هنا لما سكنا البيت انقلبت حياتي فوق تحت وبدات المشاكل الرجال صار يكره حتى اقوله وش لونك اي موضوع افتحه معاه ينقلب ضدي ويطلعني انا الغلطانه ويهددني اني ارجع لبيت اهلي ويحرمني من عيالي تعبت نفسيي مره اخته تشكيله مني بعد ماكنا اكثر من خوات ومره يعصب من غير سبب والله العظيم من غير سبب اختي كانت تقول لي لاتسولفين لزوجة اخوه كل شي مهما كان هذولي الناس مالهم املن بس انا طيبه وعلنياتي وكنت اقوله واشكيلها كل شي
المهم تعبت نفسيتي واتصلت باختي وقلت لها كل شي قالت يمكن عين او زوجك مسحور قلت هذي خرافات قالت اسألي هاذا يتحلم بحشرات او ثعابين او حيوانات فهو ياعين ياسحر
ولاما سالته وش تتحلم فيه لانه فعلا من سكن البيت وهو كل يوم كوابيس قال لي كل يوم اتحلم بثعابين تلحقني
يابنات زوجي تغير لدرجة حتى الجنس صار يرفضه لمدة اسبوعين بدون سبب بعد ماكان ما ينام الا بحضني
انا الان نايمه بغرفه وهو بغرفه وصار اللي قصم ظهر البعير وقال بكره ارجع من الدوام القاك ضافه عفشك اوديك لاهلك وانا الان افكر بالطلاق عطوني حل شورورا علي وش اسوي تكفون