احتياجات العرايس

انا في خدمة العرايس المميزات

وينكم ياعرايس؟

معاكم المونوليزا عروس بحرينية جديدة باقي لي 3 شهور تقريبا أجهز نفسي فيها ،،،
ام توتي مشكورة ع الموضوع اللي اعتقد لو اخذ نصيبه من الردود بيكون مرجع في غاية الاهمية لكل عروس ،،،
انا للحين كلما يصير مكان فيه تخفيضات اشتري واجمعهم في شنطة عشان الزواج ،،،،
من كم شهر صار عندنا معرض الخريف في البحرين ويعني كان فيه اشياء وايد حلوة وأهم شي عندهم مميز
شراشف ولحافات السرير وشريت لحد الان 3 أطقم حلوين <<< قبل ما يجي السرير ،،،
العطورات أفضل شي تسوين صينية عطورات قسمين نصها رجالي والنص الثاني نسائي ،،،
ويفضل تخلطين عربي وفرنسي ،،،
بالنسبة للحمام مهم جدا معطرات الجسم من صابون سائل ورغوات تلقينها حتى في المحلات الصغيرة واسعارها مناسبة ،،،
طقم روب حمام وشباشب لج وللعريس وانا العريس اخذ وانا للحين ما شريت ،،،
فوط صغيرة ومتوسطة تناسب الروب ،،،
طقم من الخزف لفرشاوات الاسنان والصابون والزيل وتلقينهم في هوم ستور او هوم سنتر،،،
ويعطيج العافية ع الموضوع ،،،
ولي عودة ( اي ول كم باك )
++المونوليزا البحرينية ++

مشكورة حبيبتي على ردك ومبروك مقدما بس عاد لاتنسي تعزمينا على زواجك
وياليت الاخوات يتفاعلو مع الموضوع عشان الكل يستفيد

السلام عليكم مشكورة اختي ام توتي على الموضوع الرائع
انا لسى ماجهزت شي بس قاعدة احوس الحين بالفستان والكوافيرة والمصورة وتبعاتها
انا زواجي باخر الاجازة شهر ثمانية علشان كذا مش مستعجلة
وقاعدة افر بمحلات التخفيضات القط حاجات حلوة على رواقة الى الان مافي السوق شي لفت نظري
بس الاساسيات اللي حطتها في بالي الحين لبس البيت والمشكلة انا مااعرف راح اسكن مع اهله ولا بيت لحالنا
عشان كذا ابي اشتري لبس محتشم اللي هو جلابيات بيت واشتري بناطيل وقصير لبس البيت
ملابس العزايم راح اشتري تقريبا7 تايورات فخمة بعد مااعرف عندهم عزايم كثيرة او انهم كل واحد في حاله ولا يلتقون الا بالمناسبات والاعياد
العطور والمكياج ابي اكتبهم في ورقة وقبل العرس بشهر اروح اشتريهم من محل واحد وارتاح
الذهب مااعرف له مسؤلية امي كان نفسي اشتري الماس لكن المهر صار قليل مرة الحمد لله على كل حال
(اقلهن مهور اكثرهن بركة ) <<<<وحدة تواسي نفسها
ام اذا طرى علي شي رجعت لكم واي شي اشتريه راح اقولكم عليه وعلى مكانه
وياليت بنات الرياض ينضمون للموضوع

يالله وين العرايس ابغا تفاعل اكثر خل الكل يستفيد

والله انا عروسه ..بس وربي من كثر الحوسه مااعرف وش اجهز ولأني جديده بالرياض
مااعرف شي....سجلت بموقع الفراشه عشان استفيد وبس..وانتم فيكم الخير والبركه
أملي في الله ثم فيكم

تسملوا يابنات
باقي العرايس وينكم خلنا نسفيد من خبراتكم
و قائدة الغزلان حتى لو مهرك كان قليل ماتتدري يمكن الله عوضك بزوج صالح ويحبك
واكيد زوجك راح يحط في باله هذا الشي انك ماطلبتي مهر كثير لانه انتي واهلك كنتوا شاريين الرجال
والمهر الكثير اختي مو دليل السعاده للبنت عكس القناعه هي اللي تجلب السعاده في الحياه الزوجيه
وبالتوفيق لكل المقبلات على الزواج

وينكم يابنات ؟