بنات دبي وين احسن محلات قمصان نوم العرايس

مثيره

09-06-2022 - 09:59 pm

حبيباتي الفراشات
ارجوكم ساعدوني ! احنا مسافرين بعد فترة دبي نجهز اختي في دبي
فبليز اذا تعرفون محلات تبيع قمصان نوم غريبة و انيقة و اسعارها حلوة
دلونا عليها
و ماتقصرون و عقبال عندكم

التعليقات (9)

الحب أنت

10-06-2022 - 01:29 am

مبروك مقدما ..
ن عومي في مركز الغرير ..
lasenza في مركز الغرير ..
في محلات في مركز المنال بس ما اعرف اساميهم ..

مثيره

10-06-2022 - 02:30 am

شكرا للاخت الحب انت
بس ماتعرفون محلات غريبه تقدم شغلات صج مميزه

باقة الزهور

10-06-2022 - 03:31 am

مرحبا الغالية
أنا اعرف محلات فيها قمصان نوم روعة ورخيصة وكل موديل أحلا من الثاني في منطقة الشارقة إسم المحل العريش

باقة الزهور

10-06-2022 - 04:32 am

بس على فكرة الغالية محلات الغرير ونعومي وايد حلوة وفخمة واسعارة بعد غالية ولكن مب خسارة لوكان لعرس إختج ألف مبرووك الغالية مقدما،،،،،،،،،،،،،،،،،،،،،،،،،،،

^ملكة الفراشات^

10-06-2022 - 05:33 am

عزيزتي مثيره،،، أولا ،، مبروك على العرس مقدما ...
الصراحه،، ما بتلقين شرات لاسنزا ،، لأن فعلا مثل ما قالت الأخت (باقة الزهور)،، قمصانهم روعه وعلى ألوان الموضة بعد وفي نفس الوقت أسعارهم معقولة،،، وصدقيني أختج ما بتندم ،،، وأكيد بتشتري شي من عندهم وهي ظاهرة ...
وبالنسبة ل محلات نعومي شوية غالية ...
وفي محل مال قمصان النوم في الملابلازا أول ما تدخلين البوابة الرئيسية والمحل على ايدج اليمين،، اذكر البنات يمدحون قمصان نوم اللي عندهم...
وبعد في مركز المنال،، آخر طابق بتلقين عندهم محل لقمصان النوم،، ربيعتي تمدحه،، وأسعاره معقوله...
وآخر شي،، سيري مركز البستان عندهم محل لقمصان النوم ...

طرفشانه

10-06-2022 - 06:34 am

هلا أختي مثيره
في مركز الغرير في الطابق الأول في محلين لقمصان النوم
ما أذكر الأسماء والله بس المحلات مساحتهم صغيره
عندهم شغلات روعه وراقيه جداً وغريبه ماتلاقينها في محلات ثانيه
واسعارهم مناسبه للعروس ..

وردة الفل

10-06-2022 - 07:35 am

أما أنا .. و أعوذ بالله من هالكلمة .. راح أدليج على مكان بسيط بس الموجود فيه من ملابس النوم الغريبة و العجيبة شي ولا نعومي و لاسنزا .. و اسعاره خيال رخيص مرة .. و أفكاره كله عجيبة .. و أنا ندمت بعد ما تجهزت لعرسي .. لأني شريت قطع شوي بس أسعارها نار .. لأني ما كنت أعرف عن هالمحل .. المهم أختي :
روحي صناعية عجمان .. المحل أسمه : ميرة .. أنا ما أدل المكان بالضبط أتصلي لهم و هم راح يدلونج ..
و أنا متأكدة أنج راح تدعيلي من الخاطر .. و ما راح تطلعين من المحل إلا و انت شاريه مجموعة كبيرة من الاشياء الحلوة العجيبة ..
نصيحة قدمتها لج .. بس ابغي دعائج لي بالفردوس الاعلى من الجنة ..
وفق الله كل فراشة راح تدخل حياة جديدة.. و حياة زوجية سعيدة اتمناها للجميع

باقة الزهور

10-06-2022 - 08:36 am

الغالية وردة الفل ،،،،،،،،،،، مشكورة على هذا الرد الطيب عندج حق صناعية عجمان فيها ملابس ووايد حلوة من تنانير وقمصان وملابس أطفال وشنط ماركات مقلدة بس حلوة واسعارة بعد مناسبة بس بنسبة لملابس قمصان النوم الغالية انا ما أعرف بس انا شقت قمصان نوم عادية وبيجامات أكثرها ما دري إذا نزلوا أشياء حلوة هذي الفترة لأنة من سنة ما سيرت هناك , جزاكم الله الف خير على المشاركة)))))))))))))

مثيره

10-06-2022 - 09:37 am

شكرا اخواتي على ردكم اللي يبرد الخاطر
لكن باقة الورد محل العريش في وين بالظبط في الشارقة
و صناعية عجمان هل هي بعيدة ؟؟؟؟

هنا كل ما تحتاجه العروس من الى←
أبي أخذ رايكم باللون→