افضل كوافيرة شعر وميك اب يابنات الرياض

مشغل ريم الخليج فيه وحده شغله راقي جدا صلحت عروسه مكياجه مره حلو
لو حبيتي اعطيك الرقم ارسل على الخاص( على فكره ترى تسوى برفه قبل )

الشعر عهد وبس... موطبيعيه تضبطلك التسريحه اللي تبينها بس لاتقولين لها عروس او بتملكين والا بتضربلك السعر ..
انا صرت اتعامل مع اختها نجد زي شغلها بس ارخص بكثير ..
يعني لاتدورين ولاتتعبين توكلي على الله واخذي وحده من الثنتين ذولا ..
ويجونك بالبيت بالموعد اللي تحددينه بالضبط ...
اسالي مجرب

تراني اسمع عن البنات بس ما قد جربتهم
بس انا اعرف رقم وحدة لبنانية اسمها دارين لبنانية
تسوي مكياج مرة ناعم وهادي
وانا ما اقدر ارسلك رقمها على الخاص
انا توني فراشة جديدة ممكن اكتبلك هو الحين
ان شاء الله ما يحذفون المشاركة
************************
وربي يوفقك
ولو بغيتي تسمعين قصتي مع المصورة حقة الملكة
هذه هي
انا تملكت من شهر
وزواجي في الصيف في آخر شهر سبعة
وصورتني مدام غيداء في الملكة
انا قايلتلها لو كانت صوري زينة قسماً بالله ابعملك دعاية ولا تشوفين زيها
وكل ما اشوف احد او اكلم احد
واشهدلهم بتصويرك
واتفقنا على كده
المهم بعد الملكة باسبوع جاتلي البيت ومعاها الصور
حين ما شفت الصور اتهبلت
انا اول يوم اشوف نفسي حلوة
هي ما غيرت شيء بشكلي
لكن ما ادري ايش تسوي بالصورة
انا سبق وصورت عند اكثر من استوديو ومابي اذكر اسماء
كانت صوري عايدية مرة
المهم يوم شفت صوري
ما قدرت انام طول الليل وانا بناظر في صوري
واقول هادي احلى لا هادي ولا هادي تهبل
امي تقول لي يا بنت ايش بيك تهبلتي
قومي اتخمدي الحين وفي الصباح سوي اللي تبيه
وانا ما عرفت كيف جاني المعرس يوم الخميس
وشاف صوري وانا واقفة اناظره وانا فرحتي ماو بقادرة اوصفها
وبعدين يا بنات ايش تبون يقول المعرس
يحلف يمين عليّ ما حد يشوف الصور
انا تجمدت رجولي وقلتله ويش شو؟؟؟؟؟؟؟
قال ابد ما احد يشوف صورة وحدة .
وفي الزواج طبعا ما يبيني انزف ولا انزل القاعة
ويقولي العين الحق
انقهرت مررة وما ادري ايش اسوي
واللي يقهر بعد ان بحالفة يمين للحرمة اني بسويلها دعاية ولا صار زيها
وكيف اقول للناس صوري مرة حلوة وانا مو بقادرة اعرض صورة وحدة
وجلست يومين افكر كيف ارد المعروف للحرمة على امل ان يسقط عني اليمين
قلت الانترنت
اسويلها دعاية فكل المواقع اللي اعرفها وكل ما دريت بمنتدي جديد ادخله
يا بنات الرياض اللي بتتملك او بتتزوج وتبي مصورة
ما لها الا مدام غيداء
وهذا رقم جوالها
*********
ومشكورين يا بنات عسى ما كون ازعجتكم
واللي يسمع قصتي يقول للي ما سمعها

انا سويت في دندشه مكياج سهرة
وبصراحة مره شغلهم راقي

يابناات ممكن ترسلون رقم عهد وعندها الميك اب والشعر كله حلو

اميرة المكان : يعطيك العافية ياقلبي بس انا افضل اللي يجون البيت
حلوة بغميزة: بما انك تعرفين عهد بسألك عن اشياء واتمنى تجاوبيني بأمانة يعني لاتجاملين فيها
انا قريت مدح كثير عن عهد ومره وحده قريت عنها كلام ماعجبني قالو انها تعبي الشعر سبراي وتحط لك حشوة صوف!!! ماحلاي عروس بحشوة صوف!! وكمان تسريحاتها قديمة ايش رايكم؟؟؟
انا قلت لها اني عروس قالت ب2000 ماعندي مشكلة اذا الشغل بيطلع مثل ماابي يكون مضبوط بس حرام ادفع هالمبلغ على شغل اي كلام
بليز علميني كيف شغلها ،،، ونجد اختها كيف مستواها بالتسريحات؟
الا على فكره هي وش جنسيتها؟؟؟
ومره شوكرن على تجاوبك
noufaja: شكرا ياقلبي على اهتمامك بس تصوير غيداء كيف هل تعمل رتوش وتصفيه على الفوتوشوب؟ وهي تصور فيديو ولا لا؟؟؟
الهنوف : تسلمين بس مثل ماذكرت انا افضل اللي يجون عندي
روره الامورة : هذا رقم عهد ************** هي بس تسوي شعر

شوفي حبيبتي اسم انج ماتحبين مكياج ثقيل انسي اول شي هذي ليلة عمرج يعني لازم تصيرين
كيكة فهمتي انا والله مثلج ماحب اليك اب ثقيل ولا حتى يليق علي بعد بس عشان ان
هذي ليلة عمري قلت احط واللي يصيريصير مع العلم اني من اهل الكويت وانتي عارفه شغل اهل
لكويت بالميك اب مايحتاج اقولج والله اني كنت خايفة لان اهني مومثل شغل صالونات الكويت
بس الحمد لله طلعت كيكة وحتى الميك اب طلع عسل وانا من النوع اللي مايعجبني العجب شلون
وانا عاروس كان كل همي هو شكلي بس لله الحمد كان في ناس من جماعتنا من اهل الكويت
طبعا عندهم بنتين اعرسو بالرياض وهم ناس واصلين وبناتهم على سنت الموضة دقيت عليهم وسالتهم
وهم والله ماقصرو عطوني رقم الصالون وانا بالكويت وحتى اذكرولي ايهم يحط الميك اب احسن 2
وحده اسمها سدني والثانية سيما واسم المشغل المعالي بالعليا بشارع التحلية روعة دقي على
************** واخذي الرقم

ام دلول ياقلبي يعطيك العافية ونورتي الموضوع
شوفي انا مثل المكياج الكويتي اللي خبرك حق الاء دشتي هذا ماحبه ابدا ولا اقبل فيه انا ابغا مكياج لبناني يعني مو انه مافيه مكياج ولا خفيف بس مكياج يبرز ملامح الوجه بدون تلطيخ والوان غامقة
مثلا يعجبني مكياج نجوى كرم ودينا حايك
عندي صور بس ماعرف كيف ارفعها اوريكم المكياج اللي ابغا مثله

أنا جربت عهد في ملكتي
شغلها روعه وخاصه بالويفي