احسن زيت للشعر

ريم الريآض

10-03-2022 - 10:18 am

بنات انا شعري نااعم وحلوو مرآ وطوويل زي زينب العسكري تقريبا
وكل من شااف شعري انبهر من جماله
خلقه من ربي
بس القهر انو مع الصبغاات خرب شعري مرآ
وصار من تحت مرآ سيئ
تعبت وانا اقص فييه ومافي فاايده
((نصيحه كل وحده لازم تقرأ على شعرهآ))
لآني اهملت هالجانب
تكفوون بنات تجاربكم مع الزيووت اللي من الصيدليه
انا ناويه على براشوت بس يقوولون يطلع قشره
ياليت كل وحده تقولي افضل زيت اخذته من الصيدليه
والله يوفق كل من ترد علي
وينولها اللي فبالها
ويرزقها من حيث لايحتسب
آمين ياارب

التعليقات (5)

ريم الريآض

10-03-2022 - 01:40 pm

افا ليش كذا
زعلتون والله
تهئ تهئ

مـزاج

10-03-2022 - 02:41 pm

انا مثلك واردى بس انا سويت لي خلطة زيوت وتصدقين ما استخدمته الا مره
وخواتي مستمرين عليه وحلو
بس الكسل ذابحني
لكن قريبتي تستخدم زيت الصبار حلو معها

ندى&

10-03-2022 - 03:42 pm

حبيبتي ريوم انصحك بالكريمات الشعر لان شعر المصبوغ ينفع كريم. الزيوت ماترطب الشعر وحطي حمام زيت ضروري للصبغات ان اصبغ واحط خلطه مرطبه وملينه شعري مره
والخلطه هي
5 ملاعق مايونيز
ملعقتين كريم باراشوت
ملعقتين حمام زيت بالصبار
ملعقة عسل
ملعقة حبة البركه مطحونه
انا خلطتهم بعدين حطيت الكاب الحراري على شعري ثلث ساعه وكنت حاطه بونيه بلاستك على شعري وخليته ساعتين
اخذت الخلطه من (اطلق عربجيه )
انا ماعندي الكاب الحراري حطيت هواى استشوار
اتمنى افدتك ادعي لي بالوظيفه

روح المساء

10-03-2022 - 04:43 pm

شوفي ياقلبي ..
نصيحة مني لك .. ترى السالفة مو نوعية الزيت هي طريقة وضعه ومتى تحطينه .. هنا الاساس والله كان شعري رهيب ..
بس بسبة المرض طاح ..
بقولك الطريقو الزيوت اللي استخدمتها .. بس خذيها كلها من المعصرة مو الصيدليات ..
الزيوت ../
زيت السمسم
زيت الخروع
زيتزيت الزيتون
زيت الحلبة
زيت الجرجير
والنارجين "العلبة الخضرا"
زيت الحبة السودا
هذا اللي اذكره ان شاء انها كامله ..
تحضير
تاخذينهم كلهم وتحطينهم بقدر عشان يتسخن مرة ... وبعد مايبرد رجعيه بالقوارير يصير عندك بكل قارورة خلطة زيوت ..
طريقة وضعه/ ماتصبين صب على شعرك لا ادهني يدكي وافركي الفروه وهكذا افركي اصابيعك وافركي الفروة واخر شي امسحي وافركي على الشعر كله .. بعد ماتخلصين من التزييت ..
غطي راسك بكيس او غطاء بلاستك اللي يجي معك .. وعليها غطي بالاشارب او الطرحة او البندانة
ونامي ..<<< لازم التزييت بالليل ..
واذا قمتي الصباح اتروشي واغسليه .. وخلي المرطب حقك فازلين تونك لا تكثرين نقاط بس دهني شعرك بعد الترويش وهو مبلل مو ناشف ..
وشهر وراح تلااحظين تحسن كبير ..
ولا تنسين انها اششياء طبيعيه يبيلها وقت واستمرار ..
انا عن نفسي كنت يومي ازيت والصباح اتروش والله كان شعري رهيب ..
والله يشهد على كلامي ..

ريم الريآض

10-03-2022 - 05:44 pm

مزآج
ندوي
روح المساء
الله يحرم وجيهكم عن النآآآآر
وينوولكم اللي فبالكم

تونيك الثوم واللي الكل مدحه←
تسريحه ناعمه تنفع لسهرات→