ادخلي وقولي لنا الماركات اللي تحبيها في مكياجك وأنا أول وحده حياكم

السلام عليكم:
مساء الخير على أحلى فراشات في النت والعالم
شخباركم بخير عساكم طيبين...عسىاكم مبسوطين...
طبعا أنا وأعوذ بالله من كلمة أنا بعد ماقرأت مواضيعكم لا حظت انو الكثير فينا يفضل انوا ع من الماركات ويحس انها تناسبه أكثر ونادر مانتفق على شي معين..
فأنا حبيت أحط هذا الموضوع عشان الكل يستفييد
والفكره انو كل وحد تحط لنا مكاياجها ونوعه ومميزاتها اللي هي ارتاحت لها يعني ان كل وحد تقولنا ليش استخدمت هذا النوع
واذا سمعت عن شي حلو بعد تحطه >>>زوديتها ترى بطلباتك
وياليت يكون في تفاعل عشان الكل يستفيد يعني مثلا مثلا>>>ياكثر هرجهك بس
لو وحد بتطلع السوق تكون عارفه وش بتشتري ووش مواصفاته عشان ماتتورط وتاخذ شي ماتستفيد منه
واللي ماتبي تشارك براحتها
واموضوع ماادري ان كان مكرر اولا لاني توني جديده فسامحوني لو مكرر
ابدأ انا بنفسي:
1- الأساس : من لانكوم التغطيه الطبيعه أخف نوع انا كنت دايم اخذ البيج على وردي وكان مرره حلوه هو مايغير شي بس انه يوحد اللون للوجه ويخلي وجهك مخملي
بس الحين حولت على البيج بس شكلي بارجع للاول
2- البودره: كنت آخذ البودره تبع الاساس اللي من لانكوم بس حسيت اني لمن اخذا يطلع الاساس ثقيل فطنشته
3-البلاشر: هذي اشكل منها عاد وكل اللي اخذهم حلويين عندي الوردي من بودي شوب ومن نينا ريتشي >>هذا روعه مرره نعوم وأحلى شي للمناسبات تبع ديوور ثابت ومايطيح وعندي برونزي من نينا ريتشي بس خلص
4-الكحل القلم: احلى كحل كحل فور ايفر روعه قليله عليه لونه اسود فاحم ويرسم على طول ومايتعب انا كان عندي منه بني بس خلص>>تاكل الكحل الاخت
5-الأرواج:طبعا هذي أشكال والوان عندي بس التوب عندي ومستحيل اغيرها فور ايفرر بجد روعه الوانها ناعمه وماهي جاافه انا كان عندي افسان لوران بس ماعجبتني ابد احس انه حق كبار بس فور ايفر نعوم وحلو سواء اللي تجي لحالها او مجموعه مع بعض
6- المحددات: فور ايفر بلا منازع كل الالوان
7-القلوسات: عندي مجموعه من فور ايفر>>>معلقه على فور اييفر
ومن لانكوم هذي نعومه مرره وشفافه
ومن بدي شوب عاد هذي يكفي طعمها>>>تاكلها الاخت
وقلوسات ديور بعد حلوه بس مااستخدمها داايم
8- اما بالنسبه للظلال انا مااستخدمها كثيير لاني بنوته ومااحبها كثيير فماعندي خبره فيها
اما الأشياء اللي اشتريتها وندمت عليها:
كل شي من كلارينس ماعادا المرطبات
اساس ايفسان لوران وكلارينس
مخفي العيوب من ديوور حسيت انه ثقيل وش بعد هذا اللي اتذكره الحين
وسامحوني على القصور وسلامتكم
همتكم يالفراشات