ادري غريبه قصتي

السلام عليكم
راح ادخل بالموضوع على طول
بنات انا حياتي ماشيه تمام الحمدالله صارلي خمس سنوات وشوي متزوجه
وعندي ولد الله يحفظه
مهتمه ببيتي وزوجي وولدي واهم شي صلاتي
الحمدالله جميله ما ابي امدح نفسي يابنات بس هذي الصراحه كل من شافني حتى مايصدق ان عندي ولد يفكروه اخوي
جامعيه ولله الحمدالله ماني مقصره على زوجي بأي شي ومن كل الجهات ماشالله
الحمدالله يحبني واحبه ومدلعته بكل شي
حتى اهله حاطتهم فوق راسي
يعني مرتاحين بحياتنا
انصدمت لما شفت جواله لقيت معه علاقات مع بنات يلعب ويتسلى
ووحده منهم تعرف رقمه ويكلمها
تقطع قلبي وبكيت
لحالي
جاني الم مو طبيعي بصدري حتى مشيتي ماكانت متوازنه
يسولف معاها ويبي يشوفها وتقوله حبيبي من هي عشان تقول زوجي حبيبي حسبي الله ونعم الوكيل
انتظرت يومين طول الوقت وهو يحوس بالبلاك بيري تبعه ويكتب وانا كاتمه وصابره
بعدين واجهته بهدوء وقلتله قد ايش نحب بعض ومانبي نخسر بعض واللي يسويه غلط
قام ينكر يقول مو انا هذا صاحبي
وريته المحادثات وانهم بأسمه
سكت صمت
جا ضمني وقال سامحيني هذا كله لعب وربي عمري ماحبيت غيرك ولا راح احب ومسح كل الأضافات قدامي
سامحته عشان لو كبرت المشكله راح يسوي كل شي من وراي
ظلينا يومين ماشيين تمام
اسولف معه اكشخله زي العاده
شفت جواله وهو نايم عشان اتأكد معنو تعامله معي ماتغير ويهتم فيني كثير
لقيته رجع كل الأضافت وكلم البنت اكثر من مره
ماوضحتله شي وطبعا مستحيل اقوله لان المفروض ما اشوف جواله وهو نايم لان خصوصيه
ما ادعي ربي الا انه ياخذ روحي من هالدنيا الدانيه
نسيت اقولكم مو من طبعي اطلع اسرار بيتي لاحد لأهلي او اهله
مستحيل
طبعا الحين لقيتو حاط بجواله رمز حمايه
انا احبه ومابي اخسره واخليه لبنات الحرام تكفون ادعولي بظهر الغيب
لان مافي حل الا وجربته