تكفون ساعدوني احبه حيل

يسعد صباحكم بنات عندي مشكله مدري من وين ابدى انا متزوجه من 20 سنه زوجي طيب وحبوب يحبني موت اهله يعني مايحبوني ولا يكرهوني المهم كنا عايشين في بيت واحد زوجي حب انا ننقل في بيت لوحدنا انا طبعا فرحت بما ان عنده بيت ملك ليش لا المهم امه وابوه زعلو قالو تبون تحرمونا شوفت عيالكم ابوي لمى عرف رفض انا ننتقل للبيت الجديد واقنع زوجي انه يترك هالفكره بعدين زوجي قرر يئجر البيت اجره 4 سنوات لقى نفسه يدخل الاجار لتصليح التلفيات اللي بالبيت بعد المستئجرين صار يفكر وش يسوي عشان يستفيد اكثر قرر يبيع البيت وبثمنه يفتح مشروع على قده على فكره هو معلم رياضيات خريج محاسبه فتح المشروع وحطه باسمي انا امه زعلت قالت له ليش مو باسمي ليش باسم زوجتك هو كانت وجهة نضره انه لما يكون باسمي راح يورثونه اولادي من بعدنا ولاكن لو كان باسم امه بيورثونه اخوانه بعد عمر طويل للجميع المهم ان المشروع كبر وكثرت فلوسنا بشكل كبير اهله زعلانين منه لانه مازال كاتبه باسمي طلعو من البيت لقصر على فكره اهله اموالهم طائله واحنا من الزعل تركونا في البيت القديم عشت معى زوجي وعيالي حياة سعيده ما ينغصها شي غير زعل اهله منه الى ان كثرت فلوسه صار يبعد عني عاطفيا كثرت سفراته انا احبه حيل لمى يرجع من سفراته يلاقيني عروس من ترتيب للبيت وكشخه وعطر والقمصان اشكال والوان والمفرش يتغير معى كل سفره والاكل اسوي له مالذ وطاب وانا علىقدر من الجمال وطباخه ماهره ومن ناحية الفراش ما اقصر معه ابدا بس هو كثرة الماده معه ومايدري وش يسوي فيها صار يعرف بنات كثير وانا اعرف وساكته كنت اشكي لابوي الله يطول بعمره كان دايم يطيب خاطري ويقولي هذا ولد عمتك وسمعته من سمعتك لاتخربي على بناتك واولادكحاولي تحتوينه بس صار شي صعب خصوصا انها صارت تجيني امراض بسبب معاشرته لغيري طبعا بالحرام وامراض خطيره ممكن لو ماعالجتها من البدايه كان صارلي سرطان في الرحم قررت اتكلم وياروح مابعدك روح صار بينا مشاده كلاميه وطلعت من البيت وتركته 7شهور عيالي معي يرسل لهم مصروفهم وما يقصر المهم انه تزوج من وحده ثانيه وبعد شهر من زواجه جايراضيني كان شكله مبهور فيني يقولي اني احلويت كثير وانا عرفت ان زوجته الجديده الله يستر عليها ويرزقها بنت الحلال اقل مني جمالا واقل معرفه بنفسيته طبعا انا كنت اداريه كثير واعرف وش يحب ووش يكره المهم انه كان ميت علي يبيني ارجع وبس قالي وش تبين رضاوتك قلت ابي العدل بيني وبين زوجتك وتعطيني رضاوه كثر مهر الزوجه الجديده قال خلاص وطلع من بيت اهلي على هالاساس انتضرته يوم يومين اسبوع ما جاء اتصلت عليه ابي اسلم عليه قالي انتي جاده في طلبك قلت ايوة قالي يعني تبين تذليني قلت لا زعل وسواها هوشه لها اول مالها تالي قلت طيب انت تعرف ليش طلبت رضاوه هالكثر قال عشات تذليني قلت ماعاش من يذلك انا كنت ناويه اذا جبتها قدام اهلي ارميها بين رجليك واقولك اموال الدنيا كلها ماتسوى تراب رجليك اول شي رد لكرامتي ولا يجهلكم الاشاعات اللي تطلع على البنت اذا طلعت من بيتها ورد لكرامته لانه هو بعد طلعت عليه اشاعات المهم انه ما اقتنع بكلامي وقالي انتي فضحتيني وكرهتي الناس فيني انا اقترحت عليه انا نبدى صفحه جديده وكل واحد يراجع نفسه وافق بس يقولي صدقيني معاد لك اي مشاعر عندي ابدا انا متحمله هاليومين وذاله نفسي عشان ابوي مريض بالقلب وزعلان عشان خاطري وخايفه عليه يصير له شي وانا السبب المهم اتفقنا اني اروح انقيلي غرفة نوم جديده ومدري هل بيعطيني رضاوه قدام الناس ولا بيطنشني على فكره هو على كلامه مرجعني عشان ابوي هو يحترمه كثير ويحبه بالنسبه لزوجته يقولي مابيكي تعرفينها ولاتشوفينها خايف عليها مني اخربها عليه معى اننا في بيت واحد هي فوق وانا تحت بس بنات احسه يحبني حيل مدري وش اسوي عشان ارجعه والله احبه مو عشان عياله لا انا اموت فيه تعبت من كثر الكلام تكفون شورو علي ترى عمري 35 متزوجه وانا بثاني متوسط