اذا طلع زوجك من عندك زعلان

اخواتي الحياه الهادئه اساسها التفاهم والمحبه بين الزوج والزوجه والي بالتالي اكيد ينعكس على الابناء وافراد اسرتك
بقدم لكم كم نصيحه واتمنى من المولى عز وجل ان يكتب لي فيه الاجر والاقي احد اخواتي تستفيد لو من كلمه اكتبها
اولا
اياك اختي الكريمه ان يطول الزعل بينك وبين زوجك لو ساعه وحده
وصدقيني لو خليتي الزعل اليوم يطول لساعه بكره تقدرين تطولينه لساعتين وبعده يمكن يوم
وشوي شوي تلاقين نفسك انت وزوجك مستمر زعلكم يمكن اسبوع وعليها
حاولي تنهين فترة الزعل على قد ما تقدرين واعرفي واتاكدي ان زوجك هو جنتك ونارك فان كان راضي عليك فحياتك احلى منها مافي
واذا كان زعلان والله لو عندك ايامك كلها مناسبات وافراح وعزايم وناس طالعه وداخله والله عمرك ما راح تحسين بطعم السعاده او راحة البال
من هذا المنطلق ........ معليش تعالي على نفسك مره ومرتين ومليون استسمحي منه اذا كان زعلان
شفتي بنتك الصغيره لمن تراضييك ؟؟؟؟؟؟؟ خليك مثلهاا باسلوبها ورقتها
ولا تنسين اذا طلع من عندك زعلان لا تنسين هذا الدعاء والله والله له مفعول كل سحر سبحان الله وطبعا النيه بالدعاء والاخلاص
(( اللهم رده الينا ردا جميلا))
ثانيا
استقبليه لو باابتسامه لو ما قدرتي تستقبلينه عند الباب مثل زمان وانت عروس!!
خلي الابتسامه ما تفارقك بدخلته حسسيه انه كانه ملك وان الشوق كله بعيونك وانك بانتظاره
ثالثا..
اذا غاب كم ساعه اسألي عنه كم كلمه لها تاثير قووي مثل ( وحشتني .. فينك . متى تجي .. مشتاقه .. البيت ماله طعم بدونك ..) كلمات خفيفه لاكن لها تاثير على الزوج والله غريب
وصدقيني لو كان راعي طلعات واستراحات وخرابيط صدقيني بالبدايه انت سببها وبكلماتك وشوقك له راح تخلينه يبطل ويجي
رابعا
جلستكم بالبيت لا تخلونها ( كانكم تلعبون لعبة ثلج ومويه ههه) لاا اختي خليها جلسه حلووه اضحكي سولفي امزحي كاسه عصير شربيه حبة بسكوت لقميه مساج بالرقبه او باليدين وانت جالسه جنبه .. وانت وشطارتك
طبعا كل بنت لها اسلوبهاا بس اهم شي
اهم شي
الزعل لا يطول
ولا تخلين دمعتك سلاحك
اليوم يخاف ويزعل على دمعتك
بكره يمسحها
بعده يعطيك منديل ويضحك عليك ولا تهمه دمعتك
واستني راي اخواتي الكريمات ومنكم نستفيد والموضوع مو للرفع او الشكر الموضوع للنقاش والفائده