اذا ويآك هالحلى ارفعى رااسك

التشيز كيك لذي يذ مرة .. بس يبغيله شغل اجد
المقآدير...
الطبقه الاولى..
كوب بسكوت كاكاو مطحون -اي نوع ، المهم بني
3 م ك سكر
3 م ك زبده
الطبقه الثآنيه ..
فيلادلفيا 200 جرام -يعني المجموع 800 جرام
كوب و نص سكر
5 بيضات
كوب و نص كريما سايله
ربع كوب طحين
2 م ص فانيلا
0حبات مارس من الصغار مقطع مكعبات - يعني كل حبة مارس تقصينها اربع مكعبات
الطبقه الثآلثه
(طبقة الكاراميل)
كوب سكر اسمر
اصبع زبده
ربع كوب حليب
الزينه ...
كاكاو مذوب في حمام مائي
كريما مخفوقة
5 او 6 حبات مارس صغار -كل وحده مقصوصة نصين بشكل مايل

• ***********

الطريقه
الطبقه الاولى....
اخلطي كل المقادير عدل و رصيهم في قالب التشيز كيك في القاع و الاطراف بطول 2 سم
حطيهم على جنب
الطبقه الثآنيه ...
اخفقي الجبن بمضرب الكيك يلين يصير ناعم
ضيفي السكر و اخفقي
ضيفي البيض وحده وحده و اخفقي
ضيفي المقادير الباقية و اخفقي
صبي نص كمية الخليط على الطبقة الاولى و حطيهم في الفرن مدة 40 دقيقة
طلعي من الفرن و خلي يبرد شوي
الحين المارس المقطع حطي على ها الطبقة ، بس حاولي ما تلصقينه في اطراف القالب
صبي باقي خليط الجبن و حطي في الفرن بعد 40 دقيقة
بعد ال 40 دقيقة سكري الحرارة و خلي الكيك في الفرن مسكر عليه مدة نص ساعة
طلعيه من الفرن و خليه يبرد تمام -بيطول ، تدرون لأن كتلة الجبن ثجيلة و ما بتبرد بسرعة-
حطي في الثلاجة لليوم الثاني
الطبقه الثآلثه
اخلطي كل المقادير مع بعض و حطيها على النار يلين ما تغلي .. و خليها تغلي 3 دقايق عشان شوي تغلظ
برديها .. بس لا تخلينها وايد بارده لانه بعدين الكاراميل بيتجمد و ما بيكون سهل تلبسينه الكيك .. يعني شوي دافي
الزينه عاد زينى على كيفك
وبا العافيه