ارجو المساعده لمن تملك القدر الكاتم طنجرة الضغط

هلا حبيبتي ...اهم شي انكك تتأكد من احكامه زين ...ثاني المؤشر تبعه تضعينه...كمان لما تستوي الطبخه تشيلين المؤشر وتنتظرين الين يروح البخار الموجود بداخل الضغط بالكامل ماتفتحيه ابدا واذا انتي مستعجله حطيه تحت صنبور ماء بارد الا ان يذهب كل الهواء الخارج ... اما الوقت فهو على حسب نوع الاكل مثلا :خضار مثل الفاصوليا الجزر 10 دقائق او اقل البطاط والباميه والباذنجان خمس دقائق اللحم اذا انتي بمنطقه حارة ربع ساعه واذا باردة ثلث ساعه وهكذا ..واي استفسار انا في الخدمه ...اهم شي ماتفتحيه وفيه بخار ok

الف شكر لكى اولا
يمكنى انى اطبخ فى كل يوم برغم انو اكبر من القدر يلى اطبخ بيه
وكمان يمكن ان اضع الدجاج بدون مرق ويكون اوكى
واسفه على كتر الاسئله

:عادي حبيبتي اطبخي فيه كل يوم مافيه اي مشكله بس انك تحطين دجاجه بدون ماي هذي صعبه لانه لازم ماي ولاتكثرين الماي وتاخذ الدجاجه حوالي ربع ساعه اذاهي كامله

اهلاين حبيبتي
بالنسبه لقدر الضغط انا مااعرف اطبخ الا فيه يعني تقدرين تقولين عندي خبره لانو اول ماطلع القدر واهلي مايطبخو الا فيه
اقولك اول شي واهم شي تكون كمية الماء تحت المسمار حق اليد
وبعدين لازم تكوني ضتبظه الوقت تمام حتي ماتحترق الطبخه
يعني الدجاجه والرز والمكرونه هذولين يبي لهم ربع ساعه بس بدون زياده اذا كنتي ضابطه كمية الماء
والحم يبي نصف ساعه ادا كان لحم غنمه كبيره وادا صغير ربع ساعه
ولايدامات كمان يبي لهم بس 10 دقائق ولا تكثري الماء فيهم
وايش كمان
تقصري النار علي القدر من يطلع البخار
واي استفسار انا جاهزه
ودمتم سالمين
.

حبيبتي الوقت على حسب الطبخه ونوع القدر انا عندي قدر ابو يد تاخذ الدجاجه فيه ربع ساعه والرز والايدامات خمس دقائق فقط والقدر اللي ماله يد ياخذ وقت اطول اكثر تقريبا بخمس دقائق.

طيب إذا طلع القدر الكاتم صوت وقام يتشتش
وش معناه

اختي احلام عادي الصوت لأن البخار يكون مكتوم

يازينه والله هالقدر نفعنا في حياتنا اللي كله مستعجلين فيها ..
المهم ياخبيره في القدر الكاتم ...كيف أسوي فيه الجريش والهريس الله يعافيك .