اريد المساعدة

عزيزتي براءيي باءمكانك التكلم مع زوجك و تقولي له بانك متعبه و انك خجلا نة منه فاءن كان زوج متفهم سيعذرك والا فحاولي انت الضغط على نفسك و حاولي التنضيم بين بيتك والعمل مع تمنياتي لك بالسعادة يا رب

آنا مريت بنفس تجربتك وللحين أشتغل ، وألحين صارلي أكثر من 10 سنين
في بداية زواجي كنت أعاني من هالمشكلة ، ما كان عندي شغالة ما كنت ولا زلت أضمنهم سوالفهم معروفة ، عالعموم طبعاً كنت قبل ما أنام أطبخ الغدا لليوم الثاني وأحطه في الثلاجة ، (( كنت مضطرة علشان أقوم بواجباتي بأكمل وجه)) ولما نرجع من الدوام أسخن الأكل ونتغدى ، يعني ما فات عليه كثير خاصة إذا طبختيه قبل ما تنامين
بعد الظهر ، أنام وأنوم بنتي معاي وطبعاً زوجي بعد كان ينام عقب الغدا ولو ساعة علشان تعوضين تعبج في الدوام (الله يعينك) أقوم على صلاة المغرب ، أصلي وأبدأ بأعمال المنزل مثل الغسيل والكوي والتنظيف والطبخ للعشا والغدا ،، وهالفترة يكون زوجي خارج المنزل ، وطبعاً أحس بتعب شديد لكن كنت أصبر ، كنت أجهز ملابسي أنا وزوجي للدوام وأغراض بنتي علشان كانت صغيرة عمرها 3 سنوات ، كنت أوصلها لبيت حماتي (لأن بيتهم عند مكان شغلي أنا وزوجي ) والحمدلله كانو يهتمون فيها لحد ما أرجع وأخذ بنتي ونرجع البيت ، وهكذا
لكن إذا بنتج صغيرة وما عندها أحد فأقترح لو تسجلينها في الحضانة ولما تخلصون دوامكم إنتي وزوجج تمرون عليها
وكانت أيام الإجازات (الخميس والجمعة) من أحلى الأيام ، على الأقل كنت آخذ راحتي في النوم وأصحى على الساعة 9 وأجهز الريوق ونطلع أو نزور الأهل .... وألخ
لكن زوجج له حقوق وأكيد الرجال مو نفسنا أحنا الحريم ،، يبون إهتمام من زوجاتهم ولو بالضغط على نفسج شوي ، مو كل مرة تتجاهلينه وتكشتين فيه ، لا ، حتى لو ما قدرتي على تلبية طلبه ، بأسلوب خاص حسسيه إنج تعبانة بس مو كل يوم ، أهو عنده حق إذا زعل منج وشاف على وحدة غيرج
حاولي تنظمي أمورج ، وإن شاء الله تكوني إستفدتي من تجربتي يا الغالية

اشكر الاخت هدير والعقيق على المرور وراح اطبق نظام الطبخ باليل وراح يمكن صحيح يكون اهون علي

حاولي ان ما يكون عملك علئ حساب بيتك

يه
الله يعين زوجي العزيز انا بنام الساعة 8 عشان الدوام لكن مابزعل لما انام
بشعر انو بقدر وضعي كموظفة
ولكن انا بعوضو في الاجازات