اريد حديقة في بيتي

المكان الإسمنتي-مافهمت بالضبط ايش هوه- ممكن تحطين فيه بعض الأحواض الكبيرة مستطيلة الشكل وازرعي فيها
بعض الزهور والنعناع والريحان-المشموم- اعتقد رح يتلطف الجو كثير

حبيبتي تستطيعين ان تكوني من هذه الطارمة الاسمنتية حديقة حلوة
بما انو انت بنت بغداد فلازم تختارين النبات الي يعيش ويتحمل حر بغداد وكل ظروفه الجوية وصدكيني هذا الكلام اكوله عن تجربة جكد متشترين من النبات اكثر يموت
لكن النبات الي يبقى مقاوم هو نبات دمعة عين الطفل - ونبات دم العاشق ( اليهودي)- والسراخس- وورد الصباح يخبل كل الحر والبرد يقاومه- والصبار بكل انواعه اكو انواع تجنن كبير ومدور وانواع غريبة ولتصدكين بعض الناس يكولون نحس عليه ( اني عندي والحمد لله بيتنا بيت الخير).
هذا النبات كله يوضع بالواح مستطيلة داير مداير الطارمة وانت وذوقك بترتيبه واذا كانت حالتك المادية ميسورة والحمد لله ادليك مكان تشترين منه كل فيكات الحدايق واحد بالكرخ بشارع المشاتل بالسيدية تكدرين تسالين عليه واحد ثاني بالرصافة بشارع زيونة خلف شارع الربيعي.
طبعا هسة تلكين فيكات مثل نافورات اصطناعية تجنن تحطيهة باي مكان واسيجة حجرية تجنن وتكدرين تشترين منهم حجر رخام وتضعيه بالزوايا على شكل تلال صغيرة واكو حتى شكل بئر اصطناعي كلش حلو وطبعا ازهار الجوري .
ان كان وضعك المادي على كد الحال ممكن تزرعين بالواح الفلين هذا تجديها باسواق الخضرة يوضعون بيها الخضروات ويرموها بعدي وان كان زوجك شاطر فيكدر يبنيلك الواح بجانب الاسيجة تزرعين بيهة متسلقات وانجح متسلقات الزفير والقنقينةو الفيكس هذا ينو بسرعة ومو بطيء.
واعلمك فيكة تكدرين تخلطين متسلقات اصطناعية خضراء تباع في الاسواق وباشكال مختلفة ورخيصة وتنسقيهة تطلع كانهة حقيقية
احلى شي كل هذا وهسة تطلعين مو ساكنة ببغداد حتى لو هاي الاشياء ممكن تطبقيها باي بلد انت ساكنته بس بقة تراعين الجو.
وطبعا لتنسين ورد الجوري .
اتمنة ان تكوني استفدت واذا عندك شي اساليني عنه

شكرا روزالين على الرد
تسلمين حنونتي يا جوري على هذا الشرح والجواب ، اهم شي ما تعبت ايدج من الكتابة
اني ساكنه ابغداد ومكان شغلي قريب من شارع الربيعي ، بس افضل الفلين ( احسن!!!!!!!)
تقبلوا تحياتي