اريد مشورتكم

عزيزتي الديكور الخشبي
فخم بكل ماتحمله الكلمة من معنى
واحنا في بيتنا الجديد امي كان ودها تسوي البيت كله خشبي
لكن للاسف احنا مثلا الجو عندنا في قطر رطوبة والخشب يتاثر كثير وعندنا ايضا ( الارضة) اللي تاكل الخشب بشكل كبير
حتى الناس قامت تغير الابواب الخشبية لابواب المونيوم
فما ادري عن جوكم والا مشاكل الخشب كثيرة
لكن تدرين في النهاية امي اختارت جبس وصبغته خشبي ناري والله ما تصدقين
انه جبس ابدا ابدا وروعة وعندك ايضا البورسلان الخشبي للارضيات كأنه خشب
واسفة عالاطاله

اختي انتي اولا وين ساكنه اذا كان الجو بارد فأنصحك بالأرضيه الخشبيه لأنها ادفى من السيراميك اوا اذا كنت في دوله جوها حار وودك بالديكور الخشبي تقدرين توضعين الأرضيه سيراميك شكله نفس الخشب والوان متعدده انا سويته في الصاله وطلع روعه ولما يشوفونه يحسبونه خشب والديكور طبعا الجديد جبس مبورد يصبغونه ويطلع شكل الخشب او اي لون تريدين
اتمنى ان اكون افدتك واي سؤال انا حاضره

جزاكم الجنه يا روضه الجنه ماقصرتي
والاخت ام عبد المحيد تسلمين يا الغاليه
ما تقصري الله يجزاك الفروس الاعلي في الجنه
ارتحت واطماننت وبا اتوكل على الله واسويه
واول ما انتهي من تصليح البيت اعزمكم عندي خلاص من دون اعتذار