اسهل وأحلى باتيه بالخطوات المصورة

السلام عليكم ورحمة الله وبركاته
وحشتوني جدا...وعلشان كده قلت لازم أرجعلكوا بحاجة تستحق انكم تجربوها ...فقلت يا ترى أعمل إيه ..وصلت في النهاية إني أعمل الباتيه ...ويا رب يعجبكم...ودلوقتي أنا هاكتبلكم مقادير الباتيه اللي أنا عملته
المقادير:
3 بيضات
فانيليا
4كوب دقيق
ربع كوب زبدة طرية جدا
ربع كوب سكر
3 معلقة كبيرة زيت
نصف معلقة صغيرة ملح ناعم
1 معلقة كبيرة خميرة
لبن دافيء جدا للعجن
الطريقة:
تعجن المقادير مع بعضها(الدقيق والفانيليا و البيض والسكر والزيت والملح والخميرة الفورية الناعمة) ما عدا الزبدة
مع إضافة اللبن حتى تصبح العجينة متماسكة
تترك لترتاح لمدة ربع ساعة وبعدين ستصبح بهذا الشكل
نضيف لها الزبدة ونعجن جيدا
وتترك لترتاح لمدة ساعة ونصف وستكون بهذا الشكل
نبدأفي التشكيل

• نرش دقيق على الطاولة ونفرد العجين ونحشيه بأي حاجة نحبها ...(ممكن جبنة أو شوكولا)

أنا هنا حشيتها شوكولا
ونلفها بالشكل ده..وبعدين نضعها في صينية مدهونة زيت
نتركه يرتاح لمدة ساعة حتى يصبح بهذا الشكل وقبل دخوله الفرن نلمعه باللبن
لازم نكون مشغلين الفرن قبلها بنصف ساعة مثلا ...
يدخل فرن متوسط الحرارة ...وبعد ما تطلع هايكون شكلها كده
وده شكلها من جوة
وهنا حطيت عليها صوص شوكولا
وده طريقة الصوص:
نصف كوب سكر +نصف كوب زيت+نصف كوب حليب+ 2 ملعقة كبيرة كاكاو
نضعهم في الخلاط ...وبس...
وممكن انتوا تتفننوا في الزينة
وما تنسونيش من دعائكم