اش كل وانت ساكت

مساء / صباح الورد
من زمان ودي انزل حلى بهالقسم والشيطان يقولي تعوذي من ابليس بس
خ
هالحلا كان له سالفه >>> اخلصي
بيوم زميلاتي بالمدرسة قالوا كل واحدة تجيب طبق من بيتها وقالولي انتي عليك الحلا
نمت وصحيت متأخر اطالع الساعه اوه الحلا
وجري ع المطبخ
واحوس وافرفر بهالكتب تبعت الحلويات والا وصفات زميلاتي والا اللي اشوفها بال T.V والا النت
اللي باقي شي من المقادير موب متوفر
واللي يبيله وقت كبير في تجهيزه
واللي معقد
واللي مدري وش يبيله
المهم قلت يا انا يا هالحلا الليلة
واقوم وأرز الصينية البايركس <<<<< كفو
واطالع بالمطبخ
كل مالقيت شي حطيته فيها
واعليّه عليها ذيك الصينية تحملت مني يومها اللي ما اتحمله من احد
حبيلها
خ >>>> متى راح تقطين هالتحفة وتذلفين
المهم اليوم الثاني انهبلوا عليه
وش اسمه ؟؟؟؟؟؟؟
جت الحوسة الحين وش اقولهم
قلت لهم اسمه " كل وانت ساكت "
وصار اسمه من يومها لليوم
وحزت على براءة اختراع بهالحلا
خلاص خلاص ادري عصبتوا والله بقول
وبالصور بعد
نبدأ باسم الله
المقادير مع بعض :
الطبقة الأولى :
1- بسكويت دايجستيف حجم وسط
2- ثلاثة ارباع اصبع زبدة بدرجة حرارة الغرفة
الطبقة الثانية :
1- علبة قشطة تاج سادة .
2- 6 حبات جبنة كيري .
3- علبة حليب نستله محلى صغيرة .
4- ظرفين دريم ويب .
5- 2 كريم كراميل ( حنستخدم البودرة بس بدون الكراميل ) .
6- ذرة فانيليا .
الطبقة الثالثة :
1- بسكوت شاي اي نوع .
2- حليب سائل لغمس الحليب
الطبقة الرابعة :
1- علبة قشطة تاج سادة .
2- ظرفين دريم ويب .
3- 3ملاعق طعام كاكاو .
4- علبة صغيرة حليب محلى .
التزيين :
حسب الرغبة
انا هنا استخدمت بقايا الحليب المحلى اللي بالعلبة وعملت فيها خطوط ع الوجه
وبين هالخطوط زينت السطح بالفستق والكاكاو البودرة وكل واحدة وذوقها
نجي لطريقة الحلى :
أول شي تطحنين البسكويت الدايجستيف وتحطين معاه الزبدة مثل ماتسوين بكثير من الحلويات
وترصينه بالصينية
بعدين نجي للطبقة الثانية :
بالخلاط نحط كل مقادير الطبقة الثانية مع بعض ونخلطهم وقت كافي حتى تتجانس كل المكونات
ونصب الخليط ع طبقة البسكوت
بها الشكل
الطبقة الجاية حنغمس البسكوت بالحليب ونصفه ع الطبقة السابقة
نجيب الخلاط مرة ثانية ونحط فيه علبة القشطة وظرفين الدريم ويب و الحليب المحلى و الكاكاو البودرة
نخلطها ونصبها على طبقة البسكوت المصفوفة بالصينية بهالشكل
ونجي للتزيين بعد كذا بهالشكل
وبالهنا والعافية
هذي آخرة السالفة خ
توتة توتة خلصت الحدوتة
من الكسل حسيت اني سويته ماكني منزلتة بمنتدى
أتمنى تسووه وتقولولي رايكم فيه
إلى اللقاء مع طبق اخر بعد عمرٍ طويل
عاد قيموني عشان تعطوني حافز أتحفكم باختراعاتي