اعرفي شكل وجهك وبعدها ابرزي جمالك وتفنني بالمكياج

مساء الخير
اليوم جايبه لكم موضوع يهم كل وحدة فينا ..
الكثير منا تنقصه المعرفه في مجال "الماكياج" ..
وهالمجال فن..
فن له معاهد ومدارس لتدريسه..
الماكياج مو اي أحد ممكن يضبطه..
والدليل الحفلات التنكريه الي تحصل في مناسباتنا وحفلاتنا..
وما يحتاج أحط صور لاننا كلنا عارفين..
أنقهر كثير والله يوم اشوف بنات جميلات جدآ والله معطيهم ملح ماله حد..
ويشوهون جمالهم ب ميك أب فيه جميع الالوان
للمعلوميه اغلب المشاغل الي عندنا الي يشتغلون فيها خبره وممارسه فقط..
يعني قليل الي دارسين ومعهم شهادات..
والدليل تشوفين نفس الميك اب على الجميع ..
ليه هو كل الوجوه نفس الشكل؟؟!
نفس الملامح؟؟!!
نفس الفستان؟؟!!!!
من هنا راح نبدأ ..
كل وحده تعرف شكل وجهها وعلى اساسه تزين مكياجها بنفسها..
الصيف جاي..
والمناسبات بتكثر..
ماله داعي نكثر الخساير
ببدأ بالفكره الاساسيه للموضوع..
(( شكل الوجه ))
What’s the Shape of Your Face
هذي الصوره توضح الاشكال وسبب تسميه كل شكل..
وهي..
"الوجه القلب"
الوجه يكون عريض من جهه الجبين ومنطقه الخدين..ومنطقه الفك صغيره..
"الوجه البيضاوي"
يعتبر هذا الشكل متناظر وهو شكل مثالي..
"الوجه الطويل"
يكون الوجه اطول مما هو عليه وعاده تكون منطقه الدقن بارزه
"الوجه المربع"
الوجه قوي وواسع من منطقه الذقن وتميل الزرايا الى شكل المربع
"الوجه الدائري"
يقترب الجبين وع الخدين والذقن في استداره كامله للوجه
اذا للحين مو عارفه شكل وجهك..
افضل طريقه..
وقفي قدام المرايه..واربطي شعرك كله على ورا..
وامسي اي قلم محدد عندك وارسمي على المرايه حدود وجهك
"اتمنى الشرح واضح"
الشكل الي بيطلع او القريب له هو شكل وجهك..
بعد ما عرفنا شكل الوجه..
نجي نطبق الاساسيات لكل ماكياج..
بدايه مع..
"الاساس"
طبعا ماراح اتكلم عن تنهيئه البشره قبل الكل عارفها
الفاونديشن او كريم الاساس لازم تاخذين لونك الاصلي.. ممكن في حلات خاصه افتح من لونك بدرجه وحده بس..
ابعدي كل البعد عن اللون المختلف بيخليك متصنعه وكانك حاطه وجهك في كيس طحين..
حنا نحاول نبرز الجمال الطبيعي بدون تصنع..
وبما ان الصيف جاي جربي الفاونديشن الخفيف الي اساسه مائي يعطي طله طبيعه جدا
وخفيف حتى لو كان لزواج..
حطي شوي منه على يدك وحركيه الغرض من هالخطوه تدفيته عشان يثبت ع البشره على طول
..
فيه طريقه جميله لنحت الوجه,..يعني ابراز ملامحه اكثر ..
وهي باستخدام لونين من الفاونديشن لونك ولون اغمق ..بالعاده تستخدم هذي الطريقه لعمل برونزاج ..وكانك مسويه تان..
اللون الغا مق ينحط على حدود الوجه وعلى الخدين لتحديد الملامح..
اللون الفاتح لابراز المنطقه
بعدها طبعا تدمجين الاساس مع بعض حتى تختفي الحدود بينهم..
وهذا رابط ع اليوتيوب واضح وسهل جدا..وشوفوا كيف بانت تقاسيم الوجه وبرزت عظمه الخد..
كود:
https://www.youtube.com/watch?v=e2gNBLiOxh4
كود:
https://www.youtube.com/watch?v=cFr58PAqkZk
بعدما انتهينا من الفونديشن ممكن نكتفي ..بدون بودره للتثبيت و ممكن لو كان زواج نثبت ببودره خفيفه جدا..
فيه طريقه جدا حلوه وتعطي المكياج لمعه جميله وتصلح للصيف او السهرات ..
امزجي شوي..شوي جدا من الفازلين مع الاساس على يدك بعدها وزعيه..
النتيجه
"مكياج العين"
من اكبر الاخطاء الي تحصل في المناسبات
الكميات الهائله من ظلال العين..
والله ياما اروح مناسبات واشوف الابداع والتهريج
شدو احمر واخضر واصفر
طبقي الشدو الفضي الؤلؤي او الاوان الترابيه والنحاسيه والالون الباهته
وارسمي العين بالاي لاينر برسمة مارلين مورنو مع الروج الاحمر القاني
>> لو كان فصطانك اوفر والوانه مالها حدود
هالستايل يجنن
شوفوا هنا انجلينا
وطبعاً طريقة وضع الاي لاينر او رسم العين بشكل عام بيكون بيد مرتكزه ع طاوله
حتى لاترجفي او تهتز يدك وهذا شي طبيعي ,, نادرا ما تكون اليد خفيفه ورسمها سريع
اما لو طبقتي المكياج الثقيل والالوان الغامقه فابتعدي عن رسم العين المكثف
ارسميهم رسمه خفيفه واعتمدي تحت العين الكحل البني
بخط خفيف جداً
عشان لا يطلع مكياج عيونك مبالغ فيه
ما تكتمل الطله لا بالمسكارا..
خوذي مطوله ومكثفه ..
..
يتبع لاحد يرد لين اخلص