افزعن لي ارجوكم

مرحبا-بالنسبه للقهوه اضيفي لها هيل معاه زعفران وشوي قرنفل ومستكه تصير القهوه روعه-دعواتك

القهوه اضيفي لها هيل وزعفران ومبيض القهوه وقرفه مسمار مطحون يعطيها نكهه حلوه جربي
والحلا عندك كتاب اطباق النخبه صراحه طبي وتخيري منه ومميزه كمان
موفقه

ممكن اعرف وش المستكه؟وين اجده؟؟
واضيفهن كلهن وهي تغلي ع النار او اضع شي بترمس؟؟؟
افدوني؟؟

سويها قبل وقت العزيمة لين تضبط
انا سويت طريقة ااي في كتاب ام ريما طلعت قهوة شيوخ اسم على مسمى
اذا تبين طريقتها كتبتها لك من عيوني

الطفشاانه اكيد ابيه افزعيلي
بس ابي منك تشرحينها لي زين يعني مثلا"متى احط الهيل والمسمار كم ملعقه ...لا تواخذيني لاني خايفه

لرفع

بالنسبه للقهوه خليها تطبخ ربع ساعه على نار وسط
وفي النهايه حطي عليها فنجال قهوه حليب سائل مركز مثل ابوقوس او حطي شوي مبيض قهوه
وحطي ملعقتين صغار هيل وزعفران مطحون وخش موناعم يعني مجروش وبس
واهم شي نوعية القهوه لازم تكون زيينه..
بالنسبه للحلى سوي نوعين واحد منهم سوي
ميني كروسان السميد مره شكله حلو وطعمه احلى واذا سويتيها لاتخلينها صغار مره خليها وسط واذا قليتيها قصيها من الوسك وحطيها في ورق التقديم يطلع شكلها روعه
وبنسخ لك كم طريقه من المنديات ثانيه وانتي اختاري الي يعجبك وجربيه قبل العزيمه كم مره لحد مايضبط اوكي
المقادير
كاس ونص طحين ابيض
نص كاس سميد
نص كاس زيت
نص كاس ماء
ملعقه صغيره خميره فوريه
ملعقه صغيره بكم بودر
الطريقه
ضعي جميع المقدير فوق بعض واعجني بيدك حتى تختلط المقدير وتكون العجينه ما تتلصق
بااليد اعجنيها شوي بعدين غطيها وهي ماتحتاج وقت لتخمير بس خليها ترتاح علبال ما
تجهزين مكان الفرد والمفرده والسكين اوالدرجه اللي تقصين فيها العجين وحطي عندك
صحن فيه زيت غطي يدك بالزيت وادهني مكان الفرد خوذي عجينه تكون صغيره بحجم
صفار البيض او اصغر احسن افرديها بشكل دائري وخليها خفيفه ماهي سميكه قطعيها
مثلثات زي البيتزا خوذي مثلث ولفي زي الكورسان حتى انتهاء الكميه وكل ما كانو صغار
صار شكلهم احلى وبعدين اقليهم في الزيت وبعد ما يبردون حطيهم في زبديه وحطي عليهم
الشيره وقلبيهم شوى شوى علشان مايتفتتون وذوقي هم
وقفي يا البحومه خلى شوى لعيالك ورجلك بالعافيه
ممكن بعض التغيير اذا حبيتي
بعد الفرد تحشينها جبن كيري او اي جبن وتقلي وتحطي شيره
او تحشينها تمر وتقلي بس ما تحطي شيره تحطي سكر مطحون
دعوتكم لنا اذا اعجبتكم
-----------------------------
كروسان السميد لذيذ جداً لا يفوتكم
________________________________________
بسم الله الرحمن الرحيم
المقادير
1 كأس دقيق أبيض
1 كأس دقيق أسمر
1 كأس سميد ( ناعم )
1 كأس ماء
1/2 كأس زيت
1 ملعقة بكينج بودر
الحشوة:
تمر مضاف ألية بهارتة الخاصة ( الهيل + دارسين + مسمار + جوزة الطيب + زعفران + حلوة )
للتزين
دارسن مطحون + سكر خشن
طريقة العمل:
يخلط الدقيق الأبيض والأسمر والسميد والبيكنج بودر ويضاف أليهم الزيت ويفت بأطراف الأصابع ثم يضاف الماء دفعة واحدة وتعجن العجينة
ثم تفرد ( بشكل جيد ) وتقطع على شكل مثلثات وتحشى بالتمر وتلف على شكل كروسان وتحمر في الزيت ومن ثم يرش عليها القرفة المطحونة والسكر الخشن
وبالهناء والعافية
--------------------------------
المقادير:
• 1كوب سميد .
• 1كوب دقيق .
• 2/1 إصبع زبدة .
• 2/1كوب حليب سايل .
• 2ملعقة كبيرة بكنج بودر .
• شيرة .
• جبن كيري للحشو .
الطريقة :
• ينخل الدقيق والسميد تضاف الزبدة وتفرك بالأصابع حتى تتجانس .
• يضاف السكر والبكنج بودر والحليب وتعجن جيداً وتترك حتى ترتاح قليلاً .
• تقطع العجينة على شكل دوائر وتفرد وتقطع على شكل مثلثات .
• تحشى بالجبن وتلف ثم تحمر في الزيت حتى يصبح لونها ذهبياً.
• تسقى بالشيرة الباردة وتدخل الثلاجة لتبرد ثم تقدم .....
وان شاءالله تطلع قهوتك احلى قهوه
دعواتك لي انقل الرياض على خير

وهذي صورتها قبل القلي
وهذي بعد القلي
وممكن تسوينها اصابع عاديه بس شكل الروسان احلى وخاصه اذا حشيتيها تمر وقصتيها من الوسط بعد القلي يطلع شكلها واو

اختي هايدي
شكرا" ياعمري ع التوصيف الجميل وانا لازم اجرب حلاكي شكله لذيذ ياعمري...